Senior News Editor-in chatuan ram a pan - vawiinah vui a ni ang


#ZabilianZ Nov 22: Pasalțha chanchinbu leh Champhai Cable Network neitu, News Editor Senior Lalhmingmawia Pachuau, Champhai Vengthlang chuan nizan (November 21, 2024) dar 10:07 khan chatuan ram a pan a, vawiinah vui a ni ang.

Lalhmingmawia Pachuau hi Mizoram Journalists' Association (MJA) member ten khawvel thang zel mila chak zawka hma an sawn zel theihna tura thahnemngai taka theihtawp chhuah thin mi a ni a. MJA Gen. Hqrs. leh district hrang hrang MJA te pawhin nizan la la khan an ui thu thuchhuah siamin an tarlang hlawm.

MJA Gen. Hqrs. chuan "MJA-in Pu Hmingmawia kan nei hi lawmawm kan ti a, MJA tana mi hlu bik a ni" a ti a. "Thahnemngai taka MJA tana theihtawp a lo chhuah tawhna leh hma a lo lak tawhnate kan thlir a, a lungawithlak kan ti takzet a ni" a ti bawk.#zabilianz

Upa Ngursiama leh Nubuangi te fa hmingkoh niin, October ni 19, 1960-ah Samthang khua-ah a piang a. August ni 25, 1985-ah C. Parkimi nen Samthang Presbyterian Kohhran Biak In-ah inneiin, fapa 1 leh fanu 2 bakah tu 7 an nei.

Chhungkaw harsa tak atanga seilianin, PU result a nghah laiin Samthang Deficit Middle School-ah a thawk a, kum 1986 atangin Mualkawi Middle School-ah Headmaster hna a thawk leh a. A tumruh avang liau liauin nupui a neih hnu, an fa hmasaber pawh a pian hnu ah BA a pass leh a ni.#zabilianz

Kum 1988-ah Samthang atangin Champhai-ah an pem a, kum 1989 atangin nitin chhuak chanchinbu Mizo Pasaltha a enkawl tan a, tun thlengin Editor & Publisher a ni. Kum 2006 atangin Champhai Cable Network (CCN) bultanin, tun thlengin tha takin a la enkawl chho ta bawk.

Kum 1991-ah Champhai Journalists' Association (CHJA) member-ah lutin, hruaitu chanvo hrang hrang a chelh tawh a, tum 7 President nihna a chelh tawh bakah Vice President leh Gen. Secretary te a ni tawh a. Kum 2006-a Mizoram Journalists' Association (MJA)-a an inchhunluh hnuah pawh Champhai District MJA President nihna tum 4 ngawt a chelh leh tawh bawk a, President kalchhuak niin, tunah hian Executive Member a ni mek a ni.#zabilianz

Mizoram sorkarin chanchinbumite Accreditation a pek hmasakber zingah telin, kum 2003 atanga chatuan ram a pan thlengin Accredited Journalist a ni a; Mizoram sorkarin chanchinbumite tana press tour a buatsaih thinah - Manipur, Nagaland, Arunachal Pradesh, Assam, Kerela leh Myanmar-te a tlawh tawh bawk.

Ram leh khawtlang hmasawnna a vei em em a, infiamna ngaina mi niin, sulhnu tam tak a nei a. Champhai district Boxing Association hruaitu hmasa ber zinga mi niin, Champhai-a Futsal Ground hmasaber siamtu a ni a. Champhai District Basketball Association-ah hun rei tak Adviser a ni tawh.#zabilianz

Sawrkarin District Child Protection Committee member atan a ruat a, he a nihna pawimawh tak hi chatuan ram a pan thlengin a chelh a. Lok Adalat-ah te thu tawhin, Champhai to Aizawl Maxi Cab Owners Welfare-ah hruaitu a ni tawh bawk.

Kohhran Pavalai Pawl rawngbawlnaah a tui hle a. A lawina Champhai Vengthlang Presbyterian Kohhran Puitling Sunday School zirtirtu a ni a, Ramthar rawngbawlna lam a ngaipawimawh hle bawk.#zabilianz

December ni 9, 2021 ah Hard palate Cancer a ni tih hmuhchhuah a ni a. Champhai, Aizawl leh Kolkata lamah te theihtawpa enkawl zui a ni a. Hemi hnu hian natna dang dang ten a tlakbuak chhoh ve leh bawk avangin chak lo chho hret hretin, November ni 21, 2024 zan dar 10:10 khan chatuan ram a pan ta a ni. #zabilianz #zabilianznews #zofatehuapzo

Comments

Post a Comment

Popular posts from this blog

MNF leh Congress Candidate intawm atan Lalrinfeli - chhinchhiahna atan mipa leh hmeichhe inkai

Image
#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi...
Read more

Doctor pahnih kutthlak rawntua puh mi 6 police-in an man te bail-in chhuah

Image
#ZabilianZ Sept. 23: Durtlang Leitan bula doctor pahnih kutthlak rawntua puh mi 6 te Police-in an man hnu ah court-ah inlanin, bail-a chhuah tir an ni a. Doctor pahnih kutthlaktua puh zingah hian Police pawh a tel nia thudawn a ni. Thudawn danin kar kalta Inrinni (Sept. 21) zan khan Bawngkawn lam atanga kala Durtlang Leitan thlen chhoh hma deuh ah Synod Hospital, Durtlang-a thawk doctor pahnih chu kutthlak rawn an ni a. Pawikhawihtute hian doctor pahnih te hi motor atanga hnukchhuakin kut an thlak a, nikhawhrelo khawpa sawisain, an lu ah hliam na tak an tuar niin thudawnna chuan a sawi.#zabilianz He thil thlenna hmun nia sawiah hian Inrinni kalta zan khan intibuai an awm a, intihbuainaa tel pakhatin hetih laia an bula lo ding doctor te a va bia chu a lehlam chuan a thian te a punah ngaiin, motor-a chuang doctor pahnih chu hnukchhuakin kut an thlak rawn ta mai niin thudawnna chuan a sawi a. Doctor kutthlaktute hi Durtlang lam mi an ni lo vek niin a sawi bawk. He thil thleng chungchangah...
Read more

Kolkata-a doctor tualthihna duh loh lan tir nan rampumah darkar 24 chhung medical service titawp dawn

Image
#ZabilianZ Aug 16: Indian Medical Association (IMA) Mizoram State branch-in thuchhuah siamin, tun thla ni 9-a RG Kar Medical College and Hospital, Kolkata-a post graduate zirlai hmeichhia pawngsuala thah a nih avanga lungawilohna lantir nan tun thla ni 17 (naktuk) zing dar 6 atanga a tuk leh ni 18 zing dar 6 (darkar 24) thleng India ram pumah medical service zawng zawng (emergency tiam lovin) titawp  a nih tur thu an tarlang. He ruahmanna hi IMA Gen. Headquarters-in a siam a nih thu IMA, Mizoram state branch chuan sawiin, IMA Mizoram state branch pawhin he nawrhna hi an thlawp thu leh an lo zawm ve tur thu an sawi a. Hemi hun chhung hian Mizorama Hospital (sorkar, private leh Mission hospital) zawng zawngah emergency service chauh kalpui a nih tur thu sawiin, OPD-ah doctor an thu dawn lo tih an sawi. He nawrhna hian private clinic te pawh a huam vek dawn tih IMA Mizoram State branch thuchhuah chuan a tarlang a. "Tihdam rawngbawlnaa thawktute chunga hleilenna thleng fo hi kan duh l...
Read more