#ZabilianZ June 22, 2026: Aizawl - Thenzawl road national highway-a siam tura DPR siamtu tur zawn mek a ni a. Tun thla tawpah tender hawn a ni ang.
Chief Minister Lalduhoma hovin vawiin khan Mizorama NHIDCL hnathawh hrang hrangte thlirhona - review meeting neih a ni a. NHIDCL MD Dr. Krishan Kumar-a'n Aizawl - Thenzawl road national highway-a siam turah kuminah alignment peihfel an lo tum tur thu leh nakumah sanction neih hman an lo tum tur thu a sawi.
Seling - Tipaimukh national highway-a Tuirini lei leh Tuivai lei pawh a rang lama siamthat a tul thu Chief Minister chuan a sawi a. Permanent bridge siam tura hun engemawchen a mamawh dawn avangin, tuna lei awmsa chu a ranglama thuam that phawt ni se, an ti.#zabilianznews
NH 6, Vairengte - Sairang kawngpui repair and maintenance chungchang pawh sawihovin Khamrang - Sairang siamthat hna an zo tawh a, Kolasib lam section pawh an thawh zel thu NHIDCL hotute chuan an sawi a. "Nikum lama harsatna ang kha kuminah chuan a thleng lo tura ngaih a ni" an ti.
NH Tlabung - Kawrpuichhuah pawh NHIDCL kuta dah tawh tur a nih thu he thutkhawmah hian sawilan niin, tihfel thuai ni se, an ti a. Four lane national highway Vairengte - Sairang/Aizawl hnathawh meka harsatna hrang hrang te, Aizawl - Tlabung NH thawh mek te sawihovin, harsatnate a rang lama chinfel dan tur an sawiho bawk.#zabilianznews
Thingfal khuaa Biak In chim leh school sawn ngai te sakthatna tur Lunglei Bawrhsap-in proposal a thehluh chu Dr. Krishan Kumar chuan a lo enchian tur thu Chief Minister chu a hrilh a. National highway laih tharin a hèl, national highway hlui ni ta hmun thenkhat NHIDCL lamin one time improvement an tih hnua state PWD hnena hlan tur chungchang pawh sawihovin, NHIDCL lamin one time improvement a lo tih tawh te chu state sorkara hlan an ni ang a, a la tih loh te chu NHIDCL-in an thawh phawt hnu ah state sorkarah a hlan dawn a ni.#zabilianz #zabilianznews #zofatehuapzo
0 Comments