#ZabilianZ Sept 7, 2026: Lawngtlai Bawrhsap-in raltlan leh foreigner chungchangah thuchhuah siamin, "eizawnna dapa inhlawh thin raltlan ten an awmna veng VC leh YLA atangin hnathawh phalna (work permit) an la tur a ni" a ti.
Bawrhsap thuchhuah chuan September, 2026 thla atangin Lawngtlai khaw chhungah raltlan leh foreigner te in luah phalsak loh tur a nih thu pawh tarlangin, zan dar 8 hnu lamah emergengy thil a nih loh chuan raltlan leh foreigner te pawn chhuah khap a nih thu a tarlang.
VC ten an huam chhungah an khua leh tui ni lo (foreigner) cheng/in luah mumal takin an chhinchhiah tur a ni a. Chhungtin ten an mikhual (India khua leh tui ni lo) te VC leh YLA hnenah an report ngei tur a ni a. VC ten report felfai taka siamin register an vawng tur a ni.#zabilianznews
Khawi khuaah pawh pem tur ten an awmna hmasa khua/veng VC atangin pem lehkha an nei ngei tur a ni a. Pem lehkha chu VC te hnenah an thehlut ang. Pem lehkha nei mumallo te chungchang thu ah veng chhung thuneitu ten thutlukna an siam ang.
Hotel/Homestay siam ten mikhual hriatchian mumal loh an thleng tur a ni lova, mikhual thleng tur te hnenah voter ID Card/Addhaar Card/Driving Licence, etc. xerox copy an dil tur a ni. Mikhual lut leh chhuakte register mumal taka siamin an vawng tur a ni a. Mikhual an neih dan kartin (weekly report) document attached Superintendent of Police, Lawngtlai hnenah an thehlut tur a ni.#zabilianz #zabilianznews #zofatehuapzo
0 Comments