ZabilianZ

 #ZabilianZ June 30: June ni 30, 1986-ah MNF leh India sorkar-in remna thuthlung an ziak a, he ni hi Remna Ni tia vuahin kumtin lawm thin a ni. Vawiin hi Remna Ni champha kum 37-na a ni a, he ni hi kawng hrang hranga lawm a ni. Nimin lamah Aizawl leh district dang hrang hrangah te Remna Ni lawm nan thisen pek runpui te, faina hnatlang te, thingphun hnatlang te leh programme dang dang neih a ni tawh a. Nimin atang vek khan Vanapa Hall-ah Remna Ni Photo Exhibition neih mek a ni bawk.  Tukin khan Tourism department-in Remna Kawngzawh (Peace Walk) a buatsaih a, I&PR Minister Lalruatkima'n telpuiin, Chanmari leh Sikulpuikawn atanga chhuak te Vanapa Hall tualah an intawkkhawm a. Aizawla Remna Kawngzawh-ah hian College, High School leh Higher Secondary School hrang hrang atangin Yuva Tourism Club member 1400 vel an tel a. District khawpui dangah te Remna Kawngzawh hi buatsaih a ni bawk a ni. 

 #ZabilianZ June 29: Music Domain Mizoram (MDM)-in vawiin khan Woodland Hills, Zonuam-ah General Assembly hmangin, hruaitu thar an thlang a. Kum 2023-2025 chhunga hruaitu atan -President Dr. Lalthlamuana; Sr. Vice President B. Lalsawmzuala (Tea Boitlung); Vice President R. Lalbiaksanga; General Secretary K Lalremruata (KLr Tetea); Jt. Secretaries  Lalnunkenga Chuaungo (Manuna) leh R. Vanlalchhandama (Adama); Treasurer Zonunmawii leh Fin. Secretary atan TC Maliani te an thlang. MDM General Assembly chuan zaimite hmakhawngaia huang zauh remtiin, MDM artiste ten an member ni lo te duet emaw, trio emaw-a an thawhpuiin MDM youtube channel-a dah an remti a. MDM inkaihhruainate zawma an music video-ah MDM chhinchhiahna logo dahin, channel danga dah phal a ni lo thung ang.  Royalty chungchanga inkaihhruaina siamremin, MDM General assembly chuan "royalty (pawisa) dawng tur te chu MDM office aṭanga hriattirin, pekchhuah theih an ni ang" an ti a. Royalty chu chart-a tarlan an nih aṭanga

 #ZabilianZ June 29: I&PR department, MJA, leh Mizo Photographer’s Society (MPS) te buatsaih Remna Ni Photo Exhibition chu I&PR Minister Lalruatkima'n vawiin khan Vanapa Hall-ah a hawng a. Remna Ni Photo Exhibition hian naktuk thleng a awh ang. I&PR Minister Lalruatkima chuan kum tam tak Mizoram a buai hnuah June ni 30, 1986 ah India sorkar leh hnam pasalthate zarah remna thuthlung ziah a nih thu sawiin, kum 20 chuang rambuai ni thin Mizoram chu remna leh muanna vawnghim tha ber a nih thu leh hei hi mipuite zar a nih thu a sawi.  Remna Ni lawmna chi hrang hrang buatsaih a nih thu sawiin, I&PR Minister chuan hnam tin te inpumkhatna leh inlungrualna thlentu ni se a duh thu a sawi a. Mimal, chhungkua leh khawtlanga inremlo leh inrem theilote tan remna dar vuakna ni ah hmang theuh turin Zoram mipuite a ngen a ni.

 #ZabilianZ June 29: MNF Adviser, I&PR Minister ni bawk Lalruatkima'n sorkarin duh angin SEDP a kalpui thei lo nia sawiin, a chhan chu Covid hri leng vanga sum harsatna a thlen vang niin a sawi. Aizawl West II bialtu MLA ni bawk Lalruatkima chuan vawiina Aizawl West II MNF Block political training, Dinthar Veng LC House-a a hmanpuinaah he thu hi a sawi a. Covid hrilengin sum harsatna a thlen dan sawiin, "Kan budget-a sum ruahman Rs vbc 3,000 chuang kan hmu thei ta lova, central sorkarin sum pek dan leh hman dan thar a ruahman tak avangin kan ruahmanna siam tam tak kan hmu thei ta lo a ni," tiin, "tu te pawh sorkar se hetiang hun harsaah hian an duh ang diak diaka an kalpui theih a rinawm loh" a ti bawk.  Lalruatkima chuan mipuiin SEDP an hriat dan leh beisei dan a inanglo nia sawiin, SEDP-ah vantlang huap hmasawnna tur bilh tel a nih thu a sawi a. SEDP chu kawng hrang hranga hmasawnna kalpuina nia sawiin, kum 2021 atangin family oriented-a kalpuia phase-I se

