Sorkar thupek ngaihtuah nawn leh turin Congress party-in Mizoram sorkar an ngen

 #ZabilianZ June 26: Mizoram sorkarin Ainawn Veng (Gov’t Complex ni thin)-a sorkar quarters Type  I, II, III leh IV luahtu chhungkaw za chuang te ni 60 chhunga an chenna In chhuahsan tura thu a pek chu ngaihtuah nawn leh tura an duh thu Congress party chuan an sawi a. "Quarters luahtu chhungkaw harsa tak tak te dinhmun hre chunga tun aia awmze nei zawka hma la turin sorkar kan ngen a ni" an ti.

Tun thla ni 18-a Council of Ministers thukhawmin Ainawn venga sorkar building/quarters te chu a him tawk tawh lo, tiin, chhiatrupna thleng palh thei pumpelhna turin tihruaha thiah nghal a rel a. Council of Ministers thutlukna bawhzui hian tun thla ni 22 khan General Administration Department (GAD) chuan Ainawn Venga sorkar quarters Type I, II, III leh IV luahtu chhungkaw za chuang te chu ni 60 chhunga insawn tura hriattirna a tichhuak a ni.

Congress party chuan hemi chungchang hi ngaihtuah nawn leh turin sorkar chu an ngen a. Sorkar lehkhaa a lan danin Ainawn venga sorkar quarters luah mektute chu chhungkaw 161 vel an nih thu leh heng chhungkuate hian hmun dangah chenna In an neih loh avanga an theih ang anga an sum sengia an quarters luahte chu an siamthat ve thin thu an sawi a. Sorkar phalnaa luahtute chuan thlatin sorkarah a luah man an chawi thin thu sawiin, sorkar thupek khauh tak avangin mangangin an awm ta mek niin Congress party chuan an sawi.

Ainawn Venga sorkar quarters te chu a theih ang anga chei tha turin Congress party chuan sorkar chu an phut a. Chenna atana a him lo tih chhuanlama a luahtute dinhmun leh rilru tur ngaihtuah lova chhuah tir tum rum rum chu nunrawn thlak an tih thu sawiin, quarters te chu chenna atan a himlo a nih pawhin a tahtawla sorkar sum neih dan mila siamthat tur nia an ngaih thu an sawi. 

Ainawn Venga sorkar quarters te chu sakthat a nih pawhin, sak zawh a nih hunah tuna luahtu ten anmahni puala In an la nei lo a nih chuan an luah leh ngei theihna tura intiamkamna nei turin Congress party chuan sorkar chu an phut bawk.

Comments

Post a Comment

Popular posts from this blog

Lengpui-ah Myanmar Sipai thlawhna chesual

Image
#ZabilianZ Jan 23: Myanmar sipai, Mizorama tlanchhiate rawn hruai tur Myanmar Sipai thlawhna chu vawiin khan Lengpui Airport ah a chesual a, nunna chan an awm lo. Thudawnnain a sawi danin, pilot leh thawktu dang mi 14  chuanna Myanmar sipai thlawhna hi a rawn țum hnu lawkah runway-a a tlan laiin a kawi thut a, a tlan liam ta a ni.  Myanmar sipai thlawhna chesualah hian nunna chan an awm lova, hliam na deuh mi 4 leh hliam na vak lo mi 4 te chu Lengpui damdawi in panpui an nih thu thudawnna chuan a sawi bawk.
Read more

MNF leh Congress Candidate intawm atan Lalrinfeli - chhinchhiahna atan mipa leh hmeichhe inkai

Image
#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi
Read more

RO hmaah Lalramdingngheti koh a ni - ngaihdam dilin thupha a chawi

Image
#ZabilianZ Nov 03: Mamit biala Independent Candidate Lalramdingngheti chu tunhnaia video viral chungchangah Returning Officer V.L. Remliana hma-a insawifiah tura koh niin, nimin tlai khan RO office-ah a inlan. Lalramdingngheti hi Bru hnamte hnena a thusawi chungchangah hnam leh hnam inkara inunauna tichhe thei zawnga ngaih theih a awm avang leh Model Code of Conduct bawhchhiat theihna a nih avangin November ni 4, 2023 hma ngeia insawifiah tura koh a ni a. Nimin tlai lamah khan RO chu hmuin a thusawi chungchangah a insawifiah a ni. Bru hnam zinga a thusawi chu chi leh chi, hnam leh hnam inkara inhmelmakna leh inunauna tichhe tur lam hawi zawng a sawi a nih loh thu Lalramdingngheti chuan sawiin, Pathianin Bru hnam te hnenah Israel thlahte an nihna hrilhhre tura a tih a hrilhna lamah sawi loh tur a lo sawi tel palh niin a sawi a. RO hnenah hian ngaihdam dilin, thupha a chawi bawk. Mamit bial RO V.L Remliana chuan tunhnuah hnam thila inlaichinna tichhe thei zawnga thu sawi tawhlo turin Lal
Read more