India Repaublic Day-ah Larsap-in sawrkar hmalakna pawimawh te a sawi


#ZabilianZ Jan 26: India ramin ama puala Danpui a buatsaih a hman tan ni champha hriatrengna -Republic Day- chu vawiin khan India ram hmun hrang hranga hman a ni a. Mizoramah pawh tukin dar 7:30 khan Sipai Lammual- he ni hi lawm niin, Larsap Gen (Dr) VK Singh-a'n India hnam puanzar pawtpharhin parade contingent 23 ten hnam puanzar zahna chibai an buk a chhanglet bawk.

Larsap Gen (Dr) VK Singh chuan "He ni pawimawh takah hian kan hman tur Danpui kan insiama, hei hian dikna, zalenna leh intluktlanna min pe a ni," a ti a. India in danpui leh zalenna a neih theih na tura theihtawp chhuahtute zahna chibai a buk.

Sawrkar hmalakna leh hlawhtlinna tam tak zinga langsar zualte Larsap chuan sawiin, sawrkar flagship programme Bana Kaih hnuaiah mahni kutkawiha eizawng leh kuthnathawkte puih tum a nih thu leh hei hi India ram intodelh 'Viksit Bharat 2047' hlen chhuah theih na tura pawimawh tak a nih thu a sawi a. He scheme hnuaiah hian progress partner-te chu hmalakna tur loan pek an nih dawn bakah sawrkar chu quarantor-ah a tan tur thu sawiin, partner banks - SBI, MRB leh MCAB te nen thawhhona thuthlung ziahfel a nih tawh thu a sawi.#zabilianz

He scheme hnuaiah hian Chief Minister's Special Category Scheme tanpuina cheng nuai 1 thlenga dawn theihna a awm thu pawh Larsap chuan a sawi a. Thlai thar thlan bik pali -  Sawhthing, Hmunphiah, Aieng leh Hmarcha ah te minimum support price sawrkarin a ruahman thu a sawi bawk.

Larsap chuan Mizoram chu state ralmuang tak a nih thu leh Assam nena ramri buai chinfel tuma tanlak mek zel a nih thu pawh a sawi a. Security agency hrang hrang te hmalaknain dan lova ramri kaltlanga kuhva, drug, ralthuam leh puakthei thil tawlhruk thahnem tak man a nih thu pawh sawiin, dan lova thil tih leh ruihhlo do kawngah sawrkar, NGO, kohhran leh khawtlangte tanho zel a pawimawh thu a sawi.#zabilianz

Nikum chhung khan PWD-in kawng km 194 a thui sial hna an thawh bakah km 264 an black top a, km 98 a thui high strength concrete road an siam niin Larsap chuan a sawi a. Kawlphethaa intodelh tura theihtawp chhuah zel a nih thu pawh sawiin, pre paid smart meter pawh hman thuai tum a nih thu a sawi.

School building thar 14, classroom 35 leh toilet block school 43 ah te leh school 18 cheithat hna kalpui mek a nih thu Larsap chuan a sawi a. National education policy 2020-in a phut angin State pual University din tum a nih tu a sawi bawk.

Health Clinic 3 te Health Sub-Centre-ah leh PHC 7 te CHC-ah hlankai an nih tuh sawiin, khum 50 leh khum 10 awmna Ayush Hospital, Sub-Divisional Hospital 1, PHC 3 leh Health Sub-Centre 41 sak mek a nih tuh a sawi a. "Urban town 8 te ODF+ dinhmun an thleng tawh a, District 3 te ODF Plus Model an ni tawh" a ti bawk.#zabilianz

PMAY (G) hnuaiah in 25361 sak tawh niin, sak mek 4605 a awm tih Larsap chuan a sawi a. Aizawl Chawnpui vengah PM Ekta Mall sak tum a nih thu leh tunhnai lawkah Mizoram Electric Vehicle Policy, 2024 chungchangah hriattirna chhuah a nih thu a sawi.

