ZabilianZ

#ZabilianZ Aug 31: Zirlaite pual, ni hnih awh tur Hnam lama inelna chu vawiin khan Tourism Deptt. Director Saitluanga'n Vanapa Hall-ah a hawng. Mizo Cultural Organisation, school Education Deptt., Tourism Deptt. leh Mizoram State Sports Council te tangtlangin an buatsaih zirlaite hnam lama inelna hi - middle school, high/higher secondary school leh college/university te a hrang theuhin an inel a. Vawiin khan middle school zirlaite chu Chawnglaizawn hmanga inelin, naktukah Cheraw hmangin an inel leh ang.  High/higher secondary school te chu vawiinah Cheraw kanin an inel a , naktukah Sarlamkai hmangin an inel ve leh thung ang. College/university te pawh vawiinah Cheraw kana inelin, naktukah Chheih lam hmangin an inel ve leh thung dawn a ni. Naktuka inelna zawhfel a nih hnu ah result puangin lawmman an sem zui nghal ang a. School Education Minister Lalchhandama Ralte leh Mizo Cultural Organisation Gen. Hqrs., President, Minister of State ni bawk Robert Romawia Royte ten an telpui ang.

#ZabilianZ Aug 30: Mizoram atanga I-League club awmchhun leh I-League club awm mek zinga hlun ber Aizawl FC leh Delhi-a hmunpui nei - Trajon India company te chu thawkho turin an inrem a, thawkho turin thu an thlung. Royale Lalawi Hotel, Aizawlah nizan khan Aizawl FC leh Trajon India company chuan inremna thuthlung an ziak a. Aizawl FC aiawhin Club Director Vanlalfelpuia Royte leh Freddy Lalnunsanga ten hming an ziak a, Trajon India aiawhin company neitu Sushanta Deb leh Akash Das ten hming an ziak bawk.  Thawhhona thuthlung hi season khat atan a ni phawt anga, an inbiakrem dan a zira pawhsei zel tura tih a ni. Aizawl FC Director Vanlalfelpuia Royte chuan "kum hei leh chen hnua Mizo football club hlun leh Mizo thalaite hmangaihtuin senso te chhawk zangkhai tur a hmu ta hi a lawmawm hle a ni" a ti a. Trajon India nena an thawhhona chuan Mizoram football tan rah duhawm a chhuah ngei a beisei thu a sawi bawk. Trajon India hi Aizawl FC main sponsor an ni anga, club thuamchak kawn

#ZabilianZ Aug 26: Mamit High School veng-a Vohbik naupang, kum 11 mi Lalremruata thattu nia rin R Lalrinchhana, Mamit High School veng chuan tualthattu ngei a ni tih Police hma-ah a inpuang. Vohbik naupang Lalremruata hi August ni 17, 2023 atang khan a chin hriatlohin a bo a, August ni 23, 2023 ah ramhnuaiah thi-a hmuh a ni. Mi kuttuara thi nia rin a nih avangin Police ten ngawrh takin an chhui zui a, thu zawhfiah tura an lak zinga mi R Lalrinchhana, Mamit High School veng chuan a thah a nih thu nimin tlai lam khan Police hmaah a puang ta nia thudawn a ni.  Pawikhawitua puh inpuanna chungchang, thudawnnain a sawi danin pawikhawihtua puh leh a tuartu chu inhmelhriat tha sa niin, tun thla ni 17 zan khan pawikhawihtua puh te Workshop-a an awm laiin pawikhawihtua puh R. Lalrinchhana zu rui thinrim chuan Lalremruata chu puan hmangin a rekhlum niin Police hmaah a inpuang a. A ruang chu a tuk zan dar 11 vel-ah ramhnuaiah a dah niin a sawi. Pawikhawihtua puh hi Central Jail-ah dahluh a nih ta

