UCC do turin Mizorama political party zingah MNF baka tha an awm lo :MNF Adviser


#ZabilianZ July 17: MNF Adviser Prof. F. Lalnunmawia'n "Uniform Civil Code (UCC) do turin Mizorama political party zingah MNF baka tha an awm lo," a ti. 

Vawiina MNF party chhung inkhawm, MNF Hnam Run-a neihah he thu hi MNF Adviser, MLA ni bawk F. Lalnunmawia chuan a sawi a. Mizo hnam leh sakhua venghim turin MNF baka party tha dang an awm lo niin a sawi.

F Lalnunmawia chuan "MNF sorkarin hian CAB/CAA pawh theihtawpin a lo do tawh a. CAB kan duh loh thu Assembly session-ah March 20, 2019 ah pass a ni tawh a; a hnu Oct 5, 2019 khan CM zahawm tak Pu Zoramthanga’n hmaichhanah he dan kan duh loh thu Union HM Pu Amit Shah a hrilh a, kan MP te pahnih pawhin he bill an duh loh thu hi an auchhuahpui bawk a ni. Tichuan, tribal te chenna NE State te chu exempt kan ni ta a, he dan hian min huam ve ta lo a ni," a ti.

MNF Adviser F Lalnunmawia chuan "Tunah UCC hman tumna thawm a lo ri leh a, hei pawh hi kumin Assembly session February 14 khan kan duhloh thu kan pass tawh bawk a nih kha. Kan CM zahawm tak, MNF President ni bawk chuan Central sorkarah UCC kan duh loh thu ziakin a thlen tawh bawk a ni" a ti a. "Kan MP te pahnih hian UCC an dodal thu an auchhuahpui mek bawk a. Hetiang taka Mizoram leh Mizote himna atana tang ngam leh a tul huna sorkar laipui dodal ngam MNF ang hi party dang an awm lo," a ti.

"Zo hnahthlak ram hrang hranga thendarh a awmte kuahkhawm tura hmalak kan tum thu pawh 2018-a kan election manifesto political policy no.1 ah kan lo ziak sa diam tawh" MNF Adviser chuan a ti a. "Tuna kan unau Zohnahthlak te Mizoram a rawn tlankhawm mekte hi Pu Zoramthanga kaihhruai sorkar chuan pa chan changin a lo kuahkhawm a, huaisen takin an thlavang a hauh a ni" a ti. 

Kumin kumtawpa MLA inthlan lo awm turah pawh MNF chuan sorkar chhunzawm leh tura chance an neih that thu MNF Adviser chuan a sawi a. An khingpui opposition ten sorkar beihna tur issue liantham an nei lo nia sawiin, NGO te pawh sorkar laka lungawilohna liantham nei an awm lo niin a sawi. 

Party chhungkuaah pawh buaina leh innghirnghona an nei lo nia sawiin, an party hqrs. hruaitu lungawilo leh chhuak tau an awm lo te chuan an dinhmun a ti tha hle niin F Lalnunmawia chuan a sawi bawk. 

Comments

Post a Comment

Popular posts from this blog

Lengpui-ah Myanmar Sipai thlawhna chesual

Image
#ZabilianZ Jan 23: Myanmar sipai, Mizorama tlanchhiate rawn hruai tur Myanmar Sipai thlawhna chu vawiin khan Lengpui Airport ah a chesual a, nunna chan an awm lo. Thudawnnain a sawi danin, pilot leh thawktu dang mi 14  chuanna Myanmar sipai thlawhna hi a rawn țum hnu lawkah runway-a a tlan laiin a kawi thut a, a tlan liam ta a ni.  Myanmar sipai thlawhna chesualah hian nunna chan an awm lova, hliam na deuh mi 4 leh hliam na vak lo mi 4 te chu Lengpui damdawi in panpui an nih thu thudawnna chuan a sawi bawk.
Read more

MNF leh Congress Candidate intawm atan Lalrinfeli - chhinchhiahna atan mipa leh hmeichhe inkai

Image
#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi
Read more

RO hmaah Lalramdingngheti koh a ni - ngaihdam dilin thupha a chawi

Image
#ZabilianZ Nov 03: Mamit biala Independent Candidate Lalramdingngheti chu tunhnaia video viral chungchangah Returning Officer V.L. Remliana hma-a insawifiah tura koh niin, nimin tlai khan RO office-ah a inlan. Lalramdingngheti hi Bru hnamte hnena a thusawi chungchangah hnam leh hnam inkara inunauna tichhe thei zawnga ngaih theih a awm avang leh Model Code of Conduct bawhchhiat theihna a nih avangin November ni 4, 2023 hma ngeia insawifiah tura koh a ni a. Nimin tlai lamah khan RO chu hmuin a thusawi chungchangah a insawifiah a ni. Bru hnam zinga a thusawi chu chi leh chi, hnam leh hnam inkara inhmelmakna leh inunauna tichhe tur lam hawi zawng a sawi a nih loh thu Lalramdingngheti chuan sawiin, Pathianin Bru hnam te hnenah Israel thlahte an nihna hrilhhre tura a tih a hrilhna lamah sawi loh tur a lo sawi tel palh niin a sawi a. RO hnenah hian ngaihdam dilin, thupha a chawi bawk. Mamit bial RO V.L Remliana chuan tunhnuah hnam thila inlaichinna tichhe thei zawnga thu sawi tawhlo turin Lal
Read more