#ZabilianZ Aug 28, 2026: Mizoram Pradesh Congress Committee (MPCC) Vice President C. Ngunlianchunga'n "ram hruaitu ni tura pawimawh ber chu - thusawi thiam ni lovin, hnathawk thei, thu dik sawi thin leh thutiama rinawm a ni" tiin, Chutiang mi hruaitu chu Congress in kan nei" a ti.
Congress party political session vawiina neihah he thu hi MPCC Vice President chuan a sawi a. Congress party-ah pawl pawl a awm ve lo nia sawiin, "hruaitu kan nei ṭha, pa ṭha tak, kan hotupa Pu Lal Thanzara hi thusawi thiam a ni lo mahse, a bulah IAS retired te, politics a tawnhriat nei dang hotute kan nei." a ti bawk.
ZPM party chu inrem awm taka lang, inrem si lo nia sawiin, C. Ngunlianchunga chuan "lohtheihlohin an inthlang tur pawh inthlang thei lovin, an hotu tur te chu 'VUC in ruat rawh se' an ti" a ti a. MNF pawhin hniam lam an pan zel nia sawiin, "a chhan chu high level-ah hnawk a awm tlat niin an hria a, phurna an nei lo a ni" a ti. ZPM leh MNF chu NDA nih inchuh mekah a puh bawk.#zabilianznews
ZPM party chu sorkarna an chan hmaa an intiamna te tihlawhtling lova, an sawi loh ang hlirah awmah a puh a. Electric smart meter chungchangah pawh mipui an ngaipawimawh lo hle niin a sawi.
Mizoram remna chungchang pawh sawiin, "lallukhum khum tur an awm a nih chuan Pu Lal Thanhawla a ni." a ti a. Remna thuthlung chungchang Chief MInister-in a sawi dan chu ṭullo hlea a hriat thu a sawi bawk a ni.#zabilianz #zabilianznews #zofatehuapzo
0 Comments