 #ZabilianZ June 29: Congress thalai hruaitu ten Assemby Speaker Lalrinliana Sailo-in tunhnaia USA-a a zinnaah Dy. Chief Minister Deptt. chan pakhatah diklo taka Rs. nuai 100 chuang ziahbo a awm niin a sawi nia sawiin, hei hi chhui chian an phut. Dy. Chief Minister Deptt. chan pakhata Rs. nuai 100 chuang ziahbo a awm tih a hriat thu chu Chief Minister leh Dy. Chief Minister an thutdun lai ngeia a hrilh tawh thu pawh Lalrinliana Sailo chuan a sawi niin Congress thalai hruaitute chuan an sawi a. Assemby Speaker meuhin diklo taka sum hman a awm nia lang a sawi chu sorkar pawhin a chhui chhuah thuai an rin avangin sorkar hmalakna an ngaichang a, tun thlenga sorkarin thawm a neih zui tak loh avangin an tawng chhuak ta niin Congress thalai huaitute chuan an sawi. Diklo taka sum tihchingpen a awm ngei nia lang, Assemby Speaker meuhin a sawi chhuahah pawh sorkar a ngawi reng chu na an tih thu Congress thalai hruaitute chuan an sawi a. Assemby Speaker Lalrinliana Sailo-in eirukna awm nia lang a

 #ZabilianZ June 28: Chawngtlai leh Puilo khuaa RURBAN Commercial Centre chu vawiin khan Rural Development Minister Lalruatkima'n a hawng. Sorkar thuchhuahin a tarlan danin Chawngtlai leh Puilo khuaa RURBAN Commercial Centre te hi Rs. nuai 292.98 ve ve senga sak niin, senso hi sorkar laipuia Rural development ministry-in Shyama Prasad Mukherji Rurban Mission (SPMRM) atanga a pek a ni. Chawngtlai RURBAN Commercial Centre chu Mizoram Technocrats Company Pvt. Ltd. Tuikhuahtlang, Aizawl-in sa in, September ni 17, 2021 ah hna an tan a, December ni 27, 2022 khan an zova. Puilo RURBAN Commercial Centre chu Lyrics Construction Pvt. Ltd. Tuikhuahtlang, Aizawl-in sa-in January ni 10, 2022 ah hna tanin, December ni 28, 2022 ah an zo thung.  Chawngtlai leh Puilo khuaa RURBAN Commercial Centre-ah te hian kumin January ni 10 atang khan khawl chi hrang hrang te bun tanin, tun thla ni ni 10 khan an bun zo a ni.  RURBAN Commercial Centre pahnih hawngtu RD Minister Lalruatkima chuan SPMRM RURBAN kal

 #ZabilianZ June 28: Sazaikawn, Lunglei-a District Museum building sak mek chu vawiin khan Art & Culture Director Carol VLMS Dawngkimi'n a tlawh a. He building sakna atan hian sorkar laipuia culture ministry sum Rs. nuai 827 leh Mizoram sorkar sum Rs. nuai 91.91 ruahman a ni.  Sorkar thuchhuahin a tarlan danin, he building sak hna hi Okahito Consultancy Services, Khatla, Aizawl-in thawkin, Rs. nuai 620.41 hman ral a ni tawh a, installment hnuhnungber an nghak leh mek. Art & Culture Director Carrol VLMS. Dawngkimi chuan Lunglei district-a mimal, chhungkua, pawl, kohhran-te leh sorkar office hrang hrangte pawhin Lunglei district history tana pawimawh thil hlu kawl an nei a nih chuan Lunglei district Museum-a dah turin a ngen a. Museum-a dah tur thawhtu hming chu tarlan a nih tur thu a sawi.  Museum-a dah tur te lakkhawm dan kawng hrang hrang purchase, gift, loan, exchange, treasure trove, chance finding leh excavation-te a awm thu sawiin, Art & Culture Director chua

