#ZabilianZ Sept 30, 2026: Kum 2026-2029 chhunga ruihhlo do beihpui thlakna tura ruahmanna 'State Action Plan to Combat Drug Menace 2026-2029' chu nimin khan Larsap Gen. VK Singh-a'n tlangzarh a. Home Minister K. Sapdanga'n Khawzawl district-a Tlangmawi chu Mizorama ruihhlo laka fihlim hmasaber khuaah a puang bawk.
Larsap chuan Prime Minister-in August ni 2, 2026-ah kar 100 awh tur ruihhlo do beihpui 'Nasha Mukh Bharat Sankalp Abhiyan' a tlangzarh thu leh December ni 31, 2029-ah chuan India ram chu ruihhlo hmanga sumdawnna awmlohnaa siam tum a nih thu a sawi a. Ruihhlo do dan tur ruahmanna tlangzarh tak chu khawtlang tanrualna leh inzirtirna behchhana thalaite ruihhlo laka chhanchhuahna tur a nih thu a sawi.
Mizorama ruihhlo laka fihlim hmasa ber khuaa puan tak Tlangmawi khaw mipuite chhuanawm a tih thu sawiin, "hei hian khawtlang inlungrualna leh inpekna a entir a ni" a ti a. "Mizoram pum chu ruihhlo laka filhim ni turin mitinin mawhphurhna kan nei a ni", a ti bawk.#zabilianznews
Home Minister K. Sapdanga pawhin Mizoram chu ruihhlo tawlhna kawng a nih thu leh thalai tam tak ten an tawrh phah thu sawiin, "enforcement agency, NGO leh kohhrante nen kan zavaia kan tanrual a ngaih thu leh ruihhlo tawlhtu bakah a zawmpui dangte pawh chhui chhuaha tih chhiat vek a tul" a ti a. Ruihhlo tawlh chhuchat turin a bik takin ramri-ah te nasa leh zuala chetlak tum a nih thu a sawi
January-August 2026 chhungin ND&PS Act hnuaiah thubuai 635 ziahluh a nih thu leh hemi kaihhnawiha man 930 zinga 111 te ramdang mi an nih thu Home Minister chuan sawiin, ruihhlo kaihhnawih man hlut zawng belhkhawm Rs. vbc 846 chuang a nih thu a sawi a. Ruihhlo zuarte chungah dan anga na taka hremna lekkawh zel a tul rualin, ruihhlongai te an that chhuah leh theihna tura dawhtheihna leh lainatna nena enkawl a tul thu a sawi bawk.#zabilianz #zabilianznews #zofatehuapzo
0 Comments