#ZabilianZ Aug 10. 2026: Mualthuam North branch MHIP-in vawiin khan tun thla ni 3 zan atanga a chin hriatloh, tun thla ni 5-a thi-a hmuh H. Ramdinpuii (15), Mualthuam North chunga thil thleng an demna leh pawikhawihtu mana, hremna a na thei ang ber pe tura phutna kawngzawh an huaihawt.
Mualthuam North-a kawngzawh hi MHIP Gen. Hqrs. leh MHIP Sub-Hqrs., Lunglei hruaitute pawhin telpuiin, Mualthuam North-a school hrang hrang leh khaw thenawm atangtein mi engemawzat an tel bawk.
Mualthuam North MHIP hruaitute chuan Ramdinpuii chunga thil thleng chu na an tih thu sawiin, pawikhawihtu man chhuah thuai a niha, dan hnuiaia hremna na thei ang ber pek an phut a ni.#zabilianznews
Mizoram Police-in Mualthuam North-a thil thleng an chhuina kalzelah tualthahna hmanrua nia rinhlelh chemte chhar a nih thu sawiin, chemte thlalak pawh mipui hmuh theih turin an tlangzarh a. He chemte neitu ni thei awm hria te chuan SDPO phone no. 8259901971 ah emaw Case I/O phone no. 8974362101 ah hriattir tura ngenin, hnu chhui kawnga Police te puia an thil hriat te Police hrilhtu chu thup tlat an nih tur thu an sawi bawk.
Police hotute chuan Mualthuam North-a thil thleng hi ngawrh taka chhui zui zel a nih thu sawiin, Mualthuam North VC leh YMA hruaitute pawhin theihtawp an chhuahpui mek tih an sawi a. Khawtlang mipuite chu chiai lo tura chahin, hnuchhui kawnga pui thei tur thil an hmuh leh hriat te zep nei lova Police hriattir zel turin an ngen a ni.#zabilianz #zabilianznews #zofatehuapzo
0 Comments