Kan sawrkar leh a, kan hotu ten rem an tih chuan ZMC hming hi MIMER tiin kan thlak leh ang :MPCC President


#ZabilianZ Jan 31: MPCC President Lal Thanzara'n an sawrkar leh a, an hotu ten rem an tih chuan ZMC hming chu - Mizoram Institute of Medical Education and Research (MIMER) - tia an thlak leh tur thu a sawi.

Mizoram Pradesh Congress Committee (MPCC) Friday political session leh m mithar lawmluh inkhawm Congress Bhavan, Aizawla neihah he thu hi vawiin khan MPCC President chuan a sawi a. Tuirial hydel project, Lengpui Airport leh Medical college te chu Congress party-in ram rotling an siam zing ami nia sawiin, "ZPM party hian enkawl thiam lovin tihral an tum mek a ni" a ti.

MPCC President chuan "Medical college kan neihchhun chu central hlan mai an tum a, central-in 'kan lo enkawlpui ang che u' an tia, an hlan lo mai a ni" a ti a. "MNF-in medical college hming an thlak a, ZPM-in an thlak leh" tiin, an sawrkar leh a, an hotu ten rem an ti a nih chuan a tira a hming -Mizoram Institute of Medical Education and Research (MIMER)- tia an thlak leh tur thu leh medical college ringawt ni lo, research tih na atana an din niin a sawi a ni.#zabilianz

Lal Thanzara chuan "Kan airport neihchhun te min hralhsak hma in ZPM hi kan hralh vat a ngai" a ti a. "Congress sawrkar lai khan Lengpui airport chu IAF hnena hlan an lo tum ve tawh' tiin an sawi thin. Kum 2015-ah Congress sawrkar laiin kan Governor MM Lakhera khan IAF a hlan a that ringin lehkha a ziak a, chumi dungthul chuan Chief Minister pawhin lehkha ziak ve mahse, karkhat hnuah Chief Minister chuan a lehkha ziah chu a sut leh nghal a ni" a ti bawk.

Mizoramah sum lengvak a tlem nia sawiin, sawrkarin sawhthing lei na atana sum a dahthat vang niin MPCC President chuan a sawi a. Mizoram sawrkar chu Central BJP duhdana an awm hma chuan pawisa puk ngaiin an buai an buai dawn niin a sawi.#zabilianz

Sawrkar hotu ten ram rorelnaah Pathian ram thlentir an tum thu an sawi chungchangah MPCC President chuan "tunah hi chuan Pathian ram ni lovin ZPM ram an thlentir mek" a ti a. "Ringtu kan niha, kohhran mi kan nih chuan kan ram, kan hnam, kan sakhua a him nan Congress lo chu party dang a awm lo. Congress tih loh party dang zawng zawng hi BJP sum hmang lo an awm lo" tiin, India rama chanchintha hril khaptu BJP party sum an hmang tih hi khawvel hriat a ni. BJP pawisa hmang lo awmchhun chu Congress kan ni" a ti bawk.

Politics-ah dawt a leng lo nia sawiin, dawt sawi thin te chu an tlu leh mai thin niin a sawi a. "Dawt-in kan hotu ten min hruai ve ngai lo, 'kan ti ang' an tih chu an ti zel thin tih an hriat avangin ZPM party atangin Congress-ah an lo lut" a ti.#zabilianz

Tum engemawzah Chief Minister ni tawh pawhin peace bonus te pawh, 'ka ti mai mai a nih kha' tiin rorelna hmunah an sawi leh duh nia sawiin, "Campaign laia 'Thenzawl hi khawpuiah ka siam ang, Central-in min pui duh lo a nih chuan millionaire kan hmang ang' ti tea intiam mai mai chuan kan ram hi an hruai a, chutiang mai mai chu kan zui zel dawn a nih chuan kan hmalam hun a thim viau ang" a ti.

"Congress party hotute chuan rambuai karah min thlantlin chuan remna leh muanna kan thlen ang an tia, term chanve ah remna leh muanna an thlen a ni" MPCC President chuan a ti a. "Kan sawrkar chuan cheng singthumin bul kan tanpui ang an ti a, rangva kan sem ang an ti a, an tihlawhtling vek a, NLUP pawh an intiam angin mirethei khai chhuah nan an sem a, kan hotu ten dawtin ram an hruai ve ngai lo" a ti bawk a ni.#zabilianz #zabilianznews #zofatehuapzo 






Comments

Post a Comment

Popular posts from this blog

MNF leh Congress Candidate intawm atan Lalrinfeli - chhinchhiahna atan mipa leh hmeichhe inkai

Image
#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi...
Read more

Doctor pahnih kutthlak rawntua puh mi 6 police-in an man te bail-in chhuah

Image
#ZabilianZ Sept. 23: Durtlang Leitan bula doctor pahnih kutthlak rawntua puh mi 6 te Police-in an man hnu ah court-ah inlanin, bail-a chhuah tir an ni a. Doctor pahnih kutthlaktua puh zingah hian Police pawh a tel nia thudawn a ni. Thudawn danin kar kalta Inrinni (Sept. 21) zan khan Bawngkawn lam atanga kala Durtlang Leitan thlen chhoh hma deuh ah Synod Hospital, Durtlang-a thawk doctor pahnih chu kutthlak rawn an ni a. Pawikhawihtute hian doctor pahnih te hi motor atanga hnukchhuakin kut an thlak a, nikhawhrelo khawpa sawisain, an lu ah hliam na tak an tuar niin thudawnna chuan a sawi.#zabilianz He thil thlenna hmun nia sawiah hian Inrinni kalta zan khan intibuai an awm a, intihbuainaa tel pakhatin hetih laia an bula lo ding doctor te a va bia chu a lehlam chuan a thian te a punah ngaiin, motor-a chuang doctor pahnih chu hnukchhuakin kut an thlak rawn ta mai niin thudawnna chuan a sawi a. Doctor kutthlaktute hi Durtlang lam mi an ni lo vek niin a sawi bawk. He thil thleng chungchangah...
Read more

Feli Fanai a chawl ta

Image
#ZabilianZ Feb 12: Mizo zaithiam langsar ber pawl Feli Fanai chuan February ni 12, 2025 zing dar 2:15 khan chatuan ram a pan. F. Ramdingliana In, Ramhlun North-ah a ruang chawlhpui a nih hnu ah Champhai Venglai-a an In panpui a ni ang. Kum 33 mi Lalnunfeli (Feli Fanai) hi F Lalbiakmawia (L) leh C Lalthantluangi te fanu niin, September ni 8, 1991-ah a piang a, pianpui unau mipa 2 leh hmeichhe 1 neiin, a fapa te pahnih a kalsan bawk a ni.#zabilianz Hrisellohna hrang hrang ten a tlakbuak chhova, han ziaawm deuh thin mahse, damdawi in luh ngai a awm zauh zauh a. Nikum December khan a chauh zual deuh avangin Aizawl Hospital panpui niin, ICU-a enkawl ngai hialin a awm a. Kumin January ni 6 atang khan Ebenezer Hospital-ah enkawl zui ni mahse, hmasawn tak tak hleithei lovin he damdawi in atang hian chatuan ram a pan ta a ni.  Kum 2013 March ni 16 ah music video - John Mawitea leh Mapuii Fanai te hla 'Ka chawi nang che' a tihchhuah hnu lawkah November ni 19, 2013 ah a pa pualin album ...
Read more