#ZabilianZ June 26, 2026: Mizoram Agriculture Marketing Board-in Mualkawi Secondary Collection Centre te hnenah minimum support price aia sanga sawhthing hralhna man tlingkhawm Rs. nuai 1, sing 9, sang 9 leh 833 a hlanlet.
Mualkawi SCC hian Primary Society pariat - Mualkawi, Zokhawthar, Kelkang, Dilkawn, New Hruaikawn, Hruaikawn leh Buhfekzawl te a huam a. Kuminah an huam chhunga kuthnathawktute sawhthing thar chu sorkarin minimum support price a siam Kg 1 Rs 50 aia sanga hralh theiin, an hralhna rate sang ber chu Kg. 1 Rs. 59 a ni.
Minimum support price aia sanga an hralhna pawisa tlingkhawm Rs. nuai 1, sing 9, sang 9 leh 883 chu Mizoram Agriculture Marketing Board hnena an chhunluh hnuah Mizoram Agriculture Marketing Board chuan Mualkawi SCC hnenah hian a hlanlet leh ta a ni.#zabilianznews
Agriculture & Farmers Welfare Minister PC Vanlalruata chuan Mualkawi SCC-in kuthnathawktute tana hma an lak dan chu lawmawm a nih thu a sawi a. "Midang tan entawntlak an ni" an ti. "An hlawkna te sorkara rawn chhunlet nachang an hria hi a ropui a, anni anga rinawm taka farmer te tana hma la tur hi ramin a mamawh a ni", tiin, lawmthu sawina ni pahfawmin, an SCC godown thuamthatna tur leh tul danga an hman atana hlanlet leh ta an nih thu a sawi bawk.
Mualkawi SCC bakah hian minimum support price aia sanga sawhthing hralh SCC dang 22 an awm a. Minimum support price aia sanga hralhna rate sang ber Sialhawk SCC niin, Kg. 1 Rs. 60-in an hralh a ni.#zabilianz #zabilianznews #zofatehuapzo
0 Comments