ZabilianZ

#ZabilianZ Dec 01: MLA inthlan vote chhiar turin district tin an inpeih fel ta a, Election Commission-in a ruahman ang chuan December 3, 2023 zing dar 8 atangin vote chhiar tan a ni ang. Aizawl-ah chuan Bawrhsap Pisa-ah Aizawl North-II, Aizawl North-III, Aizawl East-I, Aizawl East-II, Aizawl West-I leh Aizawl West-II biala vote tla te chhiar a ni ang a. Assembly Annexe Sectt. basement-ah Tuivawl, Aizawl North-I, Aizawl South-II leh Aizawl South-III biala vote tla te chhiar tur niin, Govt. Aizawl College, Sikulpuikawn-ah Aizawl West-III leh Aizawl South-I biala vote tla chhiar a ni ang. Mizorama MLA bial leh candidate te : 1-HACHHEK Malsawmtluanga - BJP Lalrindika Ralte - INC Robert Romawia Royte - MNF KJ Lalbiakngheta - ZPM 2-DAMPA Vanlalhmuaka - BJP Lalhmingthanga Sailo - INC Lalrintluanga Sailo - MNF Vanlalsailova - ZPM Lalramdingngheti - IND 3-MAMIT Lalrinliana Sailo - BJP K. Lalthanzama - INC H. Lalzirliana - MNF H. Zorempuia - ZPM Lalramdingngheti - IND 4-TUIRIAL F. Vanhmingthanga...

#ZabilianZ Dec 01: Presbyterian Kohhran, Dawrpui, Aizawl puihnaa sak, Saipum Hmar veng Kohhran Biak In chu nimin khan Sakawrhmuituai Presbytery Moderator Upa VL Tluanga'n Pathian hnenah hlanin a hawng a. Biak In thar hawnna hi Dawrpui Kohhran atangin zaipawl bakah kohhran mi engemawzatin an telpui. Saipum Hmar veng Kohhran Biak In thar sakna atan hian Dawrpui Kohhran-in Rs. 48,46,000 bakah hnatlang tha leh bungrua engemawzat an tum a. Saipum Hmar veng Kohhran sum Rs. 1,97,912 nen a vaiin Rs. 50,57,972 senga sak a ni a. A dung ft. 60, a vang ft. 30 niin nikum June thla atanga sak tan kha a ni. Biak In thar hawnna inkhawm N. Hlimen bialtu Pastor Rev. H. Lalsanglura kaihhruaiah hian Biak In thar neitu Kohhran zaipawl leh Dawrpui Kohhran zaipawl te an zai a. Dawrpui Kohhran, Dawrpui KTP leh Dawrpui Kohhran Pavalai Pawl ten Biak In thar lawmpuina thilpek an hlan a, tlai-ah Dawrpui Kohhranin Biak In thar lawmna ruai an buatsaihsak an kilho bawk. Dawrpui Kohhranin Saipum Hmar veng Kohhran...

#ZabilianZ Nov 30:  Mizorama tlawmngai pawl hrang hrang intelkhawmna NGO Coordination Committee vawiin tlaia thukhawmin MLA inthlan vote chhiar ni tura ruat sawn tura an ngenna tun thlenga Election Commission of India-in a la chhan loh avangin naktukah 'Kristian ni serh humhalhna punkhawm' an huaihawt dawn. NGO Coordination Committee-in a ruahman dan chuan punkhawm hi Mizoram pumah neih tur a ni a, Aizawlah chuan chawhma dar 11-ah Raj Bhavan hmarlam gate-ah hun hman a ni ang a, hemi rual hian district headquarters tinah pawh punkhawm hi huaihawt tura ruahman a ni. 

  #ZabilianZ Nov 30: SVEEP (Systematic Voters’ Education and Electoral Participation), Aizawl district-in Mizoram MLA inthlan vote thlak zawh takah vote a tlak that theihna tur leh voter ten duhthlanna dik an siam theihna tura SVEEP thupui behchhana Editorial ziak tha Aizawl district-a chanchinbu te hnenah lawmman a hlan. Aizawl Bawrhsap, District Election Officer ni bawk Nazuk Kumar-i'n October ni 16 atanga November ni 7, 2023 inkar chhunga SVEEP thupui 'Greater Participation for Stronger Democracy' leh a thil tum zulzuia Editorial ziak tha pathum te hnenah vawiin khan lawmman hi a hlan a. Virthli, Vanglaini leh The Aizawl Post ten lawmpuina thuziak leh R. 5,000 theuh an dawng a ni. Aizawl Bawrhsap chuan Mizo mipuite chu dan zah leh ngaihpawimawh nachang hre ber te zing ami nia a hriat thu sawiin, press mite pawhin hemi atan hian hna pawimawh tak an thawk tih a hriatpui thu a sawi a. MLA inthlan vote thlak zawh taka thuthar thehdarhtute hnathawh danah lawmthu sawiin, sorka...

