#ZabilianZ Aug 28, 2026: Directorate of Revenue Intelligence (DRI)-in tun thla ni 25 khan Pune Railway Station-ah Rs. vbc 3.41 man hu ruihhlo leh a kengtu hmeichhia kum 32 mi, Aizawl mi nia insawi an man.
Pune Mirror-in a tarlan danin, ruihhlo kengtu hi kum 32 mi, Lalre Maliani, Aizawl Mizoram a ni a. DRI official ten an thudawn bawhzuiin, Hazrat Nizamuddin station, Delhi atanga Swarna Jayanti Express-a a chuang chu Pune Railway Station platform no. 3-ah lo changin tun thla ni 25 zing lam khan an man ta niin Pune Mirror chuan a tarlang.#zabilianznews
Ruihhlo kengtu nia rin hmeichhe bag chu enfiah niin, amphetamine nia rin kg 2.532 leh MDMA nia rin gram 878 chu narcotic detection kit hmangin amphetamine, crystal meth bakah MDMA pawh a tel tih finfiah a ni. Heng ruihhlo te hi Rs. vbc 3.41 man hu nia tarlan a ni bawk.
DRI-in an man tak ruihhlo kengtu hmeichhia chuan ruihhlo te chu African mi Ashima tih hming pu-in a pek a nih thu leh rel ticket pawh a lo tihfelsak vek thu te, Mysuru a thlen hunah a bag ken chu midang hnena pe tura a hrilh thu te a sawi niin Pune Mirror chuan a tarlang a. Special Court thupekin DRI-in an la kawl niin a tarlang bawk a ni.#zabilianz #zabilianznews #zofatehuapzo
0 Comments