MIMA-in hnamdang, tribal ni lo sponsor, sumdawnna atana in luahtir emaw hming hawhtir te a ranglama lo inchingfel turin an ti

#ZabilianZ Oct 20, 2026: Mizoram Merchant Association (MIMA) Action Committee-in hnamdang, tribal ni lo sponsor emaw, mahni in sumdawnna atana luahtir emaw, sumdawnna atana hming hawhtir emaw te chu a ranglama lo inchingfel turin an ngen.

MIMA Action Committee chuan dan lova sumdawng an tam chhoh zel avanga hemi kawnga hma la tura MIMA Action Committee chu din a nih thu an sawi a. ILP sponsor kawngah te, dawr leh sumdawnna hmun luah tir kawngah te, Mizo hming hmanga hnamdang ten sumdawnna an kalpui thin kawngah te nasa zawka fimkhur turin Mizo mipuite an ngen bawk.

Home delivery-a bungraw chi hrang hrang - insakna bungrua thlenga zuar pawh an tam zel nia sawiin, heng hian tualchhung mi dawr neitute eizawnna a nghawng theih avangin dan hnuaia hmalak an tum thu an sawi a. Hmun hrang hranga kal kuala thil zuar thin te chu dan lova sumdawng an nih leh nih loh finfiah hmasa thin tura mipuite chahin, rinhlelh nei te pawh Police leh AMC-ah emaw, MIMA leh a mawhphurtu department te hnenah thlen nghal thin turin an chah a ni.

Thuneitute pawh dan lova sumdawng an awm leh awm loh enfiah turin an ngen a. Dan zawmlo an awm a nih chuan dan anga hma la turin an ngen bawk.#zabilianz #zabilianznews #zofatehuapzo