#ZabilianZ Aug 10, 2026: Mizoram Pradesh Congress Committee (MPCC) executive comnnittee-in Council of Churches in Mizoram (CCM)-in August ni 11, 2026-a FCRA Amendment Bill 2026 dodalna kawngzawh a huaihawt tur an thlawp thu an sawi.
MPCC hruaitute thukhawm chuan CCM-in FCRA Amendment Bill 2026 dodalna kawngzawh a huaihawt turah Congress party mi zawng zawng tel turin an ngen a. "FCRA Amendment Bill hi Congress party chuan a dodal zel dawn a ni" an ti.
BJP leh RSS te thil tum lian ber chu Hindu lal ram din a nih thu MPCC hruaitute chuan sawiin, "kristian ten ram pawn atanga tanpuina kan dawng thin hi an helh a, heng pawisa hmang hian tihluihna hmangin Hindu sakhaw zuitute Kristian-ah kan let thin niin diklo takin min puh" an ti a. He bill hnuhkir a nih ngei theihna tura theihtawp an chhuah zel tur thu an sawi.#zabilianznews
Parliament-a FCRA Amendment Bill 2026 putluh a nih hunah pawh he bill dodal zawnga thu sawi ngei turin MPCC chuan Mizoram MP te an phut nawn leh a. Vote lak a nih hunah pawh a dodal zawng ngeia vote pe tura phut nawn lehin, 6. FCRA Amendment Bill dodalna resolution pass a nih theih na tura Special Legislative Assembly Session ko turin sorkar an phut nawn leh bawk.
FCRA Amendment Bill 2026-in hun kal tawh a huam loh tur thu sawi awm chu MPCC chuan thu awmze neilova an ngaih thu an sawi a. "He bill in a tum ber chu Kristian ten ram pawn atanga tanpuina kan dawn thin tih buai leh harsatna siam a ni", an ti a ni.#zabilianz #zabilianznews #zofatehuapzo
0 Comments