MLA hluiin Mizorama thalai leh chhimlam mipui hnena ngaihdam dil turin MNF party a phut


#ZabilianZ June 21: MPCC General Secretary Joseph Lalhimpuia'n Pukpuia Mizoram Engineering College chungchangah Mizoram thalai leh chhimlam mipuite hnena ngaihdam dil turn MNF party a phut.#zabilianznews

Congress party political session, Congress Bhavan-a neihah he thu hi nimin khan Joseph Lalhimpuia chuan a sawi a. Pukpui, Lunglei-a Engineering College , kum 2019-a Prime Minister Narendra Modi-a'n a hawn tawh chu tun thlengin peihfel a la ni lo tih sawiin, MNF chu an sawrkar chhung zawnga hma la lovah a puh a, ngaihdam dil turin a phut a ni.

MLA hlui Joseph Lalhimpuia chuan kum 2014-ah RUSA component 6 (new professional college) of RUSA 1.0 ah College 4 tan project thehluh a nih thu sawiin, RUSA project approval board-in Pukpui, Lunglei-a Engineering College dinna tur chu pawmpuiin Rs. vbc 26 a pe nghal niin a sawi a. Pukpui khawtlangin ram zau tak, acres 24.9 a thlawna pein, College building chu April ni 22, 2016 ah sak tan a nih thu leh November ni 16, 2018 ah sak zawh a nih thu a sawi.#zabilianznews

Kum 2019-ah Prime Minister Narendra Modi-a'n hawngin, 2019-2020 academic session chhunga class tan hman turin a hriattir nghal tih Joseph Lalhimpuia chuan a sawi a. MNF an sawrkar chhung khan department lamin budget-a dah an dilna te, NEDP balance an dilna te, 14th Finance Commission-a an dilna te, Planning dept kaltlanga NESIDS-a an dilna te, NEC leh Special Assistance to State for Capital Expenditure atanga an dilna te chu sawrkarin a tihlawhchham fai vek, an sawrkar chhunga an tihhlawhtlin chu 2023 tir lama boundary pillar phun zawng a ni mai" tiin, "MNF hian ngaihdam an dil ngei tur a ni" a ti bawk.

Joseph Lalhimpuia huan "Sawrkar laipuiin sum tam tak a pek, Prime Minister-in a hawn tawh, la puitlin si loh chu tipuitling turin sawrkar laipuiin state sawrkar chu na taka a rawn nawr tak avangin CM hovin December ni 28, 2024 khan meeting an ko chuk chuk a, Cabinet meeting April ni 13, 2025 a thukhawm chuan thawktu 65 lak an remti ta, kalkawng, eng leh tui bakah building repair leh tul dang atan ruahmanna an siam zui ta bawk a, a lawmawm hle a ni" a ti a. "Congress party hmalakna, Prime Minister meuhin a hawn tawh, kum 7 hlamchhiah a nih hnuah chhunzawm a ni leh tur hi Congress party chuan lawmawm a ti takzet a, a hlawhtlinna hmuh thuai kan inbeisei a ni" a ti bawk a ni.#zabilianz #zabilianznews #zofatehuapzo


Comments

Post a Comment

Popular posts from this blog

MNF leh Congress Candidate intawm atan Lalrinfeli - chhinchhiahna atan mipa leh hmeichhe inkai

Image
#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi...
Read more

Doctor pahnih kutthlak rawntua puh mi 6 police-in an man te bail-in chhuah

Image
#ZabilianZ Sept. 23: Durtlang Leitan bula doctor pahnih kutthlak rawntua puh mi 6 te Police-in an man hnu ah court-ah inlanin, bail-a chhuah tir an ni a. Doctor pahnih kutthlaktua puh zingah hian Police pawh a tel nia thudawn a ni. Thudawn danin kar kalta Inrinni (Sept. 21) zan khan Bawngkawn lam atanga kala Durtlang Leitan thlen chhoh hma deuh ah Synod Hospital, Durtlang-a thawk doctor pahnih chu kutthlak rawn an ni a. Pawikhawihtute hian doctor pahnih te hi motor atanga hnukchhuakin kut an thlak a, nikhawhrelo khawpa sawisain, an lu ah hliam na tak an tuar niin thudawnna chuan a sawi.#zabilianz He thil thlenna hmun nia sawiah hian Inrinni kalta zan khan intibuai an awm a, intihbuainaa tel pakhatin hetih laia an bula lo ding doctor te a va bia chu a lehlam chuan a thian te a punah ngaiin, motor-a chuang doctor pahnih chu hnukchhuakin kut an thlak rawn ta mai niin thudawnna chuan a sawi a. Doctor kutthlaktute hi Durtlang lam mi an ni lo vek niin a sawi bawk. He thil thleng chungchangah...
Read more

Feli Fanai a chawl ta

Image
#ZabilianZ Feb 12: Mizo zaithiam langsar ber pawl Feli Fanai chuan February ni 12, 2025 zing dar 2:15 khan chatuan ram a pan. F. Ramdingliana In, Ramhlun North-ah a ruang chawlhpui a nih hnu ah Champhai Venglai-a an In panpui a ni ang. Kum 33 mi Lalnunfeli (Feli Fanai) hi F Lalbiakmawia (L) leh C Lalthantluangi te fanu niin, September ni 8, 1991-ah a piang a, pianpui unau mipa 2 leh hmeichhe 1 neiin, a fapa te pahnih a kalsan bawk a ni.#zabilianz Hrisellohna hrang hrang ten a tlakbuak chhova, han ziaawm deuh thin mahse, damdawi in luh ngai a awm zauh zauh a. Nikum December khan a chauh zual deuh avangin Aizawl Hospital panpui niin, ICU-a enkawl ngai hialin a awm a. Kumin January ni 6 atang khan Ebenezer Hospital-ah enkawl zui ni mahse, hmasawn tak tak hleithei lovin he damdawi in atang hian chatuan ram a pan ta a ni.  Kum 2013 March ni 16 ah music video - John Mawitea leh Mapuii Fanai te hla 'Ka chawi nang che' a tihchhuah hnu lawkah November ni 19, 2013 ah a pa pualin album ...
Read more