#ZabilianZ Sept 23, 2026: Central YMA-in sorkar laipuia Social Justice & Empowerment Ministry atangin ruihhlo do kawnga hmalakna tur senso engemawzat a dawng dawn a, first installment Rs. nuai 57 chu sorkar laipuii a sanction tawh.
Sorkar laipui atanga CYMA-in sum a dawn tur hi ruihhlo do kawnga inzirtirna (awareness) kalpuina tur niin, he sum hmang hian Mizoram khaw 700 chuang tuam chhuak tura ruahman a nih thu CYMA hruaitute chuan an sawi a. State level, district level leh village level-ah hmalak tur a nih thu an sawi.
Sorkar laipui sum hmanga CYMA hmalakna tur hi -awareness & capacity building under national action plan for drugs demand reduction scheme- tih niin, a vaiin sum engzat chiah nge pek an nih dawn tih an la sawi theih loh thu CYMA hruaitute chuan an sawi a. Ruihhlo do kawnga inzirtirna kalpui tur hian Master Trainer te inruata, standardised traning module siam a nih tur thu an sawi bawk.
He scheme kalpuina turah hian nimin khan CYMA hruaitute chu Social Welfare Secretary Lalzarmawii hova thukhawmin, a kaihhnawih tul leh pawimawh hrang hrang te an sawiho a ni.#zabilianz #zabilianznews #zofatehuapzo
0 Comments