#ZabilianZ Aug 23: Vawiin chawhma dar 9:30 vel khan Bairabi -Sairang rel kawng siam hna thawh meka Lei No. 196, Sairang zero point bula dawh lai chu chim a, zanin dar 10 thleng khan he vanduaina thlenga nunna chan te ruang 18 hmuh a ni tawh. Vanduaina thlenna hmun hi Aizawl Bawrhsap leh SP te pawhin pan nghalin, QRT (Quick response team) leh NDRF (National disaster response force) te bakah Sairang leh a chhehvela mitlawmngai ten chhanchhuah hna leh ruang hlawm hna an thawk nghal a. Chanchin buatsaih lai thleng hian ruang 18 hmuh tawh niin, hliam 3 leh an chin hriat loh mi 5 an awm niin Mizoram Police hotu ten ZabilianZ an hrilh.  He vanduaina thlenga nunna chan te ruang chu Civil Hospital, Aizawl leh ZMC, Falkawn atanga kal ten Sairang Dinthar YMA hall-ah an post-mortem a. Ruang te hi tawih theilo tura buatsaih (embalm) a nih hnuah Railway department hnenah an chenna khua theuh thlen tura hlan an ni ang. Vanduaina thlenna hmun hi Lok Sabha MP C. Lalrosanga, Transport Minister TJ. Lalnu

#ZabilianZ Aug 20: Lelte Award Organising Commitee-in Manipur buaina tuartu Zofate tanpuina tura tun thla ni 15 leh 16 zana Vanapa Hall, Aizawl-a Helping Hands - concert an buatsaih leh ni 18-a street donation kaltlanga mithahnemngaite sum thawh tlingkhawm zawng zawng Rs. 17,61,908 a ni. August ni 15 leh 16 zana Vanapa Hall-a Helping Hands - concert atanga Rs. 8,90,443 lut bakah he hmalakna kal zelah ni 18 khan Mount Carmel School, Aizawl-in Aizawl khawpui chhung hmun hrang hrangah Helping Hands - Street Donation kalpui lehin heta mipuite sum thawh tlingkhawm chu 8,71,465 a tling bawk. Lelte Award Organising Commitee-in Manipur buaina tuartu Zofate tanpui duh tana remchang a buatsaih atanga mipui sum thawh tlingkhawm zawng zawng chu Rs. 17,61,908 a ni. Manipur buaina tuartu Zofate tana luangchhuak zawng zawng te avangin an lawm takzet tih Lelte Award Organising Commitee chuan an sawi a. He hmalakna hlawhtlinna tura kawng hrang hranga puitute avanga an lawmthu an sawi bawk. 

#ZabilianZ Aug 17: India rama Myamy company dawr hmasaber chu vawiin khan tunlaia Mizo zaithiam langsar ber pawl Rebecca Lallawmsangi'n a hawng a. Myamy dawr hi MNF party pisa Mizo Hnam Run bulah awmin, a hawnna inkhawm Hotel Emerald-a neihah Synod Moderator hlui Rev. Lalzuithanga'n Pathian hnena a hlan hnu he dawr thar hi Rebecca Lallawmsangi'n a hawng a ni. Myamy dawr-ah hian khawvel huap pawha designer authentic perfume lar ber ber te zawrh chhuah a ni dawn a. Mizorama authentic perfume branded showroom hmasaber niin, business partner chu Masangi a ni a. Perfume tam zawk chu France ram atanga an lakluh a ni. Aizawla Myamy dawr hawnna inkhawmah hian Myamy company CEO anthony Rodriguez pawh khualzahawm niin a tel a. India rama a hmasaber tura Aizawla Myamy dawr  an hawn theih avanga lawmawm an tih thu a sawi.

#ZabilianZ Aug 17: Zohnahthlak Christian Network-in zanin leh nakzan dar 8 atanga tanin Vanapa Hall, Aizawla-ah Manipur buaina tuartu Zofate tanpuina tur Charity Concert a buatsaih dawn. He concert hi en man a awm dawn lova, Manipur buaina tuartu Zofate tanpuina turin bawm dawh a ni thung ang a. Phone kaltkanga in lam atanga tanpuina pek na tur pawh ruahman a ni dawn a, donor's card engemawzat semchhuah a ni bawk. Manipur buaina tuartu Zofate tanpuina tur concert-ah hian Mizo zaithiam - Zaii Hauchhum, David Darlong, Jauvi, Benjamin Sum, Zoramchhani Band, Faktu, Siampuii Ralte, Vanlalhmangaiha, Kimkima, G'nie, Rpa Ralte, OPA (Tribal power), Angaihtei, Priscilla Laldinpuii Fanai leh Manipur Artist lar tak tak Elvis Shakum, Grace Baite, Benjamin Pakhuangte, Mary Vaiphei, Zenngaisang leh midangte an zai dawn a. Zonet, LPS 5 leh youtube lamah live-a tichhuah a ni ang.

