Bial leh chhungkaw tana hunawl ka neih tam theih tak deuh avangin party thil tihnaah a hma angin ka lang tam thei ta lo deuh mai a ni :Zodintluanga


#ZabilianZ July 14: MPCC Treasurer a nihna atanga bang ta, Congress party-a nihna/chanvo chelh nei ta rih lo Zodintluanga Ralte chu vawiina Congress party-a mithar lawmluh inkhawmah MPCC President, Vice President leh Treasurer te nen tlar khatah an thuho.

Congress party thil tihnaah a tel tha duh vak lo nia sawi awm chungchangah Thorang bialtu MLA Zodintluanga chuan hetianga lo sawitu an awm a nih chuan thil an hriat fuh tawk loh vang nia a rin thu ZabilianZ a hrilh a. A hman phawt chuan Congress Bhavan-ah pawh a kal nitin niin a sawi.

Party thil tihna tam taka a tel tak loh thin chhan chu thil dang vang ni lovin, party-a chanvo pawimawh chelh te a neih tak loh avangin a hma aiin hunawl te pawh a nei tam ta deuh a, a bial lamah leh chhungkaw lam thilah te hun a hman tam theih tak vang mai niin a sawi a. An party hruaitute lakah rilru danglam a putzui loh thu sawiin, party tana a thahnemngaihna a la ngai reng niin a sawi bawk.

Lal Thanhawla Auditorium-a mithar lawmluh inkhawmah hian MPCC President Lalawta'n Congress party-ah mithar 170 chuang a lawmlut niin MPCC thuchhuahin a tarlang a. Congress party-a mithar lawmluh zingah hian ZPM party-a chanvo pawimawh tak tak chelh, tunhnaia ZPM chhuahsan ta engemawzat an tel.

MPCC President Lalsawta chuan Mizoramah HIV/drugs/eirukna leh thluaka sum lut natna a hluar hle nia sawiin, politics hmanga dolet a tul thu sawi a. Politics thalo titute an ngawih reng chuan mi thalote hnuaiah an kun tho dawn nia sawiin, "Heng mi thalo te hnuaia kan kunlohna turin mi tha te lo chhuak ula, keini leh chhuan lo la awm zel tur te tan ram tha zawk i din ang u", a ti. 

Sakhaw zalenna dodalna thlipuiin India ram a run mek tih Lalsawta chuan sawiin, Manipur buaina pawh Kristian leh Hindu sakhaw indona a nih thu a sawi a. "UCC leh sakhaw zalenna duhlotute do tur hian Kristiante kan tanrual a ngai" a ti. 

MPCC President chuan MNF-in Mizo mipui dodal CAB Amen-a an intukluh avangin Mizo hnam leh sakhua chu dinhmun him lovah an dah niin a sawi a. "Kan hnam leh sakhua, kan dinhmun titleutu hi Congress party chuan kan do zel dawn" a ti bawk. 

Comments

Post a Comment

Popular posts from this blog

Lengpui-ah Myanmar Sipai thlawhna chesual

Image
#ZabilianZ Jan 23: Myanmar sipai, Mizorama tlanchhiate rawn hruai tur Myanmar Sipai thlawhna chu vawiin khan Lengpui Airport ah a chesual a, nunna chan an awm lo. Thudawnnain a sawi danin, pilot leh thawktu dang mi 14  chuanna Myanmar sipai thlawhna hi a rawn țum hnu lawkah runway-a a tlan laiin a kawi thut a, a tlan liam ta a ni.  Myanmar sipai thlawhna chesualah hian nunna chan an awm lova, hliam na deuh mi 4 leh hliam na vak lo mi 4 te chu Lengpui damdawi in panpui an nih thu thudawnna chuan a sawi bawk.
Read more

MNF leh Congress Candidate intawm atan Lalrinfeli - chhinchhiahna atan mipa leh hmeichhe inkai

Image
#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi
Read more

RO hmaah Lalramdingngheti koh a ni - ngaihdam dilin thupha a chawi

Image
#ZabilianZ Nov 03: Mamit biala Independent Candidate Lalramdingngheti chu tunhnaia video viral chungchangah Returning Officer V.L. Remliana hma-a insawifiah tura koh niin, nimin tlai khan RO office-ah a inlan. Lalramdingngheti hi Bru hnamte hnena a thusawi chungchangah hnam leh hnam inkara inunauna tichhe thei zawnga ngaih theih a awm avang leh Model Code of Conduct bawhchhiat theihna a nih avangin November ni 4, 2023 hma ngeia insawifiah tura koh a ni a. Nimin tlai lamah khan RO chu hmuin a thusawi chungchangah a insawifiah a ni. Bru hnam zinga a thusawi chu chi leh chi, hnam leh hnam inkara inhmelmakna leh inunauna tichhe tur lam hawi zawng a sawi a nih loh thu Lalramdingngheti chuan sawiin, Pathianin Bru hnam te hnenah Israel thlahte an nihna hrilhhre tura a tih a hrilhna lamah sawi loh tur a lo sawi tel palh niin a sawi a. RO hnenah hian ngaihdam dilin, thupha a chawi bawk. Mamit bial RO V.L Remliana chuan tunhnuah hnam thila inlaichinna tichhe thei zawnga thu sawi tawhlo turin Lal
Read more