B Lalthangliana'n Laisuih Award a dawng
#ZabilianZ Nov 03: Pachhunga University College (PUC)-in Mizo historian leh ziak mi langsar, Chhinga Veng, Aizawl pa B. Lalthangliana hnenah Rs. 20,000 keng tel ‘Laisuih Award 2023’ a hlan.
PUC Auditorium-a vawiin khan Cultural Day-cum-Music Day hman a ni a, he ni in a kentel pawimawh zing ami thu leh hla hmanga Mizo hnam insuihkhawm kawnga mi thawhhlawkte hnena an pek \hin, ‘Laisuih Award 2023’ chu B. Lalthangliana hnenah an hlan a n.
B. Lalthangliana hi kum 1943, June ni 16-ah South Khawbung khuaah a piang a, a pa chu Ringchina a ni. Khawbung-ah hian pawl 4 thleng a zir a, hemi hnu hian khawchhak lamah an pem a, zirna bul \an \ha lehin, kum 1975-ah Mandalay University a\angin M.A (History) distinction-ah a pass a. Kum 12 chhung Mandalay University-a History Department-ah thawk zuiin, kum 1986 ah Mizoramah a haw leh a, Hrangbana College-ah leh Pachhunga University College-ah te zirtirtu hna a nghet lova a thawh hnu ah kum 1987 ah Hrangbana College-ah dah ngheh a ni. Hrangbana College a\ang hian Associate Professor-in a pension.
Kum 1961 vel a\angin thu a ziak \an a, lehkhabu 64 a ziak tawh a, seminar paper 104 a ziak tawh. A lehkhabu te chu Mizo tawng, Kawl tawng leh Sap tawng tea ziak an ni hlawm a. A lehkhabu tam ber chu Mizo history leh culture lam an ni a, literature lam hawi lehkhabu thahnem tak a ziak bawk.
Lehkhabu ziah piahlamah Mizo mithiam te kutchhuak lakhawma, a bu-a chhuahtu a ni a. A zarah Mizo mithiam tam tak kutchhuak tun thlenga hmuh theih a ni.
A kutchhuak lehkhabu zinga hriat hlawh zual te chu – History of Mizo in Burma, Ka Lungkham, Mizo Nun Hlui Part I & II , History of Mizo Literature, Pi Pu Chhuahtlang, India, Burma & Bangladesh-a Mizo Chanchin leh Zoram Encyclopedia te an ni a. A kutchhuak lehkhabu pahnih - ‘Ka Lungkham’ (1989) leh ‘History of Mizo Literature’(1993) -te chu MAL Book of The Year atan thlan a ni tawh a. ‘Ka Lungkham’ phei chu MAL Book of The Year' hmasaber a ni nghe nghe.
A thuziak hrang hrang hmangin Mizo hnam chanchin chik takin a chhuifiah thin a. Mizoram sorkar pawhin Mizo chanchin zir turin China-ah a tir hial tawh a ni.
Laisuih Award hi mi 3-in an dawng tawh a, kum 2011 ah hla phuah thiam V. Thangzama'n a dawng a, kum 2015 ah hla phuahthiam leh zaithiam Lalnunmawia'n (Valtea) a dawng a, kum 2018 ah Tahan-a Mizo Zaithiam T-Melody band zaipu Lalnunsanga'n a dawng tawh bawk.
Comments
Post a Comment