Sorkar thar lakluh chungchang ngaihtuahin CS hovin thukhawm
#ZabilianZ Nov 21: Mizoram sorkar thar lakluh dan tur ngaihtuahin vawiin khan Chief Secretary Dr Renu Sharma hovin a kaihhnawih mipawimawhte an thukhawm.
Sorkar thuchhuahin a tarlan danin sorkar thar chu December ni 6 leh December ni 15 inkarah lakluh beisei a ni a. Sorkar thar lakluh a nih hnu ah Kirmas hma ngeiin Mizoram Legislative Assembly 9-na thutkhawm hmasaber neih beisei a ni.
Chief Secretary chuan swearing-in-ceremony chu programme pawimawh tak a nih avangin he thilah chanpual leh mawhphurna nei department ten an tih tur an chian bakah an mawhphurhna te tha tak leh zo taka an hlen chhuah a tul thu a sawi a. Department aiawhte chu a tha thei ang bera inbuatsaiha, ruahmanna siam turin a ngen.
Comments
Post a Comment