#ZabilianZ Aug 15: Hnahlan Grape Farming & Processing Cooperative Society Ltd. leh North East Wave (NEW) te tangkawpin August ni 19, 2023 (Inrinni) hian Hnahlan Winery-ah Grape Festival - The Grape Escape an buatsaih dawn a. He festival-ah hian cultural lam leh rimawi lam te pawh tel tura ruahman a ni. The Grape Escape hi SEDP sum atanga buatsaih tur niin, sorkar laipuia Tourism ministry pawhin a hriatpui leh a thlawp a nih thu a buatsaihtute chuan an sawi a. Grape chin leh tualchhung siam Wine bakah Wine tourism leh Agro tourism te chawilarna tura ruahman a nih thu an sawi. Hnahlana Grape Festival - The Grape Escape hi Champhai North bialtu MLA Dr ZR Thiamsanga'n hawngin a hmanpui dawn a. Grape chingtu hnathawk tha te chawimawina hlan an ni ang a, marathon te bakah intihhlimna chi hrang hrang pawh buatsaih a nih tur thu a buatsaihtute chuan an sawi bawk.

#ZabilianZ Aug 12: Kumina MLA inthlan lo awm tura Hachhek biala MNF party Candidate tur, MNF party adviser Robert Romawia Royte-in "Pu Robert-a in thlan tlin chuan mahni leh mahni in inthlang tling tihna a ni ang" a ti.  Robert Romawia chuan Hachhek biala khaw hrang hrang a tlawhnaah he thu hi a sawi a. Hmasawnnain khawthlang lam a hawi nia sawiin, "Tunhnai maiah Hachhek biala kawngpui siamna tur Rs. nuai 5,000 kan ruahman tawh" a ti. Central atangin hmasawnna hnathawhna tur sum tam tak hnuhchhuah a nih thu sawiin, Robert Romawia chuan "heng sum te hi sorkar inrelbawlna leh hnathawk hlawh atan erawh hman theih a ni lo" a ti a. Hachhek bialin hmasawn turin dikna chanvo a nei nia sawiin MLA bial bakah, mimal leh chhungkaw tana hlawkpui theih tur thlang thiam turin mipuite a sawm bawk.

#ZabilianZ Aug 12: Mizoram MP pahnih - Lok Shaba MP C Lalrosanga leh Rajya Sabha MP K. Vanlavena te chu vawiin khan Delhi atangin an lo haw a. Lengpui Airport-a anmahni lawmna hun tawi buatsaihah Lok Sabha MP C Lalrosanga'n "Congress kan support vang ni lovin Manipur-a kan unaute kan thlawp avang zawkin an motion putluh kha kan lo tawmpui" a ti.  C. Lalrosanga chuan tuntum Parliament thutkhawm chu an urlawk nasa hle nia sawiin, "khulam hotu ten Manipur chungchang sawi chhuah an khap avangin tum angin sawichhuahna hun min siamsak duh ta lo" a ti a. Sorkar rintawklohna chungchanga thusawi a dilna phalsak a nih loh thu sawiin, "Manipur MP pahnihte pawh hun pek an ni lova, kan unaute tihduhdahna hmun Manipur sorkar hi awm tawh lo se, tih hi kan duh dan a ni" a ti.  "Kan unaute thlavang hauh kawngah Mizoram mipui ten min thlawp avangin huaisen takin kan awm a, kan tih theih china kan tih tur chu Mizoram tan kan ti zel dawn" C Lalrosanga chuan a ti

#ZabilianZ Aug 11: School Education Minister Lalchhandama Ralte-in Mizoram pumah zirtirtu post ruak hnawhkhah loh 3000 chuang a awm tawh nia sawiin, SEDP teacher leh MR teacher te lak an nih thu leh a nghet leh nghet lova lak 2700 vel an awm tawh niin a sawi.  Ngopa-a Sub-Divisional Education Officer Office vawiina a hawnnaah he thu hi School Education Minister chuan a sawi a.  Mizorama zirna syllabus chu hmundang nena khaikhinin a hniam bik lo nia sawiin, "all India standard a ni a, zirtirtute pawh training pek țhin an nih bakah lak thar te pawh qualified trained vek an ni" a ti. School Education Minister chuan "Mizoram sorkarin zirna a ngai pawimawh a, a arkhawthim dai lo, awmze nei takin a kalpui" a ti a. "He ram leh hnam hian nihphung identity a nei a, chu chu zirlaite thinlungah tuh zel tum a nih avangin 'Zonun' tih chu zirlaibuah pawh hman thar a ni" a ti bawk. Bialtu MLA, HRD Board Vice Chairman ni bawk Dr L. Thangmawia pawhin Ngopa-ah SDEO

