#ZabilianZ Sept 8, 2026: Manipuri guitarist hriathlawh tak Chongtham Vikram Singh chu nizan khan misual kut tuarin Delhi-ah a thi a. Manipur band Phoenix guitarist hlui, C Vikram Singh thihna kaihhnawihah hian Delhi Police chuan mi 8 man tawhin, an zinga pakhat chu kumtlinglo a ni.
Kum 54 mi, C. Vikram Singh hian nizan zanlai vel khan Kolokari village-a a chenna in kawta zu rui bengchheng te chu thawm dim tura a hrilh hnu-ah heng mi te hian kut an thlak zui nghal a. Damdawi in panpui nghal mahse, a nunna chhan theih a ni ta lo niin a fapa Yaiphaba chuan a sawi.
Manipuri musician thihna kaihhnawiha man te hi - Bharat Kumar (19), Pramod (26), Ramzan Khan (22), Deepanshu (21), Mohan Vishwakarma (32), Vijay (36), Mannu (26) leh kumtlinglo pakhat niin Police te chuan an sawi a. An mi man te hi kawngkam thingpui dawr (dhaba) a thawk te leh delivery boy te niin an sawi bawk.
C. Vikram Singh hi Manipuri guitarist lar tak, Delhi-a music zirtirtu niin, Phoenix bakah Ultra Vires leh Eastern Dark ah te pawh lo tel tawh thin a ni.#zabilianz #zabilianznews #zofatehuapzo
0 Comments