AIFF-in Aizawl FC leh Nagaland United SC inremna a pawm hnuah Aizawl FC-in an inremna chu induhsaktawnna rilru nena siam a nih thu an puang

#ZabilianZ Sept 9, 2026: All India Football Federation (AIFF)-in IFL (I-League) club zinga tlahniam lova awm rei ber leh I-League Champion lo ni tawh Aizawl FC leh Nagaland United SC inremna a pawm thu puan a nih hnuah Aizawl FC-in an inremna chu induhsaktawnna rilru nena siam -Goodwill Deal- a nih thu an puang.

Asian Champions League playoff leh Asian Football Confederation (AFC) group league pawh season khat lo khel tawh Aizawl FC hian IFL an khel tawh dawn lova. Kum 2012 atangin Robert Romawia Royte te chhungkuain a neitu nihna neiin, kum 15 an enkawl chhungin a zawnin season 11 I-League/IFL an khel tawh a ni.

Aizawl FC atanga thudawn danin, President te chhungkua (NECS)-in football atana an sum ruahman Rs nuai 3000 a zo tawh a, kum 1-ah Rs nuai 100 bak an ruahman theih tawh loh avang leh sum thawh ve duh,sorkar emaw a neitu ni duha sum thawh ve duh an hmuh si loh avangin Nagaland United SC nena thawho chu Mizote tan leh Aizawl FC tana tha ber tur ni ah an ngai a. Football leh Mizo thalaite hmakhawngaiin, sum tam taka club lei duh te pawh hnawlin he thutlukna hi an siam ta niin an sawi.#zabilianznews

Nagaland United SC hotupa Nagaland Chief Minister Nephieu Rio leh Aizawl FC neitu Robert Romawia Royte hi tunhma atanga tun thlenga inthian tha tak an ni. 

Aizawl FC leh Nagaland United inremnaah chuan a langa inremna bakah a hranpain inremna dang an nei ang, tih a ni a, Kumin season atangin Aizawl FC IFL license leh participation rights chu Nagaland United SC-in an nei tawh ang a, Aizawl FC in a pui ang.

MPL-a vawi 5 champion-a record siamtu Aizawl FC chuan nasa lehzuala football academy kalpui a tum a, AFC Complex, N. Lungleng-ah astroturf football ground siam zo tawhin, hostel building pawh peih thawkhat a ni tawh niin an sawi a. Mizoram bakah Nagaland, Tripura leh Arunachal Pradesh-ah te football zirna din belh an tum bawk a ni.#zabilianz #zabilianznews #zofatehuapzo