#ZabilianZ Nov 30: Lalram Thanga leh Lalmalsawme (fam) te lehkhabu ziah MIZORAM SAVATE (Mizoram Birds Illustrated) chu vawiin khan Chief Secretary Dr Renu Sharma-i'n a tlangzarh. Lehkhabu tharah hian Mizorama sava chi hrang 275, a lem nena an ziah a awm a. Mizorama sava zirna hmasaber neih a nih dan te, sava hriat chian leh chhinchhiah dan te leh sava zir tura tih tur leh tih theih te tarlan a ni. Chief Wildlife Warden Conference Hall, New Secretariat Complex, Khatla, Aizawla MIZORAM SAVATE (Mizoram Birds Illustrated) tlangzarh a nih rual hian Lalram Thanga kutchhuak sava leh ramsa lem thinga ker 50 chuang phochhuah pawh PCCF/Principal Secretary, EF&CC Department, RS Sinha-a’n a hawng a. Wildlife Wood Curving Exhibition hi naktuk (December 1) thlengin a duh apiang tan tlawh theih a ni ang. Lehkhabu ziaktu leh ramsa leh sava lem kertu Lalram Thanga'n an lehkhabu buatsaih dan sawiin, a \hianpa Lalmalsawma’n an zawh hmaa a boralsan thut avanga harsatna an tawh dan te a sawi a....

#ZabilianZ Nov 30: Mizo zinga Art huang atanga Padma Shri dawng thei hmasaber leh a awmchhun la ni KC Runremsangi hnenah ICFAI University, Mizoram-in vawiin khan Doctor of Letters (D.Litt. Honoris Causa) a pe a. ICFAI University, Mizoramin Doctorate degree a pek hmasakber a ni. ICFAI University, Mizoram hian vawiin khan Convocation vawi 11-na an hmang a, convocation hmanpuitu Larsap, Dr Hari Babu Kambhampati, Visitor of ICFAI Univerity Mizoram ni bawk leh Aeronautical Society of India President Dr. G. Satheesh Reddy ten ICFAI University, Mizoram-in KC Runremsangi hnena Doctor of Letters (D.Litt. Honoris Causa) an pek chu an hlan. KC Runremsangi hi Mizo pipu zai leh Mizo hnam lam lama a thawhhlawk avangin Art huang atanga Padma Shri dawng tura thlan a ni a, kumin April ni 5 khan President Droupadi Murmu kut atangin he chawimaina hi a dawng a ni.

#ZabilianZ Nov 29: Larsap Dr Hari Babu Kambhampati-a'n Indian Armed Forces atanga India rama Woman Aide-De-Camp (ADC) hmasaber atan Sqn. Leader Manisha Padhi, 2015 batch Indian Air Force officer a ruat. Larsap chuan a ADC pahnih zinga pakhat zawk atana hmeichhe Air Force officer a ruat chungchang chu sawiin "He hna pawimawh tak thawk tura hmeichhe officer a tling chu thil chhinchhiah tlak a ni mai lova, hmeichhia ten mipa te chauh tih theih anga mipui nawlpuiin an ngaih thin, hmuh theih loh indaidanna bang su chhiain kawng hrang hrangah an hlawhtling thei a ni tih tilangtu a ni" a ti. Sqn. Leader Manisha Padhi hian vawiin khan a hna hi a zawm nghal a. He hna a thawh hma hian - Air Force Station, Bidar, Air Force Station, Pune leh Air Force Station, Bhatinda-ah te a lo thawk tawh a ni.

#ZabilianZ Nov 28: Kolasib Bawrhsap John LT Sanga hova District urban development officer, Kolasib town Jt. VC association, Kolasib Sub-Hqrs. YMA, Sub-Hqrs. MHIP, District MJA leh ZOOM Kolasib aiawhte vawiina thukhawmin Krismas leh Kumthar vuakvet atan Kolasib-a kawn leh hmun remchang lai incheisiak buatsaih an rel. Kawn cheia innelna chu VC-te kaihhruaina hnuaia kalpui tura relin, VC-te chu hemi chungchanga hma la tura ngenna lehkha pek ni se, an ti a. Kolasib district-a Civil sub-division-ah te pawh veng/kawn chei an duh a nih chuan SDO (Civil) te kaihhruaina hnuaiah kalpui ni se, an ti. Bawrhsap hova thukhawm chuan Kolasib khawpuia kawn/veng chei te Sub-Deputy Commissioner Dr Lalramdintluanga kaihhruaina hnuaia endik turin ZOOM Kolasib an ruat a, endik hun atan December ni 23, 2023 zan an ruat nghalin, result puan leh lawmman sem hun chu Bawrhsap kutah an dah thung. Kolasib Bawrhsap John LT Sanga chuan Kristiante hunpui Krismas leh Kumthar vuakveta in leh khawlai chei chu hunpui bor...

#ZabilianZ Nov 28: National Highway-54 zauh leh siamthat hnathawh mekah Serchhip district-a zangnadawmna la tawh, mahni In la thiat si lo te chu vawiin khan Executive Magistrate kaihhruaina hnuaia endik a nih hnuin, in pakhat thiahsak a ni. NH-54 kawngpui laih mekah Serchhip district huam chhunga sorkarin ram a lak fel tawh, dan anga zangnadawmna (compensation) leh rehabilitation and resettlement sum dawng tawh te zingah in la thiat duh lo lui te chu kumin July leh August thla khan Magistrate ten an in-ah ngei kalchilhin an in te thiat tura thu an pek bakah tun thla ni 22 November khan Serchhip Bawrhsap David Lalthantluanga, Competent Authority for Land Acquisition (CALA)-in a hmunah tlawhin an thiah loh chhan te a endik bawk. Hemi hnu hian In la thiat lo an awm avangin vawiin khan Executive Magistrate Lalhruailiana Zote leh Dr. Albert Vanlalruata bakah Serchhip SDPO PB. Singh ten in la thiat lo te chu tlawh lehin, Chhingchhip Venghlun-a Lalthuthlunga Hnamte chuan an In a la thiah loh ...

