Champhai Police-in tun thla-ah ni 27 thlengin Heroin Rs. vbc 1.72 man hu an man tawh

#ZabilianZ Aug 28, 2026: Champhai Police-in tun thla ni 1 atanga nimin ni 27 thleng khan Heroin gram 863, Rs. vbc 1.72 man hu an man tawh.

Champhai SP Gavit Gogna-a'n District Level Narco Coordination (NCORD) Committee a hrilh danin, Champhai Police-in tun thla ni 1 atanga ni 27 thlengin Methamphetamine Kg 34.852, Rs. vbc 27.88 man hu leh lirthei pariat an man tawh bawk.

Champhai District-ah Excise & Narcotics Dept-in tun thla ni 1 atanga ni 26 thlengin Heroin gram 295.96 an man tawh a, lirthei pathum an man tawh. NDPS Act’ 1985 tlawhchhanin mi 13 an man tawh a, thubuai 8 an ziaklut tawh a ni.

Champhai District-a Assam Rifles te pawhin tun thla ni 1 atanga ni 27 thlengin Heroin hawng 15 (gram 181.93 ), Rs. vbc 1.36 man hu an man tawh bawk.