Damdawi in paruk nei Medanta Hospital-in MUHCS an zawm

#ZabilianZ Jan 29, 2026: Mizoram Universal Health Care Scheme (MUHCS)-in zawmtu neih belh zelin Mizoram sawrkar leh Medanta Hospital-in inremna thuthlung an ziak a. He inremna thuthlung hi mipui zawng zawng huap tura duan niin, ramchhunga Medanta hospital paruk te chu MUHCS nen thlunzawm vek tur a ni.

Medanta Hospital hi - Gurugram, Noida, Lucknow, Patna, Indore leh Ranchi-ah te a awm a. Medanta damdawi in Chairman leh Managing Director Dr. Naresh Trehan chuan hmarchhak biala hma thar an lakna chu lawmawm a tih thu sawiin, hei hian mipuite tan thil tha zawk a thlen ngei a beisei thu a sawi.

Medanta-ah chuan damlote uluk taka enkawl an nih thin bakah an hamthatna tur hrang hrang ngaihtuahsak thin a nih thu Dr. Naresh Trehan chuan sawiin, Mizoram sawrkar nen an thawhdunna pawhin rah tha a chhuah ngei a beisei thu a sawi a. Mizo damlo, an damdawi in-a enkawl tur an awm chuan theihtawp an chhuah dawn tih sawiin, mitin banphak nih an tum thu a sawi bawk.#zabilianznews

Mizoram State Health Care Society CEO Dr. Lalhriatzuali Ralte pawhin Medanta nen an thawkdun tur chu Mizote tan chanchin lawmawm tak niin a sawi a. He thawhdunna hian Mizoram atanga damlo phai lam kal duh te harsatna tam tak a chhawk zangkhai ngei a beisei thu sawiin, inenkawl kawngah pawh damlote tan kawng awlsam zawk a siamsak ngei a beisei thu a sawi.

Hmarchhak biala hriselna dinhmun tihhmasawn kawngah Medanta hian nasa taka hmala-in Guawahati, Assam-a an damdawi in chu khum 400 chuang awm theihna super speciality hospital ni turin an chei thar mek a. Heng bakah hian hmarchhak bial tan bik tanpui mamawh leh harsatna thlenna tur phone number : 8904395588 an ruahman bawk.#zabilianz #zabilianznews #zofatehuapzo