#ZabilianZ Nov 27: Amòbyuh CH (Maubawk), Siaha district-a cheng, kum 60 mi B Remchhingpuii chu vawiin tlai thimhlim vel khan a pasal kum 51 mi N. Hnemsanga'n a vithlum nia thudawn a ni. Siaha Police atanga thudawn danin pawikhawihtua puh N. Hnemsanga hi Police kutah a awm tawh a. He thil thlenga pawikhawihtu an umzuina lamah pawikhawihtua puh chu Police kutah a inpe niin an sawi. B Remchhingpuii leh a pasal N. Hnemsanga te hian fa an nei lo niin thudawnna pakhat chuan a sawi a. Vawiin tlai khan an inhnial buai deuh a, an inhnial chhan tak erawh chianga sawi theih a nih loh thu sawiin, B Remchhingpuii Vawk chaw chhum vil lai chu a hnung lam atangin a pasal chuan a nak-ah a vit ta mai niin thudawnna chuan a sawi. N. Hnemsanga'n a nupui a vihna hmuamhma atanga a lan danin a chemte hman a lian angreng viau nia sawiin, a nupui a vih hnu chuan tlan chhuak nghalin Police kutah a inpe niin thudawnna chuan a sawi bawk.

#ZabilianZ Nov 27: Rajya Sabha MP K. Vanlalvena leh MZP President H Lalthianghlima ten vawiin khan Union Minister of State for Minority Affairs John Barla hmuin, Mizo zirlai tam tak retheihna avanga zirna sang zawk chhunzawm thei lo an tam thu leh Mizoramah zirlaite tan hostel tam zawk mamawh a nih thu an thlen. Rajya Sabha MP leh MZP President chuan PMJVK scheme kaltlanga nasa zawka zirlaite harsatna sukiang tura pui tur pawhin Union Minister of State chu an ngen a. Mizo zirlaite thiamna leh theihna haichhuah a nih zel theihna tur leh zirnaa hma an sawn theihna tura an harsatnate sukiang tura hma la tur te in an ngen bawk. MZP President hi NGO Co-ordination Committee hminga Mizoram inthlanpui vote chhiar hun sawn tura ngen tura, Election Commission of India dawr turin NGO Co-ordination Committee hruaitu dang te nen Delhi-ah an cham mek a ni.

#ZabilianZ Nov 27: Mizoram State Council for Child Welfare (MSCCW)-in vawiin khan P.C. Girls School–ah National painting competition a buatsaih a, tuntum hi MSCCW-in National painting competition a buatsaih vawi 14-na a ni. He inelnaa tel naupang 100 chuang te chu Group 4 - Green group kum 5-9 inkar, White group kum 10-16 inkar leh Vohbik naupang te Red leh Yellow group-ah te then an ni a. Green group -ah Lalmuanzuali Ralte, English Congregation School pakhatna a ni a, White group-ah Srishti Dole Roy, Mary Mount school pakhatna niin, Red group-ah Ruth Malsawmdawngi, Gilead Special School pakhatna a ni. Group tina mi pakhat zel hnenah Honourable Mention pek a ni bawk. He inelnaa pakhatna atanga pathumna te lemziak chu Indian Council for Child Welfare, N. Delhi-ah thawn a ni ang a, state danga inelnaa a tithate lemziak nen endik tur niin, chuta a tithate hnenah chuan N. Delhi-ah lawmman sem a ni ang a, lawmman dawng tura Delhi an kal leh haw na tumsak an nih bakah kum 18 an tlin thlengin...

#ZabilianZ Nov 26: Presbyterian Kohhran, Chanmari, Aizawl-in vawiin chawhma inkhawmah khan an kohhran member pahnih - Kum sul liam hnu kan nun ngaih lai tho leh thin (KHB No. 121) phuahtu, kum 86 mi Pu C. Lalkhawliana leh Khawvel thim en tura chu (KHB No. 129) phuahtu, kum 93 mi Pu Thandanga te chawimawina hun hmangin, chawimawina thuziak leh Rs. 5,000 ve ve an hlan a, an hla phuahte kohhran mipui ten an sa ho bawk. Pu Thandanga hi taksa chaklohna avangin he inkhawmah hian a tel thei lova, KHB No. 129-na a phuah dan leh lawmthu a sawina record play a ni. Pu C. Lalkhawliana pawhin kohhran mipuite hmaah KHB No. 121-na a phuah dan chanchin a sawi a ni. Pu C. Lalkhawliana hi MJA president lo ni tawh leh Mizorama saptawng chanchinbu hmasaber Highlander Editor ni mek a ni bawk.