#ZabilianZ Aug 11: Lungleia Auto-Rickshaw te chu nimin khan Manipur buaina tuartu Zofate tan service-in Rs. 3,00,360 an hmu chhuak a, mimala hmuchhuak tam ber S. Vanlaltluanga, Chanmari, Lunglei a ni.  An sum hmuh chhah te a dawngtu tur hnena hlan dan tur chu naktukah an ngaihtuah dawn niin Lunglei Auto Rickshaw Owners Association (LAOA) hruaitute chuan an sawi a. Khaw chhe hnuaiah pawh an ngenna ngaipawimawha Auto-Rickshaw hmangtu leh Auto-Rickshaw hmang kher lova sum thawhtu zawng zawng hnenah lawmthu an sawi.  Manipur buaina tuartu Zofate tana an service ni hian an passenger te chu chuan man tuk lovin an passenger ten an phal leh remchan ang zat zatin an hmang mai niin LAOA hruaitute chuan an sawi a. Mipui pawhin an thlawp thain thahnem an ngaihpui hle nia an hriat thu an sawi bawk.  LAOA hi kum 1999-a din niin, member 1000 vel an awm mek a. Lunglei khawpui chhungah stand 15 an nei mek a ni. 

#ZabilianZ Aug 11: Aizawl North II bialtu MLA Dr Vanlalthlana'n ZPM an sorkar a nih chuan mipui tana a awlsam zawk nan sorkar offce te hmunkhata dahkhawm (cluster approach management system) an kalpui tur thu sawiin, "MINECO kan nei sa a, hetah hian Chief Minister Office pawh sawnluh a ni ang" a ti.  ZPM party political training vawiina neihah he thu hi Dr Vanlalthlana chuan a sawi a. Sorkar pisa te hmunkhata dahkhawm turin district hrang hrang bakah block level thlengin ruahmanna an siam niin a sawi.  Department inhnaih zual te pawh zirchiana, a theih anga pawhkhawm dan zawn a tul nia sawiin, Dr Vanlalthlana chuan "Mizoramah sorkar department 50 dawn kan nei mek a, an thawhhona tha a awm theih nan leh awmze nei zawka hmalakna turin convergence policy hman a ni ang,” a ti a. Tuna sorkar inrelbawl dan chu a sakhat tawk lo nia sawiin, hmasawnna a taka kalpui turin sorkar department inhnaih zualte Minister pakhat hnuaiah dah a ni dawn niin a sawi bawk. Dr Vanlalthlan ch

#ZabilianZ Aug 11: MNF President Zoramthanga'n "NDA-a kan tel dan hi issue base-a tel mai kan ni a, an thu azirin kan thlawpin kan thlawp lo mai" a ti.  MNF party chhung inkhawm, vawiina Hnam Run-a neihah  he thu hi MNF President, Chief Minister ni bawk Zoramthanga chuan a sawi a. Central-ah pawl lian tak pahnih UDA (Congress telna) leh NDA (BJP len berna) a awm thu sawiin, "keini chu Congress telnaa awm chi kan ni lo hrim hrim" a ti.  Zoramthanga chuan "Congress unau ten 'No confidence motion inthlawp ngei tur a ni' tiin ka Bangla rawn luh an tum a. Min tih tir an tum hma khan tih kan lo tum dim diam tawh zawk" a ti a. "Assam Chief Minister pawh Union Home Minister-in a rawn tirh a nih ka ring a, min zawta opposition lam kan thlawp tur thu tlang takin ka hrilh a. Assam Chief Minister chuan absent mai turin min ngen a, Pu C. Lalrosanga kan MP (LS) pawh a nu damlo ICU-a a awm lai ni mahse, tel luiin a thlawptuah a tang a ni," a ti. MNF

