ZabilianZ

#ZabilianZ June 24: Pangkhua VC leh all NGO-in Thingsai - Bualpui -Saisih - Pangkhua - Sangau (TBSPS) kawng laih turah an khaw ram china he kawng laih turin a paltlang turah VC leh NGO te hriatpuilohin LADC-a Revenue RO Pu LH. Ramdingliana, Sangau-in compensation beiseiin mimal ram pass a chhuhsak niin an sawi a, a ram neitu hnena peklet leh an phut. Pangkhua VC leh all NGO te chuan LADC-a Land Revenue & Settlement department-a Sangau RO leh staff ten TBSPS road laih turin a paltlang turah VC te hriatpuina leh remtihna tel lovin ram pass tam tham tak an insiam niin an sawi a. Pangkhua-a mi thenkhat he kawng laih turin a paltlang tura ram nei te chu an pass renew tura tih niin, renew tura pawisa pe-a office an dawr laiin chhuanlam siamin an lo renew sak duh lova, pawisa pawh an pekir a. Mial ram te chu pass thi tawh anga cancel-in pass thar an siam ta niin an sawi.#zabilianznews Sangau RO Pu LH. Ramdingliana chu pass renew leh tul dang te tihsak duh lova ram neitute hrekbet-ah an pu...

#ZabilianZ June 23: MNF Sr. Vice President Dr. R. Lalthangliana'n June ni 30, 1986-a MNF leh India sawrkarin remna thu an thlun chu India rama peace accord awm tawh zinga hlawhtling ber niin a sawi. MNF party chhung inkhawm vawiina neihah he thu hi MNF Sr. Vice President Dr. R. Lalthangliana chuan a sawi a. "He remna thuthlung avang hian Pu Zoramthanga Chief Minister laiin peace bonus sum thahnem tak kan dawng" tiin, he remna thuthlung Zofate tan rah tha tam tak a chhuah niin a sawi. Dr. R. Lalthangliana chuan "Bill No 89 of 1986 ah, Constitutional Amendment 53, Article 371(G) dahbelhin, Mizoram chu Statehood-a puan kan ni" a ti a. "July ni 5, 1990-ah Guwahati High Court, Aizawl Bench hawn a ni a. July ni 2, 2001-ah Central University - MZU hawn a ni" tiin, "Kum 2004 ah India leh Myanmar border trade Zokhawthar-ah hawn a ni a. State danga awm ve lo, kan sakhaw humhim tlat theihna telh a ni" a ti. Article 371 (G) ah Mizo sakhua leh khawtlang n...

#ZabilianZ June 23: Agriculture & Farmers Welfare Minister PC Vanlalruata'n nakum atangin hmunphiah ro chu grade sawi lovin sawrkarin a lei dawn niin  sawi. ZPM party chhung inkhawm vawiin June ni 23, 2025-a a neihah he thu hi PC Vanlalruata chuan a sawi a. Thlai thar market buaipui tak tak tur chuan thlai bawh bik neih a tul thu sawiin, nakum atangin hmunphiah ro chu grade sawi lova sawrkarin a lei tur thu a sawi a ni. Agriculture & Farmers Welfare Minister chuan hun rei tak politics lo khel tawhte leh ram siamthat duh avanga ZPM zawmtu ten sawrkarna an siamho nia sawiin, "tunah hian kan zavaia thawhrah chu kuthnathawktu ten an tel mek" a ti a. "Kan tanhona hian kuthnathawktute a tilawm mek a ni" a ti. Sawrkarin direct-a Sawhthing a lak zat quintal 94160 a nih thu leh support price pek zat quintal 121740 a nih tawh thu Agriculture Minister chuan a sawi a. June ni 21, 2025 thlenga Sawhthing lak tawh zat belhkhawm quintal 215900 a tling tawh nia sawiin, S...