 #ZabilianZ June 27: Mizo Hnam sipai (MNF returnees) te tana Maumual, Chaltlang rama chenna in ngaihtuahsak tura din -Maumual development committee for MNF returnees- chu vawiin khan an Chairman, Minister Lalruatkima hovin an thukhawm a. Maumual awmna ram bialtu MLA C. Lalmuanpuia pawh he thutkhawmah hian a tel. Revenue Minister Lalruatkima chuan kum 1986-a India sorkar leh MNF-in inremna thuthlung an ziah hnua hnam pasaltha lo haw te pualin Maumual ram chu theh a nih thu a sawi a. "A hmun hi khang hunlai khan hla deuh leh thlaler deuha a lan avangin chenna in sa duh pawh an awm mang lo niin a lang a, tunah erawh chuan chutiang a ni tawh lova, hmun tha leh rem tak a lo ni tawh" a ti.  Sorkarin Ex-MNA te in leh lo ngaihtuahsak chu a ngaihpawimawh avangin theihtawpa hmalak reng a nih thu Lalruatkima chuan a sawi a. House site plan kum 1987 a siam tawh chu uluk leh tunlai thiamna changkang zawk hmanga siamthat a nih thu sawiin, Land revenue & settlement department atangin Su

 #ZabilianZ June 27: Information & Public Relations department leh Mizoram Art Development Society (MADS) tangkawpin ‘MADS annual Art workshop-cum-seminar’ an buatsaih chu vawiin khan I&PR Joint Director F. Lalfakzuala'n Aizawl Art Gallery Khatla, Aizawl-ah a hawng.  Tun thla ni 30 thleng awh tur MADS annual Art workshop cum seminar hawngtu I&PR Joint Director F. Lalfakzuala chuan Art tihmasawn tur leh leh tichangtlung tura MADS hmalaknate fakin, kum-10 chuang an kal chho thei ta chu a lawmpui thu leh hruaitute leh member-te inpekna a nih thu a sawi a. "Pawl din satliah chu thil harsa lo te a ni a, a taka kalpui erawh thil namai lo tak a ni" tiin MADS hruaitute taimakna leh thahnemngaihna fakawm a tih thu a sawi.  Mizo zingah artist thiam tak tak inphum ru an awm teuh a rin thu F Lalfakzuala chuan sawiin, artist-te zawnchhuaha tihhmasawnna tura MADS a ding chu ropui a tih thu a sawi a. Lemziak mite chu mi bik, mi zawng zawngin an tih theih loh ‘rohlu’ nei an

 #ZabilianZ June 27: Mizoram Christian College (MCC)-a Mizo department-in vawiin khan Mizo Kristian literature zirchianna hmasaber an buatsaih a. He seminar hi Rev. Prof. Vanlalnghaka Ralte-in a hawng a ni.  Zirchianna hun hi hun hnihah ṭhen niin, Dr. Ruth Lalremruati, (HoD, Mizo Deptt. MZU) leh Prof. R. Thangvunga te Moderator niin, Theology lamah Rev. Vanlalhriata, Ph.D Scholar leh Rev. Zosangliana te paper buatsaih an zirho a. Secular lamah Prof. C. Vanlalhruaia,(Aizawl College), Dr. Zoramdinthara(Associate Professor, MZU), Lalrammawia Ngente (Associate Professor, Govt. Johnson College), Dr. H. Laldinmawia (Asst. Professor, PUC), Lalsangzuala (Asst. Professor, MZU), Lalzarzova (Asst. Professor, MZU), Vanlalṭana Khiangte(Asst. Professor, ICFAI University), Laltlanmawia (Asst. Professor HBC) ten hun an hmang bawk.  Seminar hawnna inkhawma tel ten Mizo kristian literature-ah zirchian tur a tam zia leh field hrang hrang aṭanga zir tham a nih thu an sawi hlawm a. MCC-in zirchianna hun