#ZabilianZ Nov 26: Mizoram Baptist Kohhran – Area Baptist Council (ABC) inkhawmpui neih mekah vawiin chawhma inkhawmah khan ABC hrang hrangah Kohhran upa tan mi 206 nemngheh an ni. ABC inkhawmpui hi November ni 24 atang khan ABC 17 ah neih tan niin, zanin hian an tiak ang. Nimin khan rorel inkhawm neih a ni a, vawiin chawhnu inkhawmah Lalpa zanriah (Sacrament) an kilho ang. 

#ZabilianZ Nov 25: Mizoram-a state level sports association 33 te inhlawmkhawmna pawl United Sports Association of Mizoram (USAM) chuan vawiin khan Hawla Indoor Stadium, Republic Vengthlang-ah kum 2023-2025 chhunga an hruaitu tur (Office Bearers) an thlang a, heng mite hi an thlangchhuak : President : VL Sawma, Mizoram Amateur Taekwondo Assn, Electric Veng, Aizawl Sr. Vice President : PC Vanlalhruaia, Mizoram Football Assn, Ramthar tlang veng, Aizawl Vice President : C. Lalrinzuala, Mizoram Table Tennis Assn, Mission Vengthlang, Aizawl Gen. Secretary : Lalduhkima Sailo, Athletics Assn. of Mizoram, Mission Vengthlang, Aizawl Jt. Secretary : C Lalrokhuma, Mizoram Volleyball Assn, Electric Veng, Aizawl Treasurer : KL Vanlalruali, Mizoram Snooker & Billiards Assn, Mission Veng, Aizawl Fin. Secretary : R. Lalmuanawma, Aquatics Assn. of Mizoram, Model Veng, Aizawl USAM hi kum 2004 a din niin, Mizorama Sports Association hrang hrang ten harsatna an tawh buaipui ngai te buaipuiin, Mizorami...

#ZabilianZ Nov 21: Mizoram sorkar thar lakluh dan tur ngaihtuahin vawiin khan Chief Secretary Dr Renu Sharma hovin a kaihhnawih mipawimawhte an thukhawm. Sorkar thuchhuahin a tarlan danin sorkar thar chu December ni 6 leh December ni 15 inkarah lakluh beisei a ni a. Sorkar thar lakluh a nih hnu ah Kirmas hma ngeiin Mizoram Legislative Assembly 9-na thutkhawm hmasaber neih beisei a ni. Chief Secretary chuan swearing-in-ceremony chu programme pawimawh tak a nih avangin he thilah chanpual leh mawhphurna nei department ten an tih tur an chian bakah an mawhphurhna te tha tak leh zo taka an hlen chhuah a tul thu a sawi a. Department aiawhte chu a tha thei ang bera inbuatsaiha, ruahmanna siam turin a ngen. 

#ZabilianZ Nov 15: Tun thlan ni 13-a chatuan ram pan ta Lakher Pioneer Missionary hnuhnungber Pi Violet Louise Annie Mark (Pi Vaili) chu vawiin khan a pian leh seilenna, Siaha district-a Serkawr (Saikao)-ah ropui taka vui a ni. Pi Vaili hi Lakher Pioneer Missionary hmasaber Reginald Arthur Lorrain (R.A. Lorrain) leh Moud Louise Lorrain te fanu Louise Marguerite Tlôsaih Lorrain leh Albert Bruce Lorrain Foxall (A.B. Lorrain) te fanu neihchhun niin, kum 1938 April 16-ah Lorrainville, Serkawr-ah a piang-a, a pu Rev. R.A. Lorrain hi Mizorama chanchintha thlentu hmasa Pu Buanga (Rev. JH Lorrain) nau a ni. R.A. Lorrain khan kum 1905-ah Lakher Pioneer Mission chu London-ah a din a, a nupui nen Mara mi te hnena chanchintha hril turin kum 1907-ah Serkawr an thleng. An tunu Violet Louise Annie kum 6 mi lek a nih lai kum 1944-ah Rev. RA. Lorrain chuan chatuan ram a pan a, a nupui Moud Louise Lorrain pawh kum 1960-ah a boral ve leh a, an nupa hian Serkawr-ah ve ve phum an ni. Kum 1967-ah a pu (a nu...

#ZabilianZ Nov 14: Myanmar rama mipui tangrual pawl ten Rihkhawdar leh Khawmawi-a sipai camp an lak hnua Myanmar sipai Mizoram lama tlanlut te chu Hnahlan aţangin Indian Air Force (IAF) helicopter hmanga Myanmar lama hruai haw an ni. Thudawnnain a sawi danin, Myanmar sipai te hi nimin lamah mi 39 chu Zokhawthar Police Station atangin, Champhai-ah hruai an ni a, vawiin lamah mi 3 an lo lut leh bawk. Ministry of Home Affairs-in India ram lama Myanmar sipai lo lut te chu an kuta dah turin Mizoram sorkar a rawn hriattir a, Assam Rifles kuta hlan an nih hnuah vawiin vek khan IAF Helicopter hmangin Myanmar lama hruai haw an nih thu thudawnna chuan a sawi. Myanmar ram buaina kal zelah nimin khan mipui tangrual te chuan Rihkhawdar leh Khawmawi-a Myanmar sipai camp chu an la a, Myanmar sipai 42-te chu India ram lam Mizoram-ah tlanlutin, Zokhawthar-ah lo man an ni. Nimina Myanmar lama thil thleng avang hian Khawmawi, Rihkhawdar leh a chheh vel khua aţangin mi 5000 chuang chu Mizoram lamah raltla...

