MNF thalaiin ZPM hruaitu ten dawt an sawi nia an tarlan 99 an hal

#ZabilianZ July 19: MNF thalaiin vawiin khan Vanapa Hall kawtah ZPM sorkar hotu ten dawt chi hrang hrang an sawi nia an sawi an lakkhawm chu an hal.

MNF thalai President Robert Romawia Royte chuan "Dawt hal programme kan siam hi mimal huat vang emaw intihmualpho tumna lam ni lovin, dawt sawi chu kan hnam leh sakhaw tan a thatloh avangin dawt duh loh lantirna atana ti kan ni" a ti a. Sorkar hotute pawhin insiamthatnan hmang se a duh thu sawiin, "MNF party ngei pawh hian insiamthat bultan nan he dawt hal programme hi i hmang tangkai ang u" a ti bawk.

MNF thalai Vice President-in dawt hal list chungchang sawiin, "tuntumah hian dawt 100 hal a ni a, dawt a ni ngei tih finfiahna document leh video kan nei vek, a ti.

MNF thalaiin ZPM hruaitu ten dawt an sawi nia an tarlan 99 an hal te chu :

1. ZPM Chief Minister chuan car pakhat bak a mamawh ve dawn lo.
2. MLA fund party unit inhlawh nan kan hmang ve lovang.
3. Khawvel puma Zohnahthlak te enkawltu tur Minister incharge kan siam ang.
4. Inrenchemna (austerity measures) kan kalpui ang
5. MLA te hamthatna tih hniam
6. VIP culture tih bo
7. Motor intlanchhawk tih bo
8. Bill leh chhiah chi hrang hrang tihpun loh
9. Registered contractor chauhin contract an thawk ang
10. Oil li pui chung ah kan awm
11. ZPM a sawrkar hunah chuan pung hmasa ber tur chu tuthlawh chherna pum a ni.
12. ZPM a sawrkar hunah chuan phai chak ber tur chu Aizawl population hi a ni.
13. MPSC thuam chak
14. Budget ningnawi pawhin thlai thar kan lei mai ang
15. Pawisa kan puk ve lovang
16. Driver pension scheme tihhlawhtlin
17. Designation plate tar loh
18. Motor-a designation plate tar chunga in khawm te hi kan duh lo
19. Mizoram GSDP(2022-23) growth rate a changa -9.6%  tia, a changa 10.55% ti leh si.
20. Health-care bill ba pek tlak zel
21. SASCI sum tih lapse-a sawrkar lo zawk party te puh daih.
22. Loan la duh te tan guarantor ngai lo leh pung (interest)awm lo
23. Thalai hna nei lote tan Mizoram Development Bank din
24. Kuhva chhumna tui hnang hralh
25. ZPM sawrkar ah chuan Minister ten car pakhat bak an kawl kan remti dawn lo.
26. Adviser to CM ten MLA hamthatna bak an hmu dawn lo
27. Lengtea Iron Rod siam ISPAT khu vaibelchhe 100 tam tak sawrkar hian loan a pe a. Congres Sawrkar hi Guarantor ah a tang. ISPAT-in a rulh theih loh chuan Congress sawrkarin a rulhsak dawn.
28. Sports Deptt-in UD&PA sum laksakin Sports Infrastructure an(MNF) siam
29. PMJKV guideline kalhin sports atan sum an(MNF) hmang vek
30. Remna thuthlung hi Pu Laldenga nên London-a kan duan a ni a, a bung leh châng tinah hian ka kuthnu a awm vek.
31. MLA ah min thlan tlin chuan private company leh govt. org. thenkhat ka dawr fel tawh a. Chumi te nen chuan agreement kan sign anga, market ah in buai tawh dawn lo a ni. (Thenzawl puantahtute pual) @Serchhip A/C Bye Election Joint platform
32. Ultrasound hi sawrkarin min tihsak thei dawn lo a nih chuan MLA fund-in hei hi chu kan ti nghal bawk ang  @Serchhip A/C Bye Election Joint platform
