Foreigner pun chakna thin MLA bial thenkhatah 2005 electoral roll-a khaw awm lo, 2024-a awm thar khaw 97 leh India leh Bangladesh khua leh tui ni kawp an awm :MZP

#ZabilianZ June 23, 2026: MZP-in foreigner pun chakna thin MLA bial thenkhat an enfiah thu sawiin, SIR hnuhnungber 2005 electoral roll-a khaw awm lo, 2024-a khaw 97 awm thar te leh India leh Bangladesh khua leh tui nihna nei kawp an hmuh chhuah thu an sawi.

MZP hruaitu ten vawiin khan Aizawl press club-ah thuthar thehdarhtute kawmin, foreigner pun chakna thin MLA bial thenkhat an enfiaha an thil hmuh chhuah te chu Chief Electoral Officer (CEO) hnenah an thlen dawn tih an sawi a. Thil diklo nia lang an hmuhna khaw 195 te chu Special Intensive Revision (SIR) kalpui mekah en uluk leh zual tura CEO chu ngenin, heng khaw 195-ah hian SIR kalpui tawh a nih pawhin, DEO te nen ngei ennawn leh turin MZP chuan an ngen bawk.#zabilianznews

MZP chuan MLA bial an zirchianah te hian kum 2005 electoral roll-a khaw awm, 2024 electoral roll thlenga khaw la awm 98 atanga voter awm zawng zawng 57103 a nih thu sawiin, "2005-ah voter 43540 awmin, voter 13563 (31.15%) in an pung" an ti a. "Kum 2005 electoral roll-a khaw awm lo, hemi hnu lama khaw ding thar zawng zawng (2024 electoral roll thlengin) khaw 97 a ni a. voter 39428 an awm a ni" an ti.#zabilianznews

MZP chuan "foreigner avanga buaina kan tawh fo thinna khaw 195 atangin, 2024 electoral roll-ah voter 96531 an awm a. 2005 electoral roll-a voter 43540 nena khaikhinin voter 52991 (121.70%) zetin an pung" an ti bawk.

 MZP chuan, Election Commission of India-in SIR a kalpui mekah Mizorama thawktu Chief Electoral Officer (CEO) leh a thawhpuite chu India khua leh tui dik tak te humhimna tura dan ang taka hmala turin an ngen nawn leh tih an sawi bawk a ni.#zabilianz #zabilianznews #zofatehuapzo