#ZabilianZ June 21: Excise and Narcotics Dept. Minister Lalnghinglova Hmar-in Mizoramah kum kalta 2024 chhunga Excise-in ruihhlo an man zingah heroin kg 46.68 a tel thu leh Mizoram Police-in kg 80.81 an man thu a sawi.
YMA, Tlangnuam branch, Aizawl-in nizana YMA Day puala an hun buatsaih a hmanpuinaah he thu hi Exice Minister chuan a sawi a. Kum kaltaa Excise leh Police-in heroin an man zat belhhkhawm chu kg 127.49 a tlin thu sawiin, ruihhlo do hna tih takzet a thawha, ruihhlo ngai te enkawl kawnga hmasawn a tul thu a sawi.#zabilianznews
Excise Minister chuan ruihhlo thahnem tak man ni thin mahse, man loh tam tak a awm thu a sawi a. Ruihhlo a hlawma man te chu Mizoram ami tur ni lovin, Mizoram kaltlanga ram danga tawlh tur te an nih thin thu leh khawchhak atanga rawn tawlhluh te a nih thu a sawi.
Mizoram dinhmun chu a thalo nia sawiin, Excise Minister chuan ruihhlo hmanga inchiu thin mi 14,000 vel an awm niin sawi a. Ruihhlo ngaite vei a tul takzet tih sawiin, "kan beidawnsan mai tur a ni lo, kohhran hrang hrang hruaitute nen theihtawp chhuahin, a huhovin camping vawikhat tal kan siam a ngai" a ti bawk.#zabilianz #zabilianznews #zofatehuapzo
0 Comments