Police-in Durga Puja lawm chhung atan inkaihhruaina khauh tak tichhuak

#ZabilianZ Oct 16, 2026: Guwahati Police-in Durga Puja lawm chhunga zawm tur inkaihhruaina khauh tak an tichhuak a. Puja committee te chu lirthei veivak leh ke-a kal te tana tana harsatna awm thei veng tur te, thawm bengchheng siam lo tur tea tiin, venhimna ngaipawimawh tur tein an ti.

Puja committee te chu zan dar 10 hnua aurinna hmanga music play khapsak an ni a. Puja pandal tinah CCTV dah ngei tura hriattir vekin, hmeichhia leh mipa tan pandal-a luhna a hranga siam vek turin an hriattir bawk.#zabilianznews

Puja hmanna pandal te chu uniform ha lo Police ten an vil reng dawn a. Zankhuaa tlawmngai pawl te an awm ve reng theihna tura ruahmanna siam tura tih an nih bakah venhimna leh mipui chevel thunun turin a bika zirtirna pek volunteer ten Police te an puih tur thu an sawi.

Guwahati Police chuan Durga Puja hman chhunga zu in man an nih chuan dan hmnga khauh taka hmalak a nih tur thu pawh an sawi a. He inkaihhruaina hi boruak muanawm tak hnuaia Puja lawm a nih theihna tura ruahman a nih thu Police chuan an sawi a. Puja committee te leh Pula lawmtu leh chhimtu zawng zawng te chu zawm tura beisei an nih thu an sawi bawk a ni.#zabilianz #zabilianznews #zofatehuapzo