 #ZabilianZ June 27: Lengteng biala rangva in chung la nei lo chhungkaw 45 te in chung tur rangva, Hlunsanga Malsawmna scheme atanga sem tur chu vawiin khan Community Development Action and Reflection (CDAR) Complex, Tuirial Airfield, Aizawl atangin Lengteng bialtu MLA Dr L. Thangmawia'n a vailiam. L.Thangmawia chuan 'Hlunsanga Malsawmna Scheme' hming putu Hlunsanga (L) chu Zoram zalenna puannaa a bial atanga hming ziaktu (Signatories) awmchhun, Kawlkulh khaw mi a nih tuh sawiin, 'Hlunsanga Malsawmna Scheme' chu Kawlkulh khuaa a In-ah ngei kumin January ni 31 khan hawn a nih thu leh kum thum chhung (2023–2025) kalpui tur a nih thu a sawi a. He scheme atang hian Lengteng biala rangva in chung la nei lo leh chhe tawh te thlaksak tura ruahmanna siam a nih thu a sawi. Lengteng bialtu MLA chuan a thawhkhatnaah hian chhungkaw 45 te rangva bundle 4 zel pek an ni dawn tuh sawiin, party induhsakna tel lova rangva in chung la nei lo te zawn chhuah an nih thu a sawi a. "A

 #ZabilianZ June 26: United Nations hriatpuia khawvel puma ruihhlo hmansual leh dan kalha sumdawnna do ni -International day against drug abuse and illicit trafficking- chu vawiin khan Mizoramah pawh hman a ni a. Mizoram police-in ruihhlo an man thahnem tak Aizawl leh district dangah te halral a ni. High level drug disposal committee-in Trinity Hospital, Silai mual, Melthum-a incinerator-ah vawiin khan ruihhlo, tualchhung rate-a Rs. 5,34,14,020 man hu a halral rualin, district dang hrang hrangah pawh ruihhlo, tualchhung rate-a 5,04,02,860 man hu ralral a ni bawk. Vawiina Aizawla ruihhlo halral te hi Heroin Kg 17.888, tualchhung rate-a Rs. 3,57,76,000 man leh Methamphetamine Kg 65.326, tualchhung rate-a Rs. 1,76,38,020 te an ni.  Ruihhlo hmansual leh dan kalha sumdawnna do ni-ah hian Aizawl District Police-in zingkarah kawngzawh an huaihawt a. Millennium Centre, Dawrpui atanga Aizawl SP Office, Treasury Square thlengin Modern English School naupangte leh Aizawl DEF hnuaia thawkte bakah

 #ZabilianZ June 26: Mizoram sorkarin Ainawn Veng (Gov’t Complex ni thin)-a sorkar quarters Type  I, II, III leh IV luahtu chhungkaw za chuang te ni 60 chhunga an chenna In chhuahsan tura thu a pek chu ngaihtuah nawn leh tura an duh thu Congress party chuan an sawi a. "Quarters luahtu chhungkaw harsa tak tak te dinhmun hre chunga tun aia awmze nei zawka hma la turin sorkar kan ngen a ni" an ti. Tun thla ni 18-a Council of Ministers thukhawmin Ainawn venga sorkar building/quarters te chu a him tawk tawh lo, tiin, chhiatrupna thleng palh thei pumpelhna turin tihruaha thiah nghal a rel a. Council of Ministers thutlukna bawhzui hian tun thla ni 22 khan General Administration Department (GAD) chuan Ainawn Venga sorkar quarters Type I, II, III leh IV luahtu chhungkaw za chuang te chu ni 60 chhunga insawn tura hriattirna a tichhuak a ni. Congress party chuan hemi chungchang hi ngaihtuah nawn leh turin sorkar chu an ngen a. Sorkar lehkhaa a lan danin Ainawn venga sorkar quarters luah

 #ZabilianZ June 26: Aizawl West II bialtu MLA, Minister ni bawk Lalruatkima'n a bial chhung Dinthar Venga awm, Gorkha sikul Govt. Gairigaon Primary School building zauhna, MLA fund Rs. 6,49,000 senga sak chu vawiin khan a hawng a, Govt. Dinthar High School a tlawh bawk.  Kum 1962-a din Govt. Gairigaon Primary School building zauhna sak thar chu MLA fund hmannaah chuan lungawithlak a tih thu Lalruatkima chuan a sawi a. "Mizoramah tawng pathum - English, Hindi leh Mizo tawnga zirna sikul a tam lo hle, Gairigaon School-in tawng chi thuma naupang an zirtir thin hi a ropui a ni" a ti. Minister Lalruatkima chuan zirna chu ram leh hnam dinchhuahna pawimawh tak a nih thu sawiin, "khawvelah zirna hian tawpni a nei lo, mihringte chu inzir reng tur kan ni a, zirna chawisan kawngah mitinin tan lak a ngai a, a bikin nu leh pa ten fate thiamna zirtir kawngah mawhphurna pawimawh tak an nei ve" tiin, nu leh pate chu an fate enkawl kawngah tan la turin a chah. Lalruatkima c

