#ZabilianZ Aug 28, 2026: Aizawl Municipal Corporation (AMC) Board of Corporators vawiina thukhawmin license fee tihpun leh eizawnna hmun/ dawr awmna azira license fee thliar hran dan tur rawtna leh rawtna dang te an pawm.
Aizawl Mayor Pu H. Lalremtluanga kaihhruaia AMC Board of Corporators thukhawm chuan AMC Licensing Regulations, 2012 hman meka fee lak dan ennawnin, license fee tihpun leh eizawnna hmun/dawr awmna a zira license fee thliar hran dan tur rawtna te an pawm a. Aizawl veng hrang hrang te zone-a then dan tur leh zone chhunga dawr awmna hmun azira grade a then hran leh dan tur rawtna an pawm bawk.
Aizawl khawpui chhunga vawk vulh khuahkhirhna tura inkaihhruaina thar, vawk vulh khapna leh Local Council te rawn chunga duan - vawk vulh theihna tur veng leh hmun te pawh an pawm a. AMC-in study team a din te rawtna hrang hrang pawh pawmin, hma la zui turin study team chu Subject Committee atan rin zui nghal an remti bawk a ni.#zabilianz #zabilianznews #zofatehuapzo
0 Comments