Lunglei-ah Rs. nuai 1,800 sengin Moto sports racing tract siam tum a ni :Sports Minister
Sports Minister-in a tlawh zingah Zobawka sport school sak lai, National Green Tribunal-in a chawlhlailâwk tir chu hna zaa 80 vel zawh tawh a ni a. He project hi Rs. nuai 3430.98 a zawh theih tura ruahman niin, hna tan leh hun tur erawh sawi theih a nih rih loh thu Sports Minister chuan a sawi.
Lunglawna Community service centre sak mek pawh zaa 60 vel zawh tawh niin, Ramthar venga semi indoor futsal court pawh hna zaa 80 vel zawh tawh a ni a. Rs. 319.78 sênga sak zawh tura ruahman a nih thu sorkar thuchhuahin a tarlang.
Sports Minister chuan Rahsi Venga khelmual siam mek, Rs. nua 4919.31 senna tura ruahman te, Leitlangpui Hockey khelmual siam mek Rs. nuai 1108.7 senna tura ruahman te bakah Lunglei Electric Venga Football khelmual siam mêk leh Zotlânga Integrated Sport Centre sak mêk te pawh tlawhin a enfiah bawk.
Nimin lam khan Lawngtlaia sports department hmalaknate Sports Minister chuan a tlawh a. Sports Minister-in a tlawh zing ami Lawngtlai khawpui daifêm, Mâmpui-a PMJVK scheme atanga Rs. nuai 5,019.43 senna tura ruahman Lawngtlai District Sport Complex sak mêk te, Rs. nuai 236 senna tura ruahman Chawnhu-a Multipurpose community centre te, Rs. nuai 3461.7 senna tura ruahman Lawngtlai College Venga, Residential Sport School te a tlawh bawk a ni.
Comments
Post a Comment