#ZabilianZ June 22: Bible Society of India (BSI)-a Chief Translator leh Executive member, Synod Moderator hlui Rev. Dr. H. Vanlalauva, Durtlang Leitan chuan zanin (June 22, 2025) dar 8:50 khan chatuan ram a pan, naktukah vui a ni ang.#zabilianznews Kum 77 mi Rev. Dr. H. Vanlalauva hi nimin (June ni 21, 2025) khan Ebenezer damdawi in, Aizawl-ah a pumpui cancer zai a ni a. Tha zel tura ngaih a nih laiin zanin khan cardiac arrest a nei a, Septicaemia-in a lo bawhbuai tel bawk nia thudawn a ni. November ni 24, 1948-ah Leithum khua ah piang a. Kum 1975-a Gauhati University atanga MA a zawh hnuah Hrangchhuana High School, Aizawl-a Headmaster hmasaber a nih laiin Pathian thu zir tura kohna dawngin, a hna chu a bansan a. Kum 1978-ah UTC, Bangalore-ah BD a zir a, 1981-ah zovin, Aizawl Theological College (ATC)-ah zirtirtu hna a thawk zui nghal.#zabilianznews Mizoram Synod hnuaiah Pro. Pastor-in Chaltlang bial, Dawrpui vengthar bial leh Bungkawn bialah a awm tawh a. UTC, Bangalore atanga M.Th a ...

#ZabilianZ June 21: Kum 20 chhung Mizoram a buai hnua June ni 30, 1986 zana MNF leh India sawrkar-in remna thu an thlun champha -Remna Ni- lawm leh turin MZP a inbuatsaih leh mek a, kumin Remna Ni chu Aizawl Lammual-ah Chief Minister Lalduhoma hova lawm tura ruahmanna an siam thu an sawi. MZP chuan kumin Remna Ni ah hian sikul hrang hrangin cheraw kanin, zai leh lam leh thusawi te bakah lemchan te-a hun hman a nih tur thu an sawi a. Mizo mipui zawng zawng he hun hmang tur hian an sawm a ni.#zabilianznews Kum 20 zet ram a buai hnua remna leh muanna lo awm ta chu Mizo mipuite tawngtai chhanna a nih thu MZP chuan sawiin, "lawm a phu a ni" an ti . "Zirlaite phei chuan a hlut zia leh Mizote hun pawimawh a nih zia kan inhrilh thar zel a tul takzet a ni" an ti. Remna Ni chu Mizo mipuite tana hun pawimawh, lungrual taka lawm ho tur ni mahse, political party-te ngaihdan inang lo thin avangin Remna Ni pawh inhnial na ni ah a chang thin a, hun pawh an hmang ho hleithei thin lo...

#ZabilianZ June 21: Excise and Narcotics Dept. Minister Lalnghinglova Hmar-in Mizoramah kum kalta 2024 chhunga Excise-in ruihhlo an man zingah heroin kg 46.68 a tel thu leh Mizoram Police-in kg 80.81 an man thu a sawi. YMA, Tlangnuam branch, Aizawl-in nizana YMA Day puala an hun buatsaih a hmanpuinaah he thu hi Exice Minister chuan a sawi a. Kum kaltaa Excise leh Police-in heroin an man zat belhhkhawm chu kg 127.49 a tlin thu sawiin, ruihhlo do hna tih takzet a thawha, ruihhlo ngai te enkawl kawnga hmasawn a tul thu a sawi.#zabilianznews Excise Minister chuan ruihhlo thahnem tak man ni thin mahse, man loh tam tak a awm thu a sawi a. Ruihhlo a hlawma man te chu Mizoram ami tur ni lovin, Mizoram kaltlanga ram danga tawlh tur te an nih thin thu leh khawchhak atanga rawn tawlhluh te a nih thu a sawi. Mizoram dinhmun chu a thalo nia sawiin, Excise Minister chuan ruihhlo hmanga inchiu thin mi 14,000 vel an awm niin  sawi a. Ruihhlo ngaite vei a tul takzet tih sawiin, "kan beidawnsan mai...

