Mizoramah voter 838039 - mipa aiin hmeichhe voter 24545-in an tam zawk
#ZabilianZ Aug 02: Draft electoral roll-a a landanin, Mizorama vote nei mi 838039 zinga 406747 chu mipa niin, hmeichhia 431292 an ni a, mipa aia hmeichhe voter tam zawkna 24545 a ni.
Electoral roll ennawn leh tura hman tur draft electoral roll hi vawiin khan district hrang hrangah tlangzarh a ni a. Mizoramah service voter 5021 awmin, an zinga 4932 chu mipa niin, hmeichhia 89 an ni thung.
Aizawl district-ah voter 281192 (mipa 131867; hmeichhia 149325) an awm a.
Lunglei district-ah voter 98516 (mipa 48841; hmeichhia 49675);
Lawngtlai district-ah voter 89749 (mipa 44846; hmeichhia 44903);
Mamit district-ah voter 63688 (mipa 32155; hmeichhia 31533);
Kolasib district-ah voter 62659 (mipa 30295; hmeichhia 32364);
Champhai district-ah voter 56438 (mipa 27560; hmeichhia 28878);
Saitual district-ah voter 55100 (mipa 27326; hmeichhia 27774);
Serchhip district-ah voter 53813 (mipa 26118; hmeichhia 27695);
Siaha district-ah voter 43569 (mipa 21192; hmeichhia 22377);
Khawzawl district-ah voter 17440 (mipa 8690; hmeichhia 8750);
Hnahthial district-ah voter 15875 (mipa 7857; hmeichhia 8018) an awm.
Electoral roll ennawn turah hian October ni 1, 2023-a kum 18 tling tur, India khua leh tui te chu electoral roll-a thun theih an ni dawn a. Tun thla ni 31 thlengin electoral roll-a hming thunluh ngai, paih ngai leh siamthat ngaite tan dilna hun hawn a ni ang a, dilna lutte chu September ni 22, 2023 ral hmaa chinfel hman tura ruahman niin, October ni 4, 2023 ah final electoral roll tlangzarh hman tura ruahman a ni.
Comments
Post a Comment