#ZabilianZ Aug 11: Mizoram pradesh Congress committee (MPCC) Presidetn Lalsawta'n MNF party chu an party headquarters emaw, Chief Ministers’ office atangin emaw Mizoram mipui hriatah MNF party-in NDA sorkar a thlawp loh thu puangzar turin a ngen.  Congress Bhawan, Golden Hall-ah Political Session-ah he thu hi vawiin khan MPCC President chuan a sawi a. Mizoram MP pahnih - Rajya Sabha MP K. Vanlalvena leh Lok Sabha MP C. Lalrosanga ten BJP kaihhruai NDA sorkar rin tawklohna (No confidence motion) an thlawp avanga lawmawm a tih thu sawiin, MNF party pawh NDA sorkar an thlawp loh thu mipui hriata puangzar turin a ngen a ni.  Lalsawta chuan "Inthlan a hnai a, BJP zawm lo anga Mizo mipui min bum leh mai mai dawn a nih chuan kan tuar nasa tawh, bum tlak kan ni tawh lo" tiin, "1966 a kan tawrhna kha a tawk viau tawh a ni" a ti bawk.  MPCC Treasurer Dr. Lalmalsawma Nghaka pawhin Mizoram MP pahnih ten BJP kaihhruai NDA sorkar rin tawk lohna an thlawp avanga lawmawm a tih

#ZabilianZ Aug 10: Govt. Mizo Higher Secondary School, Aizawl atanga pawl 12 pass chhuak hmasaber (1996-1998 batch) ten naktukah pawl 12 an pass atanga kum 25-na (Silver Jubilee) an lawm dawn. A thawhkhatna chawhma dar 10 aṭanga chawhnu 12:30 thlengin Vanapa Hall-ah Govt. Mizo HSS Annual Sports Closing & GHSS Silver Jubilee an lawm ang a. Govt Mizo GHSS-a batch  hmasaber 1996-1998 batch ami Lalmuansanga leh Dr. Irene Lalruatkimi ten thu an sawi ang a, JH Lallungmuana a zai bawk ang.  Hemi ni vek chawhnu 2 aṭangin Govt Mizo HSS tualah hun an hmang chhunzawm ang a, zanriah an kilho zui nghal ang. Govt Mizo HSS 1st batch ten sum thawhkhawmin an zirtirtute chawimawina leh school tan thilpek hlu tak hlan an tum a ni. 

#ZabilianZ Aug 10: Rajya Sabha MP K. Vanlalvena'n Parliament thutkhawm neih mekah vawiin khan Manipur Zofate thlavang na taka hauhin, Union Home Minister Amit Shah chu "Manipur-a cheng tribal-te Myanmar mi an ni" tia sawiah a puh. Rajya Sabha MP K. Vanlalvena chuan Manipur-a cheng tribal te chu Myanmar mi an nih loh thu Parliament thutkhawmah hian aupuiin, Union Home Minister Amit Shah chu "Manipur-a cheng tribal-te Myanmar mi an ni" tia sawiah a puh a. "Myanmar mi an ni lova, British lo luh hmain kum 200 he ramah hian an lo awm tawh, India Independence hmain rei tak an awm tawh a, Myanmar mi emaw, foreigner emaw an ni lo" a ti. K Vanlalvena chuan Kristian Biak In 300 hal chu Communist ramah pawh thleng ngai lo world record thar a nih thu sawiin, Mizoram MP, Tribal MP a nih thu a aupui a. "North East tlangram hi kan ta a ni a, humhalh turin hlauh kan nei lo" a ti bawk. 

#ZabilianZ Aug 10: Congress party-in Mizoramin state a nih kum 1987 atanga kum 30 chhunga leiba a neih chhoh tlingkhawm leh sorkar laiin kum 5 chhunga leiba a neih belh zat a intluk thuak tawh niin an sawi.  Mizoram pradesh Congress committee (MPCC) hruaitu ten vawiin khan Aizawl Press Club-ah thuthar thehdarhtute kawmin he thu hi an sawi a. "Hetiang khawpa leiba pung chak hian Mizoram sorkar a la awm ngai lo, sum enkawl kawngah MNF sorkar ang em ema hlawhchham leh talbuai Mizoramah an la awm ngai hek lo" an ti.  MPCC hruaitute chuan "The Indian Express chanchinbuin August 1, 2023-a a tarlan danin Mizoram chu state sum thawhchhuah (Gross state domestic product) atanga chhutin India ram state leh Union Terrritory zingah leiba ngah ber a ni" an ti a. Hei hian Chief Minister leh Finance Minister ni bawk Zoramthanga chu sum enkawl thiam a ni lo tih a tarlan rualin, Mizoramin a mamawh chu thusawi thiam ringawt ni lo, sum enkawl thiam hruaitu a ni tih a tarlang niin an sa