MYC kaltlangin thalai 50 te eizawnna ngelnghet siamsak an nih thu pawh Larsap chuan sawiin, sports discipline-te huam zau zawka chhawmdawl theih nan Mizoram Sports Incentive Cash Award Scheme siamthat a nih thu pawh a sawi a. "Olympic 2036 ah Mizote kan tel ve ngei theihna tur tinzawnin hmalak mek zel a ni" a ti.#zabilianz

Land Record Mangement System atan online portal duan a nih thu pawh Larsap chuan a sawi a. Thlai hriak sawrna Falkawn-ah bun mek a nih thu te, Lengpui-ah Animal Feed Plant siam mek a nih thu te, fish hatchery thar 3 leh sangha dil hectare 148 a zau siam belh tum a nih thu te leh sawrkar hmalakna hrang hrang dang te Larsap chuan a sawi bawk.#zabilianz #zabilianznews #zofatehuapzo 





Comments

Post a Comment

Popular posts from this blog

MNF leh Congress Candidate intawm atan Lalrinfeli - chhinchhiahna atan mipa leh hmeichhe inkai

Image
#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi...
Read more

Doctor pahnih kutthlak rawntua puh mi 6 police-in an man te bail-in chhuah

Image
#ZabilianZ Sept. 23: Durtlang Leitan bula doctor pahnih kutthlak rawntua puh mi 6 te Police-in an man hnu ah court-ah inlanin, bail-a chhuah tir an ni a. Doctor pahnih kutthlaktua puh zingah hian Police pawh a tel nia thudawn a ni. Thudawn danin kar kalta Inrinni (Sept. 21) zan khan Bawngkawn lam atanga kala Durtlang Leitan thlen chhoh hma deuh ah Synod Hospital, Durtlang-a thawk doctor pahnih chu kutthlak rawn an ni a. Pawikhawihtute hian doctor pahnih te hi motor atanga hnukchhuakin kut an thlak a, nikhawhrelo khawpa sawisain, an lu ah hliam na tak an tuar niin thudawnna chuan a sawi.#zabilianz He thil thlenna hmun nia sawiah hian Inrinni kalta zan khan intibuai an awm a, intihbuainaa tel pakhatin hetih laia an bula lo ding doctor te a va bia chu a lehlam chuan a thian te a punah ngaiin, motor-a chuang doctor pahnih chu hnukchhuakin kut an thlak rawn ta mai niin thudawnna chuan a sawi a. Doctor kutthlaktute hi Durtlang lam mi an ni lo vek niin a sawi bawk. He thil thleng chungchangah...
Read more

Feli Fanai a chawl ta

Image
#ZabilianZ Feb 12: Mizo zaithiam langsar ber pawl Feli Fanai chuan February ni 12, 2025 zing dar 2:15 khan chatuan ram a pan. F. Ramdingliana In, Ramhlun North-ah a ruang chawlhpui a nih hnu ah Champhai Venglai-a an In panpui a ni ang. Kum 33 mi Lalnunfeli (Feli Fanai) hi F Lalbiakmawia (L) leh C Lalthantluangi te fanu niin, September ni 8, 1991-ah a piang a, pianpui unau mipa 2 leh hmeichhe 1 neiin, a fapa te pahnih a kalsan bawk a ni.#zabilianz Hrisellohna hrang hrang ten a tlakbuak chhova, han ziaawm deuh thin mahse, damdawi in luh ngai a awm zauh zauh a. Nikum December khan a chauh zual deuh avangin Aizawl Hospital panpui niin, ICU-a enkawl ngai hialin a awm a. Kumin January ni 6 atang khan Ebenezer Hospital-ah enkawl zui ni mahse, hmasawn tak tak hleithei lovin he damdawi in atang hian chatuan ram a pan ta a ni.  Kum 2013 March ni 16 ah music video - John Mawitea leh Mapuii Fanai te hla 'Ka chawi nang che' a tihchhuah hnu lawkah November ni 19, 2013 ah a pa pualin album ...
Read more