#ZabilianZ June 21: MPCC General Secretary Joseph Lalhimpuia'n Pukpuia Mizoram Engineering College chungchangah Mizoram thalai leh chhimlam mipuite hnena ngaihdam dil turn MNF party a phut.#zabilianznews Congress party political session, Congress Bhavan-a neihah he thu hi nimin khan Joseph Lalhimpuia chuan a sawi a. Pukpui, Lunglei-a Engineering College , kum 2019-a Prime Minister Narendra Modi-a'n a hawn tawh chu tun thlengin peihfel a la ni lo tih sawiin, MNF chu an sawrkar chhung zawnga hma la lovah a puh a, ngaihdam dil turin a phut a ni. MLA hlui Joseph Lalhimpuia chuan kum 2014-ah RUSA component 6 (new professional college) of RUSA 1.0 ah College 4 tan project thehluh a nih thu sawiin, RUSA project approval board-in Pukpui, Lunglei-a Engineering College dinna tur chu pawmpuiin Rs. vbc 26 a pe nghal niin a sawi a. Pukpui khawtlangin ram zau tak, acres 24.9 a thlawna pein, College building chu April ni 22, 2016 ah sak tan a nih thu leh November ni 16, 2018 ah sak zawh a nih...

#ZabilianZ June 19: Mizoram State Health Care Society hotu ten private hospital intelkhawm ten cashless avanga nitin sum lut awm lo tura an ngaih chunchangah sawrkar lam chuan Rs. nuai 50 advance pek a inhuam thu an sawi a. Kartin damdawi in bill pek thin a nih thu leh an buai lo tura ngaih a nih thu an sawi bawk. Mizorama private hospital te rate tlangpui aia MUHCS rate za-a 50-80 vela hniam zawk anga sawi pawh hriatchian loh vang nia a lan thu sawrkar chuan an sawi a. Entirna pakhat siamin, "Aizawla private damdawiin lian atanga Mizoram State Health Care Society-in kum hmasa lama claim a dawn atanga chhutin, rilphir zaina senso chawhrualin Rs. 36,250 (room luah man telin) a ni" an ti. "MUHCS hnuaiah rilphirzai chu base rate Rs 25,000 tih ni mahse, heng damdawiin lianah hian additional incentive an dawn tur zat nena belhkhawmin rilphir zai package rate chu Rs.32,500 atanga Rs.35,000 thleng a ni thei a. Damlo chu a entitlement a zirin Cabin-ah emaw Semi Cabin-ah emaw a a...

#ZabilianZ June 19: Mizoram-a private hospital inzawmkhawm pawl, Non-Govt. Hospital Association of Mizoram (NGHAM)-in Mizoram Universal Health Care Scheme (MUHCS) package rate angin damlo ten re-imburse/bill leh thei se MUHCS chu an pawm theih tur thu an sawi.#zabilianznews NGHAM chuan mipui harsatna tawh tihtawp a nih theih nan sawrkar hospital ten MUHCS cashless kalpui zel se, private hospital-ah erawh phailam hospital thenkhat sawrkarin a ziahluh loh leh pawm loh (Non-empanelled hospital)-a a phalsak angin damlo ten an bill chu MUHCS package rate angin re-imburse/bill leh thei se, MUHCS chu an thlawp nghal tur thu an sawi a. Hetia tih a nih hian sawrkar pawisa a hek belh lo nia sawiin, mipui harsatna tam tak a sutkian tur thu an sawi bawk. Non-Govt. Hospital Association of Mizoram chuan MUCHS an la zawm ve loh avangin mipuiin nasa takin harsatna an tawk tih chu an hriat thu sawiin, hrethiam hram hram turin mipui an ngen a. "MUHCS kalphungah chuan damlo ten Damdawi-In awmna bill...

#ZabilianZ June 19: Chief Electoral Officer Dr. Lalrozama'n nimin khan thuthar thehdarhtu sawmbik thenkhatte sawmin, Mizorama inthlan hrang hrang kalpui chungchanga hmalakho dan tur te a sawipui.#zabilianznews Thudawnnain a sawi danin, CEO-in a sawm bik thuthar thehdarhtu thenkhatte chu inthlan leh a kaihhnawih chanchinthar te puangzar thin tura beisei an ni a. Thuthar inhrilhhriat awlsamna atan WhatsApp group siamin, CEO-in a sawmbik te chauh he WhatsApp group-ah hian dah an ni a. Thuthar thehdarh kawnga thawhhlawk tak tak thin engemawzat chu inthlan leh a kaihhnawih thuthar thehdarh tura beisei zingah hian an tel lo a ni. Chief Electoral Office lam chuan mipuiin vote thlak an ngaihpawimawh theihna tur te, vote thlak chu an mawhphurhna a ni tih an hriat chiah deuh deuh theihna tur tein kawng hrang hrangin hma a lo la tawh thin a. Inthlan kaihhnawih thuthar puangzar thin tura media thlan bik neih pawh hi he hmalakna kal zel hi nia ngaih a ni.#zabilianz #zabilianznews #zofatehuapzo ...