#ZabilianZ Nov 11: ZMC Faculty Doctors Association (ZFDA)-in nimin khan conference hmasaber an hmang a. Mizoram University Vice Chancellor Prof Dibakar Chandra Deka-a'n a hmanpui a. Conference hi kumtina hman chhoh an tum. ZFDA annual conference hmasaber hmanpuitu Prof Dibakar Chandra Deka chuan ram hmasawnna atana discpline hrang hrang thawhhona a pawimawh zia te a sawi a. ZMC faculty te chu Mizoramin hriselna lama hma a sawn zel theihna tur leh MBBS zirlaite doctor tha tak an lo nih theih na tura theihtawp chhuah zel turin a chah. ZFDA chuan an conference-ah hian ZMC a din theihna tur leh a hmasawnna tura thawhhlawk tak tak te - ZMC Director hlui Prof L. Fimate, ZMC Director Dr. John Zohmingthanga leh Registrar Dr. Jane R. Ralte te hnenah chawimawina an hlan a. Kum 2023-2025 chhunga an hruaitu tur pawh thlang nghalin - Dr. Lalrinfela, Dr. Benjamin Lalrinpuia, Dr. C. Vankhuma, Dr. Samuel Lalhruaizela Vuite, Dr. Zothansangi leh Dr. Betty Laldintluangi te an thlang a, hruaitu thlan ...

#ZabilianZ Nov 10: Mizo Academy of Letters, Joint Hqrs, Lunglei-in an Golden Jubilee Souvenir atana an buatsaih -Fin Khawm- tih lehkhabu chu vawiin khan Lunglei Municipal Council Chairman Lalzuithanga Khiangte-in a tlangzarh. DRO Pisa Hulhliap, Bazar Veng, Lunglei-a lehkabu tlangarh inkhawmah LMC Chairman chuan MAL Joint Hqrs, Lunglei lehkhabu buatsaih chu Mizo literature hmasawnna leh changtlunna kawngah te, Mizo tawngkauchheh humhalh leh chawilar kawngah te, Mizo tawng tih hausak leh hmasawn kawngah te bakah Mizo zia leh nihphung vawnnun kawngah te tangkai tak ni tura a duh thu a sawi. LMC Chairman chuan MAL-in kum 1989 atanga Book of the year an thlan thin pawhin lehkhabu thar a cho chhuak thin niin a sawi. Mizo tawng humhalh kawnga hmalaknaah mipuiin an ngaipawimawh lovin an phur tawk lo thin nia sawiin, Mizo tawng humhalh leh venhim kawngah tan la thara MAL te hmalakna tawiawm theuh turin mipuite a sawm. LMC chungchang sawiin, LMC Chairman chuan LMC-in hna a thawh theihna turin ta...

#ZabilianZ Nov 10: 148 Bn. BSF-a Head Contable, Pakistan sniper-in an kahhlum tak Lalfamkima, Durtlang North ruang chu vawiinah Aizawl rawn thlenpui a ni dawn. Ram tana nun hlantu, kum 50 mi Lalfamkima hi India leh Pakistan inrinaa a duty laiin tun thla ni 8 zan khan Pakistan sniper-in an kap a, damdawi in panpui a nih hnu ah a boral. Lalfamkima ruang hi BSF te leh a chhung te bakah Durtlang North YMA ten Lengpui thlawhna tumhmunah an lo hmuak dawn a. Ram tana nun a hlan avanga an zahna lantirna atan Durtlang North khawtlang chuan zaninah lumenin, naktuka vui chauh turin ruahmanna an siam. Ram tana nun hlantu Lalfamkima hian a nupui F Lalzarliani leh a fa te mipa 1 leh hmeichhe 2 a kalsan a ni.

#ZabilianZ Nov 09: Aizawl District Election Officer (DEO)-in naktuka Muallungthu polling station-a vote thlak thatna tura duty turin polling party hran hlak a ruat ten vawiin tlai dar 3 khan an duty na tur hmun an pan. Chief Electoral Officer (CEO) office thuchhuahin a tarlan danin, Muallungthu polling station-a vote thlak thatna tura duty tur polling party te hian vawiin tlai dar 3 khan Aizawl Bawrhsap Pisa chhuahsanin, dar 3:40-ah an duty na tur Muallungthu community hall an thleng a ni. Commissioner & Secretary GAD chuan danin thuneihna a pek hmangin, Muallungthu polling station-a vote nei sorkar hnathawk ten vote an thlak theihna turin an tan chawlh a puang a. Commissioner, Excise & Narcotics deptt. pawhin vawiin tlai dar 4 atanga naktuk tlai dar 4 thlengin Muallungthu polling station awmna bial Aizawl South III huam chhungah zu khap burna Dry Day puangin, he thupek hian Military canteen pawh a huam tel thu leh zu zawrh, hralh chhuah leh in khap tlat a nih thu a tarlang. Ai...

