#ZabilianZ Sept 2. 2026: MZP-in vawiin khan -hnamdang nupui/pasal neilo tura inzirtirna ni- hmangin, Aizawl-a school 6-ah hnamdang nupui/pasal neilo tura inzirtirna hun an hmang.
MZP hruaitute chu school hrang hrangah insemdarhin, Vice President-in St. Joseph HSS-ah hun a hmang a, General Secretary - Mt. Carmel School-ah, Asst. General Secretary - Govt. JL HSS-ah Treasurer - St. Anthony's HSS-ah leh Finance Secretary-in Solomons’ High School-ah hun hmangin, Greenland HSS-ah NESO, Vice Chairman-in hun a hmang bawk.
Aizawl bakah district dang thenkhatah pawh MZP Hqrs leh Sub-Hqrs bultumin he ni hi an hmang a. MZP hruaitute chuan "Mizo te hi chimral tham lek khawpa tlem kan la ni" tiin, hnam tlem zawk te boralna thlentu leh boral chhan awlsam ber chu inneihpawlh a nih avangin hnamdang nupui/pasala nei lo tura inzirtirna chu kalpui an nih thu an sawi.#zabilianznews
Tripura-ah chuan a ram neitu zawk Debarma te chu minority dinhmunah ding tawhin, kum 20 hmalama a ram neitu ni lo te thuhnuaiah an kun mek tih MZP hruaitute chuan an sawi a. "Hetiang dinhmunah hian Mizo te pawh ding ve thei kan ni" tiin, mahni ramah ngei hnamdang thuhnuaia kun lo tura lo inven lawk tul an tih thu an sawi.
Zirlaite hnenah hnamdang nupui/pasala neihin Mizo hnamah nghawng a neih pawi theih dan hrang hrang te MZP hruaitute chuan an zirtir a. Nu leh pa te pawh mahni chhungkua theuhah an tu leh fa te zirtir thin turin an ngen bawk.#zabilianz #zabilianznews #zofatehuapzo
0 Comments