#ZabilianZ Aug 28, 2026: Hmarchhak biala ruihhlo tawlhruk dona kalzelah Assam leh Mizoram-a intelligence te puihnain Directorate of Revenue Intelligence (DRI)-in kar khat chhungin Methamphetamine kg 76 an man.
PIB thuchhuahin a tarlan danin, DRI officer ten tun thla ni 18 khan Aizawl dai, Bung Bangla-ah Methamphetamine ni ngeia rin car pakhata an hmuh chu NDPS field test kit hmanga Methamphetamine kg 20 a ni tih an finfiah hnu ah, a phurtu lirthei khalhtu nen an man a. Ruihhlo hi Myanmar atanga Zokhawthar paltlanga lakluh a ni.#zabilianznews
Tun thla vek ni 25 khan DRI officer te chuan Assam leh Manipur ramri bul, Silchar aṭanga km 40 vela hla Lalpani-ah Silchar-a 38th Battalion, Assam Rifles te puihnain Methamphetamine kg 56 a rit an man.
Jiribam, Manipur aṭanga lirthei convoy tam tak zinga tel truck ke 12 nei chi pakhat chu ringhlelin an enfiah a. Methamphetamine ni ngeia rin an hmuh chu NDPS field test kit hmanga finfiah a nih thu ah a kengtu, lirtheia chuang nen an man ta tih PIB thuchhuah chuan a tarlang a ni.#zabilianz #zabilianznews #zofatehuapzo
0 Comments