VC term chungchang : " an buai peih chuan min khing se, keini tan buaina tur a awm hran lo" :Chief Minister

#ZabilianZ Nov 28: Chief Minister Pu Lalduhoma'n VC term pawhtawi chungchangah "'Court-ah kan khing dawn' tih thawm te kan hria a, an buai peih chuan min khing se, keini tan buaina tur a awm hran lo" a ti.

ZPM Southern Hqrs Office, Lunglei a tlawhnaah he thu hi vawiin chawhma khan Chief Minister a sawi a. Nakum February thla chawhnu lamah VC inthlan chu buatsaih tura ruahman a nih thu sawin, "he ruahmanna kan kalpui chhan chu VC term kal mek hi Covid avang khan pawhsei a ni tawh a, a tul hunah sorkar chuan a pawtsei theiin a pawt tawi thei, hei hi sorkar thuneihna a ni" tiin, tunhma pawhin pawhsei leh pawhtawi te a lo awm tawh thin thu leh thuneitute thuneihna a nih thu a sawi.

Chief Minister chuan "February thla-ah session kan nei ta ziah a, planning commission kan neih tak loh hnu hian session hi kan nei hma ta a, Parliament session pawh a hma tlangpui ta a, chuvang chuan a tlai berah February thla tawp lama session kan tan loh chuan kan tlai ang tih kan hlauva, chung te ngaihtuah chuan Budget Session hma a lo inthlan fel kha a pawimawh a ni" a ti a. VC kan han inthlang anga, financial year thar April thla atangin hna an thawk thei tawh dawn, a hlui ten financial year thar an kai khan thil buaithlak a awm theih thin avangin hetiang ruahmanna hi siam a ni" a ti bawk.#zabilianz

Hand-Holding chungchang pawh sawiin, Chief Minister chuan  loan lak chi leh Chief Minister’s Special Pakage (a thlawna cheng nuaikhat thleng lak theihna) a awm tih a sawi a. November thla thleng dilna hun hawn a nih thu leh diltute chuan tunah an hmuh loh pawhin an dilna chu an ring zel thei dawn niin a sawi.

Chief Minister chuan "December thla chhung hian CM’s Special Package bik hi selection neih tum a ni a, tun financial year chhung ami tur hi chu a pilot project anga kalpui a ni anga, a kum leh ah tam leh zuala kalpui chhoh zel tum a ni" a ti a. Pilot project atana thlan tur te chu mi te entawntlak leh rintlak te an nih tur thu sawiin, "sum dinhmun nena inmil turin kalpui ani anga, department hrang hrangin an thlan theih tur zat pawh siam fel tawh a ni" a ti.#zabilianz

Hand-Holding chi hnih kalpui turah Project/Trade nei thalo endik dawllo chu ZPM party hotu pawimawh tak pawh ni se thlan tur an nih loh thu Chief Minister chuan sawiin, "mihlawhtlinglo tur chu tupawh ni se thlan tur an ni lo" a ti a. Unit list leh block list tih vel hi kan sorkarah a awm thiang ve lo" a ti bawk.

Sawhthing, Aieng, Hmarcha leh Hmunphiah lei tura hmalakna leh sawrkar ruahmanna hrang hrang te Chief Minister chuan a sawi bawk a ni. #zabilianz #zabilianznews #zofatehuapzo