#ZabilianZ Nov 09: Mizoram State Legal Services Authority leh High Court Legal Services Committee, Gauhati High Court tangkawpin vawiin khan Legal Services Day hmangin, legal services provider ti tha te hnenah chawimawina thilpek an hlan a, he ni denchhen hian faina hnatlang an nei bawk. Community Para Legal Volunteer (Community PLV) ti tha ber Best Community PLV chu HL Biakmawia, Rengdil, Mamit district niin, Best Student PLV David Malsawmtluanga, Govt. Mizoram Law College a ni a. Best Panel Lawyer in Magistrate Triable Cases (Civil & Criminal) H. Vanlallawmzuala, Advocate, Aizawl niin, Best Panel Lawyer in Sessions Triable Cases (Civil & Criminal) chu K. Laldinliana, Advocate, Aizawl a ni. India sorkarin 'The Legal Services Authorities Act, 1987 a pass chu kum 1995, November ni 9 ah hman hman tan a ni a. He dan hman tan ni hi Legal Services Day atana hman thin niin, kumtin mipuite hnena dan chungchang zirtirna leh khawtlang tana tangkai tur zawnga hman thin a ni. Tuntumah...

#ZabilianZ Nov 09: MLA inthlan vote thlak zawh tak thlirleta ZPM Elected Office Bearer te vawiina thukhawmin boruak tha tak hnuaia inthlan vote thlak a nih avanga lawmawm an tih thu an sawi a. Sorkarna siam pha ngei tura an inngaih thu an sawi. ZPM party hruaitute chan inthlan buatsaihtu leh buaipuitute, venhimna lam buaipuitute, inthlanna thianghlim, dik leh felfai a awm theihna tur leh sorkar inrelbawlna tha a awm theihna tura Mizoram People Forum (MPF) hmalaknaah te lawmthu an sawi a. "Inthlanna muanawm leh boruak tha tak min petu Pathian leh thehnemngaia vote thlaktu Zoram mipui zawng zawng chungah lawmthu kan sawi" an ti. Zoram hmun hrang hranga an party hruaitute thawhrimnaah lawmthu an sawi a. "Kalphung thar, mipui sorkar a pian ngei theihna atana ZPM candidate min vote puitu zawng zawngte chungah lawmthu kan sawi" an ti bawk. 

#ZabilianZ Nov 08: Aizawl South III biala Muallungthu polling station-ah thil felhlel a awm avangin November ni 10, 2023-ah vote thlak that a ni dawn. CEO thuchhuahin a tarlan danin, polling official te document pawimawh hrang hrang endikna post poll scrutiny vawiina neihah Muallungthu polling station-ah thil felhlel a awm tih hriat a ni a. He polling station-ah hian vote thlak tan hmaa vote thlakna khawl te a that leh that loh enchhinna atana vote thlak chhin (mock poll)-a vote tla te chu paih lova mipui te vote thlak chhunzawm tir an ni. Election lama thuneitu te an inrawnkhawm hnu ah dan tlawhchhanin hemi chungchang leh Muallungthu polling station-a vote thlak that rawtna Election Commission of India (ECI)-ah an thlen a. ECI chuan rawtna pawmin dan tlawhchhan vekin Muallungthu polling station-a vote thlak that hun atan November ni 10, 2023 zing dar 7 atanga tlai dar 4 a rawn ruat ta tih CEO thuchhuah chuan a tarlang a. Tun atanga vote thlak that zawh a nih thlengin 'silent perio...

#ZabilianZ Nov 8: Rorellai party MLA-in harsatna liantham awm lova MLA inthlan vote thlak zawh fel a nih avanga lawmawm an tih thu an sawi. Candidate leh an tana thawktute pawh buaina leh harsatna liantham tawk an awm lo nia an hriat avang te, inthlan buaipuitu te leh vote hmanga duhthlanna lantirtu mipui chungah te lawmthu an sawi a. Venhimna hnathawktute zingah vanduaina tawka nunna chan an awm chu pawi an tih thu leh an chhungte an tawrhpui thu MNF party thuchhuah chuan a tarlang. Bial tina MNF candidate vote tu te pawh MNF chuan lawmthu an hrilh a. "Inthlan muanawm leh boruak tha min siamsaktu kan Pathian chungah lawmthu kan sawi" an ti. MNF President Zoramthanga pawhin MLA inthlan vote thlak tluang taka zawh a nih avanga lawmawm a tih thu a sawi a. Election Commission of India press note-ah Mizoram mipuiin phur leh hlim taka 'Democracy Kûtpui' an hman thu tarlan a nih thu sawiin, "Hei hi thil lawmawm tak a ni a, Mizo mipui ten theihtawp chhuahin i vawnghim z...

#ZabilianZ Nov 4: Mamit district SVEEP team leh Mamit district MJA te tangdunin vawiin khan Election Commission of India-in India khua leh tui ten vote an thlak vek theihna tura a hmalakna Systematic Voters' Education & Electoral Participation (SVEEP) hmangin Mamit-a eichawp zawng leh kuthnathawktute hnenah vote thlak pawimawhna leh vote thlak tura ngenna beihpui an thlak. SVEEP Nodal Officer Dr. Saithantluangi Zote vote thlak chu khua leh tui te tihmakmawh, mawhphurhna a nih thu a sawi a. Vote nei zawng zawng te chu MLA inthlan lo awm turah ngaihtuahna fim hmanga vote thlak vek turin a sawm bawk. Mamit-a SVEEP campaign-ah hian MJA lam atangin Senior member, President te pawh ni tawh H. Lalramliana leh Vice President nilai Lalhuma te pawhin thu sawiin, ram rorelnaah mipuite mawhphurhna chu vote thlak a nih thu leh khua leh tui tha nihna kawng khat chu vote thlak a nih thu te an sawi a. Mizoramah vote tla percentage sang zawk a awm theihna turin mipuite vote thlak theuh turin an...