#ZabilianZ Aug 10: Lungleia Auto Rickshaw service ten vawiina an sum hmuh zawng zawng chu Manipur buaina tuartu 𝘡𝘰fate tan an hlan dawn a. Pisa kai tur te leh țul leh pawimawh dang tia chhuakvak mipui te pawh mahni lirthei ai ah Auto Rickshaw hmang hram hram turin an ngen.     Lunglei Auto Rickshaw te hmalakna hian thlawp a hlawh viau a, Lunglei HPC Vice Chairman Lawmawma Tochhawng Pisa kai tur pawh Auto Rickshaw hmangin a kal nia thudawn a ni.

#ZabilianZ Aug 08: Larsap Dr Hari Babu Kambhampati-a'n Commerce & Industries Secretary R. Lalramnghaka, Director Florence Zotluangpuii leh hotu dangte kawmin, Larsap chuan kumina Mahatma Gandhi piancham (Gandhi Jayanti) October ni 2-ah Handloom, Handicrafts leh tualchhung kuthnathawktute thil siam dangte tihlarna turin Fair emaw Exhibition emaw buatsaih a rawt.  Larsap chuan state economy tana handloom, handicrafts leh cottage industry dangte a pawimawh thu sawiin, "heng kutchhuakte hian Mahatma Gandhi nen inzawmna nghet tak an nei a ni" a ti a. "India Hnam Pa pianchamphaa Handloom leh handicraft fair buatsaih chu thil tih awm tak a ni" a ti. Larsap chuan Exhibition buatsaihna hmun atan Raj Bhavan a rawt nghal a, kuthnathawktu leh tualchhung entrepreneur te chu he hunah hian an thil siam zuara, phochhuak tura sawmin, hemi pual hian Raj Bhavan pawh mipui tan hawn a nih tur thu a sawi bawk.

#ZabilianZ Aug 08: Mizoram State Disaster Management Authority (SDMA)-in Mizoram State disaster management plan 2023 leh district hrang hrangte disaster plan 2022 te a pawm a. SDMA work plan 2023 leh khuarel chhiatna a thlen palha hmanraw mamawhte leina tur ruahmanna a pawm bawk. Chief Minister Zoramthanga hova vawiina SDMA thukhawm chuan Mizoram hmun hrang hranga khuarel chhiatna thleng meka hmalak dan tur te pawh sawihovin ruahmannate an siam a. He thutkhawma taran a nih danin Tlabung leh a chhehvela tuilian avangin tukin dar 9 thleng khan chhungkaw 252 leh leimin avangin chhungkaw 2, an vaiin chhungkaw 254 te chu hmunhim lama sawnchhuah an ni tawh.  Tuilian leh leimin avanga an chenna in chhuahsan te chen lailawkna tur pawh sorkar ruahmannain Lunglei Bawrhsap leh Tlabung SDO ten an ngaihtuah nghal a. Buhfai, power supply leh inbiakpawhna lamah te harsatna a thlen belh loh na tura hmalak a ni bawk.  Lawngtlai district khawthlang lama tuilian avanga harsatna thleng chungchangah pawh d

#ZabilianZ Aug 08: Aizawl East I bialtu MLA, Chief Minister ni bawk Zoramthanga'n a bial chhung mi Pachhunga University College atanga Mizoram University exam-a M.Sc Life Science Gold Medalist Gracy Lalawmpuii, Zemabawk Vengthar hnenah vawiin khan lawmpuina thuziak leh Laptop a pe. 

