Kum 30 chhunga leiba tlingkhawm leh sorkar kal mekin a bat belh zat a intluk thuak tawh :MPCC


#ZabilianZ Aug 10: Congress party-in Mizoramin state a nih kum 1987 atanga kum 30 chhunga leiba a neih chhoh tlingkhawm leh sorkar laiin kum 5 chhunga leiba a neih belh zat a intluk thuak tawh niin an sawi. 

Mizoram pradesh Congress committee (MPCC) hruaitu ten vawiin khan Aizawl Press Club-ah thuthar thehdarhtute kawmin he thu hi an sawi a. "Hetiang khawpa leiba pung chak hian Mizoram sorkar a la awm ngai lo, sum enkawl kawngah MNF sorkar ang em ema hlawhchham leh talbuai Mizoramah an la awm ngai hek lo" an ti. 

MPCC hruaitute chuan "The Indian Express chanchinbuin August 1, 2023-a a tarlan danin Mizoram chu state sum thawhchhuah (Gross state domestic product) atanga chhutin India ram state leh Union Terrritory zingah leiba ngah ber a ni" an ti a. Hei hian Chief Minister leh Finance Minister ni bawk Zoramthanga chu sum enkawl thiam a ni lo tih a tarlan rualin, Mizoramin a mamawh chu thusawi thiam ringawt ni lo, sum enkawl thiam hruaitu a ni tih a tarlang niin an sawi.

Leiba rulhna atana leiba dang insiam belh zelah sorkar chu puhin, "Mizoram hi MNF sorkar hnuaiah leiba thang (debt trap) ah a tang mek" an ti a. Sorkar lo awm leh tur tan pawha rulh huphurhawm leh chet tiharsa tham leiba an hnutchhiat ngei dawn niin an sawi. 

Congress party hruaitute chuan kumin budget-a Mizoram leibat tur zat nia chhut chu Rs. vbc 13557.32 a nih thu sawiin, kumina Mizorama mihring awm zat tura chhut 13,70, 000 atanga chhutin nau piang hlim pawhin Rs. 98,958 leiba nei ang an nih thu an sawi a. Sorkar kal mekin budget-a leiba zat tura chhutlawk aia tam kumtin leiba a nei ziah nia sawiin, "nausen piang hlim atanga puitling leibat zat hi a tak takah chuan hei aia tam a ni ang" an ti.

Sorkar kal mekah rorellai party lamah MLA fel tak tak awm mahse, a lu ber Chief Minister enkawlna hnuaiah thil tha lo an hriat pawh an dodal ngam chuang lo niin MPCC hruaitute chuan an sawi a. "An mit hmuh lai ngeiin Mizoram chu leiba thangah a tang ta mek a ni" an ti bawk.

Comments

Post a Comment

Popular posts from this blog

Lengpui-ah Myanmar Sipai thlawhna chesual

Image
#ZabilianZ Jan 23: Myanmar sipai, Mizorama tlanchhiate rawn hruai tur Myanmar Sipai thlawhna chu vawiin khan Lengpui Airport ah a chesual a, nunna chan an awm lo. Thudawnnain a sawi danin, pilot leh thawktu dang mi 14  chuanna Myanmar sipai thlawhna hi a rawn țum hnu lawkah runway-a a tlan laiin a kawi thut a, a tlan liam ta a ni.  Myanmar sipai thlawhna chesualah hian nunna chan an awm lova, hliam na deuh mi 4 leh hliam na vak lo mi 4 te chu Lengpui damdawi in panpui an nih thu thudawnna chuan a sawi bawk.
Read more

MNF leh Congress Candidate intawm atan Lalrinfeli - chhinchhiahna atan mipa leh hmeichhe inkai

Image
#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi
Read more

RO hmaah Lalramdingngheti koh a ni - ngaihdam dilin thupha a chawi

Image
#ZabilianZ Nov 03: Mamit biala Independent Candidate Lalramdingngheti chu tunhnaia video viral chungchangah Returning Officer V.L. Remliana hma-a insawifiah tura koh niin, nimin tlai khan RO office-ah a inlan. Lalramdingngheti hi Bru hnamte hnena a thusawi chungchangah hnam leh hnam inkara inunauna tichhe thei zawnga ngaih theih a awm avang leh Model Code of Conduct bawhchhiat theihna a nih avangin November ni 4, 2023 hma ngeia insawifiah tura koh a ni a. Nimin tlai lamah khan RO chu hmuin a thusawi chungchangah a insawifiah a ni. Bru hnam zinga a thusawi chu chi leh chi, hnam leh hnam inkara inhmelmakna leh inunauna tichhe tur lam hawi zawng a sawi a nih loh thu Lalramdingngheti chuan sawiin, Pathianin Bru hnam te hnenah Israel thlahte an nihna hrilhhre tura a tih a hrilhna lamah sawi loh tur a lo sawi tel palh niin a sawi a. RO hnenah hian ngaihdam dilin, thupha a chawi bawk. Mamit bial RO V.L Remliana chuan tunhnuah hnam thila inlaichinna tichhe thei zawnga thu sawi tawhlo turin Lal
Read more