I&PR Minister-in Remna Ni Photo Exhibition a hawng

 #ZabilianZ June 29: I&PR department, MJA, leh Mizo Photographer’s Society (MPS) te buatsaih Remna Ni Photo Exhibition chu I&PR Minister Lalruatkima'n vawiin khan Vanapa Hall-ah a hawng a. Remna Ni Photo Exhibition hian naktuk thleng a awh ang.

I&PR Minister Lalruatkima chuan kum tam tak Mizoram a buai hnuah June ni 30, 1986 ah India sorkar leh hnam pasalthate zarah remna thuthlung ziah a nih thu sawiin, kum 20 chuang rambuai ni thin Mizoram chu remna leh muanna vawnghim tha ber a nih thu leh hei hi mipuite zar a nih thu a sawi. 

Remna Ni lawmna chi hrang hrang buatsaih a nih thu sawiin, I&PR Minister chuan hnam tin te inpumkhatna leh inlungrualna thlentu ni se a duh thu a sawi a. Mimal, chhungkua leh khawtlanga inremlo leh inrem theilote tan remna dar vuakna ni ah hmang theuh turin Zoram mipuite a ngen a ni.