#ZabilianZ Aug 07: Mizoram pradesh Congress committee (MPCC) President Lalsawta'n tuna tih tur hmasaber chu Mizoram, Mizo hnam leh Mizo rinna humhim tura thawh a nih thu a sawi. MPCC President chuan vawiin khan Positive Women Network of Mizoram (PWNM) hotute kawmin he thu hi a a sawi a. "Tuna kan tih tur hmasaber chu kan ram, kan hnam leh kan rinna humhim turin keini leh nangni tana kan thawh a hun takzet a, kan tihmakmawh a ni", a ti. Lalsawta chuan "Mihring hi ran ang maia Pathianin a siam kan nih loh avangin kan nun hona kawngah nasa zawka kan harsatna leh inpuih kan ngaihna kawnga tanlakho a tul" a ti a. Harsatna chu tu chungah pawh a tla thei vek tih sawiin, harsatnain a tuai hriam loh mihring chu an chhawr tlak loh niin a sawi. MPCC President chuan "Vanduaina kan chunga a thlenin indawmkan leh inpuihtawn hi Lal Isua min zirtir dan a ni" a ti a. "Harsatna kan tawha vanduai bika inngaihna hian rilru diklo min pe a, kan nih tur ang ni phak lovi

#ZabilianZ Aug 07: MNF thalai President Dr L Thangmawia'n ZPM party-in kalphung thar an zawrh chu innghahna tlak a nih loh zia ZPM party chhungah ngei a lang mek niin a sawi.  MNF party chhung inkhawm, MNF Hnam Run-a neihah vawiin khan he thu hi MNF thalai President chuan a sawi a. ZPM party chu "Lunglei Municipal Council (LMC) leh VC bye election-a hnehna an chan hnu ah sorkar tur thawka thawin, hun rei tak midang tlinlohna aupui hnapui bera an lo neih tawh chu a rah an seng a, an hlim nui ri pawh a reh fel hmain midang aia tha bik anga an infakmawi chawpna chu anmahni chhungkua ngei atangin an lo nih bik loh zia a takin a lang chho ta mek a ni" a ti.  MLA candidate siam pawh inkhualtelemna atana hmangah MNF thalai President chuan ZPM party chu a puh a. "Thla thum em pawh an committee sang thutlukna vawnghim thei lo hian kan ram tana mipui hnena an intiamnate hi kum khat chhung an vawnhim theih mi tam takin an ring tawh lo a ni" a ti.  Mizoram political history

#ZabilianZ Aug 04: Zote Honda chuan zanin khan Honda Dio 125 model thar chu Hyve Aizawl City Hall-ah an tlangzarh a. Infobikes hotupa Muantea'n Honda Dio 125 model thar chu tunlai thiamna sang tak hmanga thuam a nih thu a sawi. Honda Motorcycle & Scooter India (HMSI) chuan Dio 125cc Scooter hi July ni 13, 2023 khan India ramah a tlangzarh tawh a, Mizoramah pawh mipui lei theih tura khuhhawn a ni ve ta a ni. Honda Dio 125cc model thar hi Standard leh Smart te duhthlan tur a awm a. Standard chu Rs. 83,400 (ex-showroom) man a nih laiin, Smart erawh to hretin, Rs. 91,300 (ex-showroom) man a ni thung. Scooter man tlawm, tha bawk si duh tan chuan duhthusam ni tura ngaih a ni. Honda Dio 125-ah hian thil thar hmuh tur a awm nual a, chung zingah chuan LED headlamp chu a langsar pawl a ni awm e. Single-cylinder, air-cooled, fuel-injected engine niin, smart key, digital meter, 171 mm ground clearance, 12-inch front wheel, 2-lid fuel opening system, combi braking leh thil thar dang pawh a

#ZabilianZ Aug 3: Vawiin chhun dar 12 hnu deuh khan Muallungthu ram, Tuirivang lui bulah ruang chhe tawh tak hmuh a ni a, a chin hriat a nih loh avanga Muallungthu khawtlangin July 28, 2023 ațanga an zawn Lallawmsanga (45) ruang ngei nia hriat a ni.  Lallawmsanga hi Tuirivâng lui leh a chhehvela mi huan thlamah te khawsa thin nia sawi a ni a. Tunhnaiah a khawsak thinna ramah hmuh a nih ngai tak loh avang leh a ipte leh thawmhnaw te thlam-ah a awm si avangin July 28, 2023 atang khan Muallungthu khawtlangin an zawng ta a, Muallungthu chhehvela YMA branch hrang hrang ten an zawnpui bawk. Vawiin chhun dar 12 pel tawhah khan a khawsakna thin bulhnai ramah ruang chhe tawh tak, jacket-a inkhuh hmuh a ni a. A hmu hmasatuin a sawi danin a taksa bung hrang te pawh a kim tawh lova, a lu pawh a taksa bulhnai-ah a hranin a awm a, a filh vek tawh a, mi kuttuar a nih leh nih loh lam erawh an hriatthiam mai rih bik loh thu a sawi. Forensic lam mithiam ten ruang hmuhna hmun lam hi an pan mek nia thudaw

