#ZabilianZ Sept 30, 2026: Land Revenue & Settlement Minister B. Lalchhanzova'n Chekbawka ram neitute hnenah nimin khan land pass a hlan a, land pass hi a tahtawla hlan tura ruahman niin, tuntumah hian mi 319 hnenah hlan a ni.
Revenue Minister chuan Chekbawk ramah inhmun plot 1217 tihfel a ni tawh tih sawiin, la tihfel loh te pawh chak taka bawhzui zel a nih thu a sawi a. Kum 2025, November ni 11-ah Maumual ram chinfel a nih thu a hmunah kala an puan tawh thu leh Chekbawk rama pass fel tawh te freezing order hlipa a hmuna an semchhuak leh ta chu lawmawm a tih thu sawiin, "politics-a inbeihzui nan erawh hmang lo hram ila ka duh a ni" a ti.#zabilianznews
Sorkar hmasa hmalakna, an tihfel hman loh chinfel chu an tih tur ve reng nia sawiin, "kan hna kan thawk a ni mai a, thangthat lak tum leh insawisel zawnga hma lak vak vak loh hi a tha a, mipuite pawhin an duhdan a ni" tiin, Ramhlun Sports Complex leh Zemabawk High School venga ram fel lo chinfel a nih thu pawh tunkarah puan tum a nih thu Revenue Minister chuan a sawi bawk.
Technical report-a a lan danin, Chekbawk ram hi Aizawl veng panga – Salem, Venghnuai, Dam veng, Thakthing leh Kulikawn Joint Village Council hnuaia awm thin niin, World Bank road a tlang hnu-ah Kulikawn Local Council hnuaiah a awm chhunzawm a. Kum 1997-ah house site plan siam niin, plot 305 a awm a, kum 2002-ah a chuanhnuaiah extension plan siam a ni.#zabilianznews
Harsatna eng engemaw avangin kum 2009-ah ennawnin plot size inkhuangruallo lutukte pawh siamthat a ni a. Harsatna chinfel ngai a tam avangin zirchian a hnih hnu ah kum 1997, 2002 leh 2009 plan zawng zawng bakah ram bang la awm te nen a pumpuia re-survey-a plan that tura tih niin, October ni 5, 2021 atanga September ni 30, 2022 inkar khan enthat a ni ta a. Mimal ram tur bakah vantlang hman tangkai tur green area, thlanmual, bazar, sikul etc., hmun tur pawh ruahman tel vek a ni ta bawk.
Kum 2021-2022 revision-ah square metre 10,76,508.841 (107.651 hectares) survey a ni a, plot 1369 (private-1352 leh public-17) siam a ni. Kawng (internal roads) km 13.90 laih a ni a, a zau zawng mtr. 3.5 a ni. Resurvey-a plot rem that hnu kum 2023-2024 ah revised plot angin LSC thar pek a ni a, lungawilohna nei te leh sawiselna a awm avangin LSC pek chhuah mek chu chhunzawm ta lovin, zirchian tura tih leh a ni a, fact-finding committee te dinin lungawilohna nei zawng zawngte thu leh hla a ngaihthlaksak a, a hmuna endik ngai te pawh endik that leh turin rawtna a siam a, revenue department official ten a hmunah an endik hnuin sorkarah report a thehlut a, an endik hnua pass tihfel theih tawh plot 1217 chu freezing order hlipin pass issue theih tura peih a ni ta a ni.#zabilianz #zabilianznews #zofatehuapzo
0 Comments