Tuivai project atan central sorkar-in cheng vaibelchhe 2 leh nuai 80 min pe :P&E Minister

#ZabilianZ Nov 04: Minister of state F. Rodingliana'n "min beihnate hi kan party tan malsawmna a ni" a ti.

ZPM party chhung inkhawm vawiina neihah he thu hi F. Rodingliana chuan a sawi a. "Vawiin thlenga ZPM ministry min beitute hi ZPM party a dintirha min beitute tho kha an la ni a, min beihrawn chung pawhin Pathian leh mipuite zarah hnehna kan la chang zel hi ZPM party Pathinin min hruai zia tilangtu leh Zoram mipui ten ZPM ministry-ah rinna an nghah thuk zia tilangtu a ni" a ti.

P&E Minister F. Rodingliana chuan kawlphethaa intodelh turin nasa takin hma an la nia sawiin, department-a an thawhpuite pawhin ngaihtuahna an seng nasa hle niin a sawi a. "Tuirini project bikah sorkar hmasa ten he project an lo hnawl tawh chu DPR te kan keu thar leh a, central lama kan tlanthlakpui hnuin  he project hlamchhiah mai tur pawh hi tihnunin a lo awm leh ta a ni" a ti.#zabilianz

Tuivai project-ah pawh kum 18 chhung sorkar hmasa lamin a bu an lo keu tawh loh leh DPR hlui tawh tak chu an tharthawh leh nia sawiin, "sorkar hmasa te ruahmanna anga kalpui dawn chuan he tuikhuah hian Manipur state ram engemawzat a chim dawn a, hei hi keini chuan harsatna awm thei te kan ven avangin ruahmanna thar kan siam" a ti a. A hmunah kalin a tuikhuah chim chin tur an tihniam ta nia sawiin, km 32 chin khuapin Manipur state nen intibuai lovin he project atang hian  160 MW atanga 180 MW thar chhuah theih an in beisei thu leh Mizoramin tuna a mamawh san lai berin 163 MW a mamawh thu a sawi.

P&E Minister chuan central sorkar-in he project atan hian cheng vaibelchhe 2 leh nuai 80 min pe a, thla 18 chhunga zo turin inremna kan ziak ta a ni" a ti a. A hlawhtlinna hmuh hunah chuan Mizoram power mamawh chu thar chhuah theih a nih tur thu a sawi.#zabilianz

Tlawng leh Tuichang khuap tur pawhin hma an la mek niin P&E Minister chuan a sawi a. "Tuichang DPR pawh kan peih thawkhat tawh, 52 MW chhuak thei turin ruahmanna kan siam a ni," a ti.

P&E Minister chuan "Tuirial tuikhuah hi sorkar hmasa hun laiin agreement a fuh lo hle a, sorkar sum tam tak a thlawnin a luangral nasa hle" a ti a. Sorkar lu tihaitu nia sawiin, "a power siam chhuah man to takin kan lei a ngai a, kan lei loh pawhin agreement anga pawisa kan chawi tho a ngai si a, Tuirial tuikhuah khu sorkar tan phurrit a ni" tiin, "Sokar thar hmalakna turah chuan Tuirial project ang hian agreement siam kan tum ve lo a ni," a ti bawk.#zabilianz #zabilianznews #zofatehuapzo