#ZabilianZ June 11: Hmeichhe kumtlinglo laka hursualna lam hawia che thina puh Lalrampana,Edenthar veng, Aizawla in luah chu Central Bureau of Investigation CBI-in an man. CBI thuchhuahin a tarlan danin an mi man chuan hmeichhe kumtlinglo laka hursualna lam rawngkaia chetna video te internet hmanga midang hmuh tura pho chhuak thin nia hriat a nih avangin chhui zui a ni a. May ni 30, 2025 ah thubuai ziahluh niin, he thubuaia inhnamhnawih nia hriat chenna in chu tun thla - June ni 4, 2025 khan an dap a, hursualna lam hawi dan bawhchhiatna atana hman electronic device te hmuh chhuah a ni. #zabilianznews He hubuaiah hian tunkar Thawhtanni - June ni 9, 2025 khan Lalrampana, Edenthar venga in luah chu CBI chuan Aizawl-ah an man a. Hursualna lam hawia kumtlinglote thlalak leh video siamsak, kawl leh internet hmanga midang hmuh tura pochhuaka puh ni a. Hursualna lam hawia kumtlinglote khawsa lai video lakhawma kawlah puh a ni bawk. #zabilianznews Forensic thiamna hmangin kumtlinglo hmanga h...

#ZabilianZ June 09: Lunglei district-a khaw hrang hrang sawm-ah mi 481 hriselna endik zinga mi 23-in thisensang an nei tih hriat chhuah thar a ni a, zunthlum nei hriat chhuah thar 27 an awm bawk. Lungsen aspirational block huam chhunga healthy Lunglei district campaign kalpui mekah - Lungsen, Zawlpui, New Vuakmual, Putlungasih, Kauchhuah, Phairuangchhuah, Belthei, Phairuangkai, Rotlang West leh Chhumkhum-ah te mi 481 hriselna endik tawhah thisensang (hypertension) 23 hriat chhuah thar niin, inhre sa endik nawn 80 an awm a, zunthlum (diabetes mellitus) hriat chhuah thar 27 leh inhre sa endik nawn 50 an awm bawk a ni.#zabilianznews Healthy Lunglei district campaign hi May leh June thla chhung kalpui tura ruahman niin, kum 30 chin chunglam mi 3000 aia tlem lo te thisensang leh zunthlum endik sak hman tum a ni. Healthy Lunglei District campaign hnuaia Lungsen aspirational block huam chhunga hmalakna hi May ni 9, 2025 khan an tan a, Health & Family Welfare department-a doctor, nurse leh...

#ZabilianZ June 06: Assam Rifles chhuahsan rama Nauban rutu nia hriat mipa pakhat chu tunkar Nilaini khan Dawrpui khawtlang duty ten manin, Police kut-ah an hlan a. Nimin khan Court-a hruai a nih hnu-ah Jail-ah dah a ni.#zabilianznews Tunkar Nilaini khan mi pakhatin AR chhuahsan rama nauban te satha ip-a a lo khungkhawm lai chu a bulhnaia cheng ten lo hmuin, Dawrpui khawtlang duty te an hriattir a. Dawrpui khawtlang duty ten helai hmun hi pan nghalin, nauban rutua puh leh satha ip-a nauban a khungkhawm tawh te nen Police kutah an hlan ta a ni. AR chhuahsan rama Nauban ru tu nia hriat hi mipa kum 30 mi Lalnghatzova, Selesih nia insawi a nih thu Police te chuan an sawi a. Nimin khan Court-a hruai a nih hnu ah Jail-ah dahluh nghal a nih thu an sawi bawk.#zabilianznews AR chhuahsan rama nauban te ru thin an awm tih a hriat ve leh Vanramchhuangi (Ruatfela Nu) pawhin Aizawl Police Station-ah FIR a thehlut ve nghal bawk a. Wildlife Protection Act, 1972 in a sawi angin nauban ruk chu ram dan d...