33. Min hmui tur college kan be fel tawh a, tun atanga rei lote ah hian College(Thenzawl College) nei turin hma kan la chho tawh dawn a ni.
34. Kan Police te hi an thlamuan awm loh. Han en reng reng pawh hian thla an ti muanglo, tih ka sawi lo.
35. Single Nodal Agency(Department) ah SASCI sum kan pe chhuak tawh. (RTI chhanna ah erawh Finance lam atangin release a la ni lo)
36.Keini erawh chuan General Consent kan pe dawn a. CBI-in engmah phalna min dil min dil a ngai dawn lo. An kuta thu lut chu an investigate mai dawn a ni(a hnu lawkah an sut leh)
37. Peace Bonus a awm lo, peace bonus sum chengkhat mah Central-in min pe lo. NLCPR a nia, NE state dangten sum an hmu tam zawk. Phuahchawpin Peace Bonus an ti mai mai a ni.
38. Mahni mi leh sa indusakna lak ata kan inthiarfihlim ang.
39. Lau lui chei thata, kum tin Fish Festival siam
40. Kum 16 chhung MLA zawng zawngin zin loh bill an lo la tlauh tlauh a.
41. (Zin loh bill) Lak turin a sign-na tur min rawn chhawp a, kan sign a, kan la ve mai a. Thil diklo a ni tih pawh kan hre lova
42. Mizoram (Selection of Candidates for Technical Courses) Rules, 1993 chu MNF sorkar khan 1999 khan siamthain Category-I ah Chakma-te a khung
43. Ka list ah ZPM list a awm ve dawn lo. 
44. Ama(Zoramthanga) mi, a goodbook-a chuang a khung khawm ten MNF Official candidate President tur an thlang a, 1-na lawr takin ka ni. Ani(Zoramthanga) 7-na.
45. ZPM Chief Minister chuan portfolio a nei ve lo ang
46. West Bengal CM bultumin Kolkatta ah mipui nuai 40 kan chah khawm.
47. State nih hnuah hian PWD hi Chief Minister ten an la chang cahr char(Opposition laia sawi)
48.  Hnahlan Grape Grower Society tena MIS sum Central-a an hmuh theih nan Mizoram Sawrkarin State matchin share a pe thei lo. (RTI chhannah ah erawh Sociery-in sawrkar ah SMS dilna a thehlut lo)
49. MIS hmanga Hnahlan Grape chingtute tanpuina tur sum haichhuah nana Mutia man chu 35%(Rs.1,29,50,000) chhunga ah a awm vek.
50. ZPM Chief Minister chuan portfolio a nei ve dawn lo
51. Anthurium Festival hlawhchham vanga tihtawp a ni.
52. Sorkar hmasain Rs 5/- pawh min hnutchhiah lo.
53. Kumin 2023-25(March 2024 ral hmain) chhung ngeiin hmunphiah kan lei ang.
54. SASCI sum lapse chhan chu ZPM sorkar hotute Pathian tih vang a ni.
55. Covid hripui vanga Central atanga sum dawn loh a tam lo;Covid vangin sum tam tak kan dawng zawk.
56. Zirlaibute sikul naupang hnenah a hun takah kan sem ang.
57. Restricted Tender hi dan kalh a ni a,ZPM sorkar chuan kan ti ve dawn lo.
58. Raltlan  naupangte sikul certificate ah MNF sorkarin chhinchhiahna hran an siam.
59. Footballer Miriam Lalnunsiami inhliam tanpuina sorkarin a pe lo.
60. Nitin mau tlawn nuai hnih kan mamawh ang. Mau hriak kan sâwr ang.
61. BPL chhungkua thi an awm chuan sawrkarin ₹10000/- in a ral ang.
62. Chakma vote kan mamawh lo
63. Langtlang leh hlemhletna laka fihlim sawrkar kan din ang.
64. Party sawrkar ni lovin mipui sawrkar kan din ang.
65. Kan dinhmun avanga hamthatna siam chawp thrih thil dang reng reng ah kan fihlim ang.
66. Val Upa Council kaihhruaiin sawrkar ruangam din a ni ang. (MLA car leh hlawh pung lak loh ah an palzut nghal)