#ZabilianZ Aug 02: Aizawl North I bialtu MLA Vanlalhlana'n eirukna laka a fihlim thu sawiin, ram leh hnam hmelma lian ber chu eirukna/corruption a nih thu a sawi. Women's Polytechnic, Aizawl-a fresher social a hmanpuinaah he thu hi vawiin khan Vanlalhlana chuan a sawi a. Zirlaite chu hna an thawh hunah pawh corruption laka an fihlim ngei a beisei thu sawiin, amah ngei pawh corruption laka a fihlim thu leh fihlim zel pawh a tum thu a sawi a ni. Zirlai ten Bus pahnih chauh an neih avanga harsatna an tawh thin thu bialtu MLA hnena an lo thlen chu MLA Vanlalhlana chuan an harsatna sukiang tura theihtawp a chhuahpui tur thuin a chhang bawk. Women's Politechnic, Aizawl-ah hian zirna peng department 4 - Modern office management and practice, Electronics and telecomunication, Garment technology leh Beuty culture and cosmetology te a awm mek a ni. 

#ZabilianZ Aug 02: PC party hruaitute vawiina thukhawmin kumina MLA inthlanpui lo awm tur atan Anti-BJP Alliance din tul an tih thu an sawi. He thutkhawm kaihhruaitu PC party President Vanlalruata chuan India-a sorkarna chelhtu BJP kal dan enin Mizoram, hnam leh sakhaw himna turin India-ah BJP paihthlak tul an tih thu a sawi a. Kumina MLA inthlanpuiah pawh Mizoramah BJP-in MLA an neih loh na tura thawhhona din ṭha an tih thu leh thawhhona a awm chuan tel ngei an tum thu a sawi. PC party hruaitute ṭhukhawm chuan Manipur tualchhung buaina leh Parliament Monsoon Session-a 'Forest Conservation (Amendment) Bill (FCAB) to North East' pass tak bawhzui zel dan tur te an thlirho bawk.

#ZabilianZ Aug 02: Draft electoral roll-a a landanin, Mizorama vote nei mi 838039 zinga 406747 chu mipa niin, hmeichhia 431292 an ni a, mipa aia hmeichhe voter tam zawkna 24545 a ni. Electoral roll ennawn leh tura hman tur draft electoral roll hi vawiin khan district hrang hrangah tlangzarh a ni a. Mizoramah service voter 5021 awmin, an zinga 4932 chu mipa niin, hmeichhia 89 an ni thung. Aizawl district-ah voter 281192 (mipa 131867; hmeichhia 149325) an awm a. Lunglei district-ah voter 98516 (mipa 48841; hmeichhia 49675); Lawngtlai district-ah voter 89749 (mipa 44846; hmeichhia 44903); Mamit district-ah voter 63688 (mipa 32155; hmeichhia 31533); Kolasib district-ah voter 62659 (mipa 30295; hmeichhia 32364); Champhai district-ah voter 56438 (mipa 27560; hmeichhia 28878); Saitual district-ah voter 55100 (mipa 27326; hmeichhia 27774); Serchhip district-ah voter 53813 (mipa 26118; hmeichhia 27695); Siaha district-ah voter 43569 (mipa 21192; hmeichhia 22377); Khawzawl district-ah voter 1744

#ZabilianZ Aug 2: ZPM Political Affairs Committee-a Secretary Phairothanga'n tukin khan ZPM President Lalliansawta hnenah ZPM primary member a nihna atanga banna a thehlut. A banna lehkhaah hnam/chi bil politics chawknung zawngin ZPM-in hma a la nia tarlangin, hei hi țha a tih loh thu leh HPC nena inremna siam pawh ram tan tha a tih loh thu te a tarlang. Phairothanga hi ZPM a din tirha General Secretary an ruat hmasak mi 6 zinga tel a ni a, kum 2018-a MLA inthlanpuiah khan ZPM thlawpin independent in South Tuipui bialah a lo ding tawh bawk. A ni bakah hian ZPM PAC member Zosangliana leh Adviser pakhatin banna an thehlut bawk a ni.