#ZabilianZ Aug 28, 2026: Co-ordination Committee on Ex-Mizo National Army & Peace Accord MNF Returnees Association-in Chief Minister Lalduhoma chu dawt sawiah puhin, "dawt sawi tawh suh se" an ti.
Chief Minister Lalduhoma chu Mizo hnamin zalenna a sual lai leh a kaihhnawih chungchang thu diklo sawiah puhin, pawi an tih thu an sawi a. TV lama an an kawmnaa Chief Minister-in Shillong Accord 1976 a sawi chu thil awm lo nia sawiin, "a phuahchawp mai a ni, kum 1966 Independence puan atangin inremna neih 1986 thlengin Pu Laldenga'n Shillong a rap leh tawh lo" an ti bawk.
London-a Laldenga hmu tura Indira Gandhi-i'n a tir nia Lalduhoma'n a sawi pawh thu diklo a nih thu leh Mizoram Pradesh Congress Committee tirh a nih zawk thu an sawi a. "Passport a lo nei sa a, a remchan avanga tir an ni" an ti.#zabilianznews
ILP pawh inemna neih hma chuan Parliament duh dana tihdanglam theih a nih thu sawiin, "inremna neih atang chuan Inremna Bung 8-na in a sawi angin, Mizoram sorkar rawn lo chuan tihdanglam theih a ni tawh lo" an ti.
Chatuan ram pan ta RK Lianzuala'n a kawm tum pawhin Lalduhoma'n dawt a sawi nual niin Co-ordination Committee on Ex-MNA & PAMRA chuan an sawi a. Mizo Hnam Sipai ‘L’ Battalion-ah Head Clerk nia a insawi pawh dawt a nih thu sawiin, R. Thangmawia hova China kal tum anga a insawi pawh dawt a nih thu leh R. Thangmawia chu China kal tura tih zinga a tel loh thu an sawi bawk.#zabilianz #zabilianznews #zofatehuapzo
0 Comments