Sinlung Hills Council hi Congress party-in a siam a ni a, a hringtu ngeiin a enkawl a tul :MPCC Sr Vice President

#ZabilianZ Nov 02: MPCC Sr Vice President Lalnunmawia Chaungo-in Sinlung Hills Council chu Congress party-in a huam chhung mipuite dinhmun atana pawimawh nia a hriat avanga a siam niin a sawi a. "A hringtu ngeiin a enkawl a tul" a ti.

November ni 5, 2024-a Sinlung Hills Council inthlan lo awm tur atana campaign-a Khawlian, Phuaibuang, Suangpuilawn leh Vanbawng bial te a tlawhnaah he thu hi MPCC Sr Vice President chuan a sawi a. Congress party politics chu ram leh hnam hmasawnna nia sawiin, chutiang tur chuan mahni inphatin an che chhuak niin a sawi.

MPCC Sr Vice President chuan roreltu nihna chu incheina a ni tih ngaihtuah lova mahni inhaivur tuipuitute avangin bial mipui ten an nih tur ang ni lovin an chanvo an chang pha lo thin niin a sawi a. "Congress party chuan hruaitu nawr kal chawp ngai kan nei ve lo hi Mizoram mipui tan a tha hle a ni" a ti.#zabilianz

Thil fello leh diklo an siamtha dawn nia sawiin MPCC Sr Vice President chuan "Sorkar hnathawk awmlohna chhungkaw tan NLUP changtlung leh belhtlak zawk kan siam dawn" a ti a. "Mizoram mipuiin a zar an zo leh dawn a, hlim takin an nun an hmang leh thuai dawn" tiin, hei hi Mizoram hmun hrang hranga mipuiin an nghakhlel niin a sawi.

Lalnunmawia Chuaungo chuan sum leh paiin hlimna tak tak a thlen lo tih sawiin, council enkawl turin mi tha, bial aiawha ding ngam mihuaisen, bial mipui sum enkawl tura mirinawm thlan chhuah a ngai tih a sawi a. "Pathianin Sinlung Hills Council huam chhung enkawltu tur candidate tha tak tak min pe, bial tina mipui pawhin Congress candidate te ah beiseina an nei sang hle. Congress candidate te hi sorkar dawr tur pawha mithiam leh mi tlang an ni" a ti bawk.#zabilianz #zabilianznews #zofatehuapzo