Ruihhlo dona tur sum - Excise & Narcotics hnenah nuai 30, CYMA hnenah nuai 35

#ZabilianZ Nov 11: Vawiin khan, Working Committee on Ruihhlo Do kaltlangin Agency hrang hrangte hnena Ruihhlo Dona tur sumfai sem chhuah a ni a. Excise & Narcotics Minister Pu Lalnghinglova Hmar chuan he hun hi hmanpuiin, agency-te hnenah ruihhlo dona atana hman tur sum a hlan.

Ruihhlo dona atana sum pek te hi hlawm hrang hrang hlawm li-a then niin, hlawm khatna Supply Reduction-ah : Excise & Narcotics hnenah Rs. nuai 30 pek a ni a; Police leh Central YMA hnenah Rs. nuai 35 ve ve; Food and Drug Administration (FDA) hnenah Rs. nuai 2; Mara Thytlia Py (MTP) leh Young Lai Association (YLA) hnenah Rs. nuai 5 ve ve pek a ni.

Hlawm hnihna Demand Reduction-ah : Social Welfare & Tribal Affairs hnenah Rs. nuai 40 leh MSACS hnenah Rs. nuai 5 pek an ni a. Hlawm thumna District Level-ah : Aizawl ditrict hnenah Rs. nuai 2; Lunglei, Siaha, Champhai, Kolasib, Serchhip leh Mamit district hnenah Rs. nuai 1.50 theuh leh Lawngtlai, Hnahthial, Khawzawl leh Saitual district hnenah Rs. nuai 1 theuh pek a ni.#zabilianz

Hlawm li-na State Level Committee on Ruihhlo Do-ah Training, workshop, meeting, etc senso atan Rs. nuai 20 pek a ni a. Mass media campaign senso atan Rs. nuai 8 pek niin, ruihhlo dona atana vawiina sum sem chhuak zawng zawng chu Rs. nuai 200 a ni.

Excise & Narcotics Minister Pu Lalnghinglova Hmar chuan tlawmngai pawl hrang hrang leh sawrkar thawhhona a tha nia sawiin, sawrkar, tlawmngai pawl leh kohhrante chu tun aia nasaa an tanrual theih chuan Mizorama ruihhlo chu tih tlem theih nia a hriat thu a sawi a. Ruihhlo donaa sawrkar tha tichak tura sawrkar hmalaknate sawiin, Department tan lirthei ke pali nei 14 leh two-wheeler 4 sawrkarin a pek thu te, thawktute pawh a theih ang anga an inlak belh dan te leh District thar pathuma Excise Office a rang lama hawn a nih tur thu te a sawi bawk.#zabilianz #zabilianznews #zofatehuapzo