Mipuiin hnehna min pe a nih chuan hmar tlangdungah kawl a eng ve tawh ang :ZPM President


#ZabilianZ Nov 02: ZPM party leh HPC party tangdunin November ni 5,2024 a Sinlung Hills Council (SHC) inthlan lo awm tur atana campaign kharna hun vawiin khan SHC-a bial 12-ah an hmang a. Saipum biala hun hmanpuitu ZPM President Lalliansawta'n "Sinlung Hills Council General Election-a mipui ten hnehna min pe a nih chuan 'Hmar thimpui' tia sawi thin tlangdungah hian hmasawnna kawl a eng ve tawh dawn a ni," a ti.

ZPM President chuan HPC te nen inremna thuthlung an ziah hnua, campaign kick off ni atangin council area-a bial hrang hrangah campaign-in an fehchhuak nghal tih a sawi a. Hmar tlangdunga sorkar hmalakna tluang taka a kal theihna tur leh he tlangdung mipuite tana ZPM sorkar chu malsawmna thlentu a nih beiseiin theihtawp chhuahin hma an la niin a sawi.

State nih hnua sorkar awm tawh ten hmar tlangdung chu an ngaihsak tawk lo nia a lan thu sawiin, ZPM President chuan hmasawnna a kalmuang hle nia an hriat thu a sawi a. Hmar tlangdung mipuite pawhin tuntum inthlanah chuan hmalam hun thlir chunga hruaitu tha, sorkar lai nen lungrual taka thawkdun thei tur an thlan chhuah ngei a beisei thu a sawi bawk.#zabilianz

Zohmun-a hun hmanpuitu ZPM Vice President C. Lalnunnema pawhin Mizorama sorkar thar a pian hnu lawka Sinlung Hills Council inthlan a awm chhunzawm chu Sinlung Hills bial thenkhat Opposition MLA biala awm mek te tan hun rangkachak niin a sawi a. Hmar tlangdung hmasawn nan ruling biala awm ngei turin hmar tlangdung mipuite a sawm.

Vervek biala hun hmapuitu Minister Lalrinpuii pawhin development kal chak tur chuan plan siamthat a ngai tih sawiin, plan leh project tha tak nei tur chuan helai bial mipuite leh sawrkar an thawhho that a ngai zual niin a sawi a.An party candidate lo vote puia, thawhhopui turin bial mipui a sawm.#zabilianz

Suangpuilawn biala hun hmanpuitu Minister PC Vanlalruata pawhin hmartlang tlangdung mipui ten tualvungi ko thiam an mamawh nia sawiin, hmar tlangdung mipuite taimakna leh hand holding policy chu hmasawnna tura thil inkawp rem tak a nih thu a sawi a. Hmar tlangdung hmasawnna tur kawng hrang  sawiin, chungah te chu sorkar, council leh VC inkawp rem tak tha chakna hmanga hmalak a duh thu a sawi.#zabilianz

Khawlian biala hun hmanpuitu Minister of State Lalnghinglova Hmar pawhin hmar tlangdunga hmasawnna a thlen zel theihna turin state-a sorkarana chelhtu lam candidate vote turin mipui a sawm a. MLA fund leh sorkar ațanga sum awm te nen țangrualin sum awm ang ang țangkai zawka Sinlung Hills mipui tan hman theih a nih tur thu a sawi bawk.

SHC inthlan atana campaign kharna hun hi MP, Minister leh MLA ten bial hrang hrangah an hmanpui a. Vanbawng bialah C. Lalsawivunga; Ratu bialah F.Rodingliana; Sakawrdai South-ah B. Lalchhanzova; Sakawrdai North-ah Richard Vanlalhmangaiha; Phuaibuang-ah TBC Lalvenchhunga; Saiphai-ah Lalmuanpuia Punte; North Tinghmun-ah Baryl Vanneihsanhi'n a hmanpui bawk a ni.#zabilianz #zabilianznews #zofatehuapzo 

Comments

Post a Comment

Popular posts from this blog

MNF leh Congress Candidate intawm atan Lalrinfeli - chhinchhiahna atan mipa leh hmeichhe inkai

Image
#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi...
Read more

Doctor pahnih kutthlak rawntua puh mi 6 police-in an man te bail-in chhuah

Image
#ZabilianZ Sept. 23: Durtlang Leitan bula doctor pahnih kutthlak rawntua puh mi 6 te Police-in an man hnu ah court-ah inlanin, bail-a chhuah tir an ni a. Doctor pahnih kutthlaktua puh zingah hian Police pawh a tel nia thudawn a ni. Thudawn danin kar kalta Inrinni (Sept. 21) zan khan Bawngkawn lam atanga kala Durtlang Leitan thlen chhoh hma deuh ah Synod Hospital, Durtlang-a thawk doctor pahnih chu kutthlak rawn an ni a. Pawikhawihtute hian doctor pahnih te hi motor atanga hnukchhuakin kut an thlak a, nikhawhrelo khawpa sawisain, an lu ah hliam na tak an tuar niin thudawnna chuan a sawi.#zabilianz He thil thlenna hmun nia sawiah hian Inrinni kalta zan khan intibuai an awm a, intihbuainaa tel pakhatin hetih laia an bula lo ding doctor te a va bia chu a lehlam chuan a thian te a punah ngaiin, motor-a chuang doctor pahnih chu hnukchhuakin kut an thlak rawn ta mai niin thudawnna chuan a sawi a. Doctor kutthlaktute hi Durtlang lam mi an ni lo vek niin a sawi bawk. He thil thleng chungchangah...
Read more

Kolkata-a doctor tualthihna duh loh lan tir nan rampumah darkar 24 chhung medical service titawp dawn

Image
#ZabilianZ Aug 16: Indian Medical Association (IMA) Mizoram State branch-in thuchhuah siamin, tun thla ni 9-a RG Kar Medical College and Hospital, Kolkata-a post graduate zirlai hmeichhia pawngsuala thah a nih avanga lungawilohna lantir nan tun thla ni 17 (naktuk) zing dar 6 atanga a tuk leh ni 18 zing dar 6 (darkar 24) thleng India ram pumah medical service zawng zawng (emergency tiam lovin) titawp  a nih tur thu an tarlang. He ruahmanna hi IMA Gen. Headquarters-in a siam a nih thu IMA, Mizoram state branch chuan sawiin, IMA Mizoram state branch pawhin he nawrhna hi an thlawp thu leh an lo zawm ve tur thu an sawi a. Hemi hun chhung hian Mizorama Hospital (sorkar, private leh Mission hospital) zawng zawngah emergency service chauh kalpui a nih tur thu sawiin, OPD-ah doctor an thu dawn lo tih an sawi. He nawrhna hian private clinic te pawh a huam vek dawn tih IMA Mizoram State branch thuchhuah chuan a tarlang a. "Tihdam rawngbawlnaa thawktute chunga hleilenna thleng fo hi kan duh l...
Read more