#ZabilianZ June 26: MNF party adviser, ICT, Tourism leh Sports changtu Minister of State ni bawk Robert Romawia Royte-in “ICT deptt-ah kumin (2023-24)-a kan budget Rs nuai 500 chauh ni mahse, Rs nuai 10,000 dawn kan thawkchhuak tawh" tiin, thawhchhuah lama tanlak a pawimawh thu a sawi.  MNF party chhung inkhawm, vawiina an party pisa Mizo Hnam Run-a neihah he thu hi Robert Romawia chuan a sawi a. Tourism deptt. budget Rs nuai 1,100 chauh a nih laiin, hnathawhna tur cheng nuai sing chuang an nei tawh nia sawiin, "Sports & Youth Services deptt. budget pawh Rs nuai 2,561 chauh ni mahse, sports school ringawt pawh panga kan nei dawn a, kan deptt budget hi sports school pakhat sakna pawh a ni lo,” a ti. Tunhnaia Delhi-a Union Finance Secretary a hmuh chungchang sawiin, Robert Romawia chuan "Chief Minister Pu Zoramthanga rawtna angin Special Assistance to States for Capital Investment (SASCI) Part-I 2023-24 atan Rs. nuai 20,000 Mizoram min pek belh dawn a, in ka thlen ru

 #ZabilianZ June 24: Falkland Venga Mizoram Rifles Association (MRA) Shooting Centre siam mek chu tukin khan Sports Minister Robert Romawia Royte-in tlawhin, a enfiah.  MRA Shooting Centre-ah hian building 1 leh shooting range metre 50-a thui awm tura ruahman a ni a. A sak chhunzawmna tur sum ngaihtuahsak nghal a tum thu Sports Minister chuan sawiin, PMJVK project tharah telh a nih theihna tura hmalak a nih tur thu a sawi. He Shooting Range hi Mizorama qualified 50-metre shooting range hmasaber leh awmchhun t ur a ni. Sports Minister chuan MRA leh Falkland Local Council-in thalaite mamawh a ni tih hriaa hmun remchang taka silai kah zirna hmun siama, anmahni suma bul an lo tan chu lawmawm a tih thu a sawi a ni. 

 #ZabilianZ June 24: MPCC thupuangtu Dr Lallianchhunga'n kum 2018 MLA inthlan dawna mipui laka an thutiam tak tak tun thlenga tihhlawhtling theilo ah MNF party a puh.  Vawiin khan Aizawl Press Club-ah thuthar thehdarhtute kawmin Congress party thupuangtu chuan August ni 20, 2018-ah MNF President Zoramthanga'n an party Pisa Mizo Hnam Run ah sorkarna an chan hunah chuan Mizoramin vai buhfai kan rin tawh loh tur thu leh Mizo buh kan rin zawk tur thu a sawi nia sawiin, "Vawiin thlengin Mizoram mipui ten vai buh la ringin sorkar pawhin ration atan vai buhfai a la supply ta zel a ni" a ti. October ni 17, 2018-a Aizawl East-II MNF Workers’Meet-ah MNF President Zoramthanga’n sorkarna an chan chuan Aizawl khawpui chu motor parking-a harsatna awm lo, traffic jam awmlohna state capital (khawpui) awm chhuna an siam tur thu a sawi tih Congress thupuangtu chuan sawiin, hei pawh hi tun thlengin a la hlawhtlinglo tih a sawi a. "Nuai sang chuang an sen ral tawhna PAHOSS lah chu s