#ZabilianZ Nov 04: Mizorama MLA inthlan kal chho mekah vawiin tlai dar 5 thleng khan vote 10585 a tla tawh a. Home voting-ah vote 2059 tla tawhin, inthlana duty tur postal ballot hmanga vote thlak 8526 an awm tawh bawk. Mamit district-ah home voting-ah vote 42 leh inthlan duty tur 507-in vote an thlak tawh a. Kolasib district-ah home voting-ah vote 138 leh inthlan duty tur vote 708; Aizawl district-ah home voting-ah vote 875 leh inthlan duty tur vote 1659; Saitual district-ah home voting-ah vote 150 leh inthlan duty tur vote 373; Khawzawl district-ah home voting-ah vote 111 leh inthlan duty tur vote 250; Champhai district-ah home voting-ah vote 87 leh inthlan duty tur vote 618; Serchhip district-ah home voting-ah vote 168 leh inthlan duty tur vote 673; Hnahthial district-ah home voting-ah vote 50 leh inthlan duty tur vote 175; Lunglei district-ah home voting-ah vote 189 leh inthlan duty tur vote 1393; Lawngtlai district-ah home voting-ah vote 96 leh inthlan duty tur vote 1518; Siaha di...

#ZabilianZ Nov 03: Mizorama MLA inthlan kal chho mek ah vawiin tlai dar 5 thleng khan vote 9555 a tla tawh a. Home voting - kum 80 chunglam leh vohbik te vote 2058 tla tawhin, inthlana duty tur postal ballot hmanga vote thlak 7497 an awm tawh bawk. Mamit district-ah home voting-ah vote 42 leh inthlan duty tur 507-in vote an thlak tawh a. Kolasib district-ah home voting-ah vote 138 leh inthlan duty tur vote 461; Aizawl district-ah home voting-ah vote 875 leh inthlan duty tur vote 1659; Saitual district-ah home voting-ah vote 149 leh inthlan duty tur vote 327; Khawzawl district-ah home voting-ah vote 111 leh inthlan duty tur vote 289; Champhai district-ah home voting-ah vote 86 leh inthlan duty tur vote 426; Serchhip district-ah home voting-ah vote 168 leh inthlan duty tur vote 673; Hnahthial district-ah home voting-ah vote 50 leh inthlan duty tur vote 175; Lunglei district-ah home voting-ah vote 190 leh inthlan duty tur vote 1113; Lawngtlai district-ah home voting-ah vote 96 leh inthlan...

#ZabilianZ Nov 03: South Tuipui biala ZPM Candidate Jeje Lalpekhlua'n MLA inthlan a chuh ve chhan zawhna a dawn tam thu sawiin, a chhan tam tak zinga langsar ber chu eirukna, hlemhletna leh induhsakna uchuak tih bo a nih theihna tura beih a nih thu a sawi. Jeje Lalpekhlua chuan Hnahthial-ah thuthar thehdarhtute kawmin he thu hi vawiin khan a sawi a. "Kan ram kalphung kan hria, Pathian leh mipui zarah MLA-a thlan tlin ka nih ve chuan kei chu eirukna, hlemhletna leh uchuak taka induhsakna te lakah ka fihlim ang" a ti. Rethei, khawsak harsa leh kut hnathawktu ten an chanvo an chana, lei rem an rah ve chu a ngaihpawimawh em em a nih thu Jeje Lalpekhlua chuan a sawi a. Sorkarna an chang a nih chuan hemi kawnga hmalak chu a ngaihpawimawh hmasak a nih tur thu a sawi. South Tuipui bialin hmasawn turin theihna a nei tha nia sawiin, Agriculture leh Horticulture lamah leh luipui hausakna Balu/Tiau-ah phei chuan Mizoram-ah lak chhuah tur nei tha ber an nih a rin thu sawiin, hei hi a ...

#ZabilianZ Nov 03: Pachhunga University College (PUC)-in Mizo historian leh ziak mi langsar, Chhinga Veng, Aizawl pa  B. Lalthangliana hnenah Rs. 20,000 keng tel ‘Laisuih Award 2023’ a hlan. PUC Auditorium-a vawiin khan Cultural Day-cum-Music Day hman a ni a, he ni in a kentel pawimawh zing ami thu leh hla hmanga Mizo hnam insuihkhawm kawnga mi thawhhlawkte hnena an pek \hin, ‘Laisuih Award 2023’ chu B. Lalthangliana hnenah an hlan a n. B. Lalthangliana hi kum 1943, June ni 16-ah South Khawbung khuaah a piang a, a pa chu Ringchina a ni. Khawbung-ah hian pawl 4 thleng a zir a, hemi hnu hian khawchhak lamah an pem a, zirna bul \an \ha lehin, kum 1975-ah Mandalay University a\angin M.A (History) distinction-ah a pass a. Kum 12 chhung Mandalay University-a History Department-ah thawk zuiin, kum 1986 ah Mizoramah a haw leh a, Hrangbana College-ah leh Pachhunga University College-ah te zirtirtu hna a nghet lova a thawh hnu ah kum 1987 ah Hrangbana College-ah dah ngheh a ni. Hrangbana Col...