67. MLA te car tur sawrkar suma lei thin chu tih tawp a ni ang. (A hma aia to zawk car an dawng daih)
68. MLA hlawh tihpun hi ZPM MLA ten an do tlat tur a ni a, an do chung pawha tihpun a nih pawhin a pung chu la lovin, a pun hmaa hlawh ngai an la tur a ni.
69. Mizorama smuggling nasa lutuk thlakhat chhunga tih rem.
70. SASCI Sum sorkar hmasain a ti lapse.
71. Mizoram Investment Policy 2024 hi a thar hlaka kan sorkar duan a ni.(MNF hunlaia khawrpum hman a ni).
72. Hmunphiah lei leh loh hi kan thiamloh a nilo,RR Agency te thiamloh a ni.
73. SASCI Work Order hum tawh tumah kan cancel lo. Thawk vat vat se kan duh. An thawk muang lutuk a, Financial year a tawp tawh dawn si a, an zawh hman loh chuan tih ngaihna kan hre lo. Utilization Certificate kan thehlut hlei thei dawn lo.
74. Lengpui Airport ram chhungah mimal LSC nei an awm teuh.
75. MNF sawrkar-in Khawzawl 2nd IR Batallion Hqrs. aṭangin Silai chi hrang hrang, viz-AK- 47 - 4Nos./ Russia siam, 9mm Pistol -4Nos. z(Chekoslovakia siam) leh Rocket launcher shell -2Nos. te tawlhchhuakin hel pawl hnenah an pe.
76. MNF te'n 1st. IR Batallion Mualvum leh 2nd IR Bn. Khawzawl leh 3rd Bn. MAP, Mualpui aṭangin hel pawl pek tur silai an tawlhchhuak.
77. Myanmar Refugee te biometric details kan la khawm lo ang.
78. Mizoram sorkar pian hnua la awm ngailo nunna chante ralna atâna cheng nuai li(Ex-gratia) a ruahman hi ropuiin a thlamuanthlak.
79. Ex-Gratia ₹4,00,000/- mitthi chhungte hnena pek hi mipuite lainatna leh hmangaihna atanga chhuak a ni.
80. Bhavan ka lilam ang
81. MNF sorkarin mipuite min dahkhamin sum an puk awlh awlh mai.
82. Kuthnathawktute a hralhna rate hresa in kan chin tir ang
83. Sorkar kal dan a langtlang dawn, sorkar lehkha copy MLA te pawh kan pe vek zel ang.
84. Sudden Muanga bu bi tura kan ruahmante kan thawk zo thei.
85. Purun tlang, Mizorama tlangsang ber dawttu
86. Unit/Block system hi tha kan ti ve lo.
87. Membership fee pek, inlawmluh ṭul kan ti ve lo.
88. Ni 100 chhunga thawh tura kan ruahmante kan thawk zo thei.
89. ZPM sawrkar a din hnu pawha kan unau(Manipur) te an(Meitei hovin) la sawisa chhunzawm zel a nih chuan ralkhat atanga kut kuangkuaha thlir ngawt kan tlin ve pek lo ang.
90. Autonomous District Council te direct funding kan pe ang.
91. Vanapa Hall sak that nan ₹3700 Lakh sanction a ni.
92. Congress sawrkar chhung khan NLUP Nuai 1 dawng in hria em?
93. WHO nena tang tlangin UNO hriat tham ruihhlo ngaite enkawlna Community Healing Centre kan din dawn a, an chhuah hnua mahni kea ding thei turin an hna thawh tur thlengin kan siamsak ang.
94. PC-ho khan Bairabi Hydel Project te kha an sawi ve fo a, Cubic Lung dawrzawn khat pawh an lo la dah reng reng hleinem mawle.
95. Ka pian tirh ata Corruption hi ka la khawih ngai lo a, ka thih ni thlengin khawih ka tum bawk lo
96. Road map leh research base-in kan kal ang
97. Kum 2017 ah khan MNF sawrkar laiin No Confidence motion hi ka move tawh a ni.
98. Kuthnathawktute pual budget-a a hranpa dah tih chu NLUP ah hian a takin a lo awm ta. (A hnuah 'He sem policy hian Bible a kalh a, Kohhran duh dan a kalh bawk a ni' a ti leh daih)
99. Thenzawl New Capital siamna tur Kristian millionaire.