 #ZabilianZ June 24: MNF party General Secretary VL Kroshnehzova'n "MNF sorkar hi mahni thil tih that puan chhuah leh infak lam uar lo tak, mipui tana ngawi renga hnathawk mawlh mawlh mai thin a ni" a ti. Aizawl Press Club-a thuthar thehdarhtute a kawmnaah he thu hi vawiin khan MNF party General Secretary VL Kroshnehzova chuan a sawi a. Mi thenkhatin sorkar chu hnathawk mang lo, engmah ti lo ang hialah an chhuah fo nia sawiin, Chief Minister Zoramthanga kaihhruai sorkar chuan hri leng leh harsatna hrang hrang karah nasa takin hmasawnna hna a thawk mek zel niin a sawi.  VL Kroshnehzova chuan Union budget-a Aizawl by-pass road atana Rs. vbc 500 leh Bamboo link road atana Rs. vbc 100 ve dah chu Chief Minister Zoramthanga hmalakna avang liau liau niin a sawi a. Niminpiah maiah pawh SASCI Part I 2023 - 2024 hnuaiah Chief Minister ngennain, Union Finance Secretary-in Rs. nuai 20,000 Mizoram pek belh a nih tur thu Minister of State Robert Romawia Royte hnenah a lo sawi niin a sa

   #ZabilianZ June 23: ZPM party General Secretary JK Dawngzuala'n “Politics kan hmelhriat dan hi party hrang hrangte inkâptawna inbeihna te, dawt thu tlem sawia kan chan a that dawn chuan pawi tihlohna te hi politics kan hmelhriat dan ni berin a lang" a ti. Vawina ZPM party Pisa-a political session-ah he thu hi JK Dawngzuala chuan a sawi a. "'Dawt var' tih tawngkam te pawh kan hre ta fo mai, politics hian hetiang politics hi min kawhhmuh a tum a ni ber lova, politics chuan midang tana inpekna bakah ram leh mipuite chawikan hi a tum ber a ni tur a ni,” a ti. “ZPM hi dik ngam turin kan inzirtir thin a, dawt sawi ai chuan na ngam zawk turin kan infuih bawk a ni" JK Dawngzuala chuan a ti a. "Kan ramin harsatna a tawh mek lian tak pakhat chu chhungkhat laina induhsakna (nepotism) hi a ni a, midang rawngbawlsaktu tur kan nih angin kan zavai atana tha zawk kan ngaihtuah tur a ni,” a ti. JK Dawngzuala chuan, “ZPM chuan malsawm tlakin hna kan thawk tur a ni a, m

 #ZabilianZ June 23: MNF Vice President Vanlalzawma'n tunhnai chhova inthlana an chet that tawk lohna te chu opposition party te boruak thalo leh chetchhiatna ten a hliahkhuh leh thuai niin a sawi. Vawiina MNF party chhung inkhawmah he thu hi MNF Vice President Vanlalzawma chuan a sawi a. Tunhnai chhova inthlana an chet that tawklohna opposition party te boruak thalovin a hliahkhuh chuan MNF party mipui a tiphur thar leh a, sorkar leh ngei turin an bei niin a sawi.  Vanlalzawma chuan Kolodyne Multi-Modal Transit Transport Project (KMMTTP) chungchang pawh sawiin, "He project hi peihfel a ni thuai dawn" a ti a. "A hlawhtlin hunah chuan kan hawilam kan thlak deuh vek dawn a. Paletwa leh Sittwe-ah te Lawng chawlhna peihfel a ni deuh vek tawh a, bungraw tam zawk chhimlam atangin man man zawkin kan chawlut tawh ang a, phai lam atangin bungrua leh mamawh Mizoram kaltlangin an rawn la tawh zawk dawn a ni," a ti. KMMTTP a hlawhtlin theihna turin hun hmasa lam atangin an

#ZabilianZ June 23: MZP-in Hmar Inpui, Hmarram Region, Manipur hnenah damdawi tha5hnem tak an hlan a. Damdawite hi nimin tlai khan Aizawla MZP Pisa Pui kawtah MZP Adviser F Lalnienga'n Hmar Inpui, Hmarram Region President Elmuonvel Buongpui kutah a hlan a ni.  Damdawite hi mithahnemngai ten Manipur buai avanga harsatna tawk mek Zofate tanpuina tura an thawhkhawm a nih thu MZP hruaitute chuan an sawi. 

  #zabilianZ June 23: ZPM party nomination committee vawiina thukhawmin MLA inthlan lo awm tur atana Aizawl East-l bial vil turin MLA hlui, ZPM Vice President ni bawk Lalthansanga (Chatea) an ruat.