#ZabilianZ Aug 28, 2026: Hachhek bialtu MLA, MNF Adviser ni bawk Robert Romawia Royte-in Mizoram State Legislative Assembly thutkhawm neih zawh takah Speaker-in zawhna a pawm zinga chhan loh zawhna 22 te chhan ngei a phut.
MNF party chhung inkhawm vawiina neihah Robert Romawia Royte chuan Legislative Assembly thutkhawm neih zawh takah zawhna lut a tam lo chungin zawhna chhan loh 22 a awm chu pawi a tih thu a sawi a. "MLA ten zawhna chhanna kan dawng lo hi a mak a, privilege motion move thleng pawhin hmalak chhoh a ngai maithei a ni" a ti.
MNF Adviser Robert Romawia Royte chuan thalai ten MNF hlut zia an hre tam tial tial nia sawiin, MNF movement chu hnamin a him phah niin a sawi a. Gen Z te pawhin hnam issue an tuipui nia sawiin, lawmawm a tih thu a sawi.#zabilianznews
Hnam pasaltha ten Mizo mipuite duh danin remna thuthlung hmangin India Danpui hnuaia inhumhimna Art 371G an sualchhuak tih sawiin, "he remna thuthlung hi India Danpui tihdanglam ngai khawpa chakna leh hlutna nei a ni a, Mizoram tan a hlu hle a ni", a ti.
Hnam movement phatsana sawibawrhbangtute chu thangthar te ngaihnep an ni chho mek nia sawiin, Robert Romawia Royte chuan "hnam dang ten an awh ve em em Art 371G hlutna te hi zirchiang zel ang u" a ti bawk.#zabilianz #zabilianznews #zofatehuapzo
0 Comments