#ZabilianZ Nov 03: Election Commission of India (ECI)-in MLA inthlang tur state 5 - Chhattisgarh, Madhya Pradesh, Mizoram, Rajasthan, Telangana leh MLA bye-election neihna tur Nagaland-a Tapi bialah te exit poll lak khapna chungchang a puang nawn. ECI chuan danin a sawi angin ECI-in hun tiam a ruat chhungah print media emaw electronic media emaw eng hmang pawha exit poll buatsaih leh a result thehdarh khap tlat a nih thu a puang nawn a. MLA inthlanpuiah leh hmun khata bye-election emaw, hmun khat aia tama a ruala bye-election neih a nih pawhin vote thlak ni hmasa bera vote thlak tan hun darkar atanga intanin, vote thlak tawpna ber state/bial emaw Union Territory-a vote thlak tawp hnu darkar chanve thleng a huam thu a tarlang. He dan bawhchhia te chu kum hnih thleng lungin tan emaw lei chawi tir emawa hrem theih an nihy thu ECI chuan a sawi a. A pahniha hrem kawp theih an nih thu a sawi bawk. Danin thuneihna a pek angin - November ni 7 (Thawhlehni) zing dar 7 atanga November ni 30 tlai ...

#ZabilianZ Nov 03: Mamit biala Independent Candidate Lalramdingngheti chu tunhnaia video viral chungchangah Returning Officer V.L. Remliana hma-a insawifiah tura koh niin, nimin tlai khan RO office-ah a inlan. Lalramdingngheti hi Bru hnamte hnena a thusawi chungchangah hnam leh hnam inkara inunauna tichhe thei zawnga ngaih theih a awm avang leh Model Code of Conduct bawhchhiat theihna a nih avangin November ni 4, 2023 hma ngeia insawifiah tura koh a ni a. Nimin tlai lamah khan RO chu hmuin a thusawi chungchangah a insawifiah a ni. Bru hnam zinga a thusawi chu chi leh chi, hnam leh hnam inkara inhmelmakna leh inunauna tichhe tur lam hawi zawng a sawi a nih loh thu Lalramdingngheti chuan sawiin, Pathianin Bru hnam te hnenah Israel thlahte an nihna hrilhhre tura a tih a hrilhna lamah sawi loh tur a lo sawi tel palh niin a sawi a. RO hnenah hian ngaihdam dilin, thupha a chawi bawk. Mamit bial RO V.L Remliana chuan tunhnuah hnam thila inlaichinna tichhe thei zawnga thu sawi tawhlo turin Lal...

#ZabilianZ Nov 02: Mizorama MLA inthlan kal chho mek ah vawiin tlai dar 5 thleng khan vote 7671 a tla tawh a. Home voting - kum 80 chunglam leh vohbik te vote 1998 tla tawhin, inthlana duty tur postal ballot hmanga vote thlak 5673 an awm tawh bawk. Mamit district-ah inthlan duty tur 463-in vote an thlak tawh a. Kolasib district-ah home voting-ah vote 138 leh inthlan duty tur vote 461; Aizawl district-ah home voting-ah vote 875 leh inthlan duty tur vote 779; Saitual district-ah home voting-ah vote 149 leh inthlan duty tur vote 327; Khawzawl district-ah home voting-ah vote 109 leh inthlan duty tur vote 142; Champhai district-ah home voting-ah vote 86 leh inthlan duty tur vote 426; Serchhip district-ah home voting-ah vote 168 leh inthlan duty tur vote 497; Hnahthial district-ah home voting-ah vote 50 leh inthlan duty tur vote 74; Lunglei district-ah home voting-ah vote 189 leh inthlan duty tur vote 925; Lawngtlai district-ah home voting-ah vote 81 leh inthlan duty tur vote 983; Siaha dist...

#ZabilianZ Nov 01: Mizorama MLA inthlan kal chho mek ah vawiin tlai dar 5 thleng khan vote 6623 a tla tawh a. Home voting - kum 80 chunglam leh vohbik te vote 1663 tla tawhin, inthlana duty tur postal ballot hmanga vote thlak 4960 an awm tawh bawk. Mamit district-ah inthlan duty tur 463-in vote an thlak tawh a. Kolasib district-ah home voting-ah vote 138 leh inthlan duty tur vote 461; Aizawl district-ah home voting-ah vote 875 leh inthlan duty tur vote 779; Saitual district-ah home voting-ah vote 149 leh inthlan duty tur vote 321; Khawzawl district-ah home voting-ah vote 109 leh inthlan duty tur vote 119; Champhai district-ah home voting-ah vote 86 leh inthlan duty tur vote 368; Serchhip district-ah home voting-ah vote 168 leh inthlan duty tur vote 410; Hnahthial district-ah home voting-ah vote 23; Lunglei district-ah home voting-ah vote 64 leh inthlan duty tur vote 574; Lawngtlai district-ah home voting-ah vote 51 leh inthlan duty tur vote 897; Siaha district-ah inthlan duty tur vote ...