#ZabilianZ Sept 28: Khamrang ram chhunga huan enkawla awm Zonunzira chu zanin dar 7:15 vel khan Sairang - Kolkata express, train no. 13125-in Mualkhang station bul, tunnel-ah a chilhlum.
Khamrang khawtlang hruaitute hnen atanga thudawn danin, vanduaina tawkm jum 51 mi Zonunzira hi Naisingpara, Tripura lam mi niin, Khamrang ram chhunga Oil Palm leh Rubber huan enkawla inhlawh a ni a. A nupui leh an fa te pathum erawh chu an khaw lamah an awm thung.
Kawnpui atangin Police-in vanduaina thlenna hmun hi an pan nghal a. Railway Protection Force te pawhin vanduaina thlenna hmun hi an pan nghal niin Khamrang khawtlang hruaitute chuan an sawi a. Zonunzira ruang hi Kawnpui-ah doctor an awm loh avangin Kolasib-a post-mortem tura ruahman a nih thu leh post-mortem leh tihfel ngai dang te tihfel a nih hnu ah an khua Naisingpara lam panpui tura ruahman a nih thu Khamrang khawtlang hruaitute chuan an sawi bawk.#zabilianz #zabilianznews #zofatehuapzo
0 Comments