ZabilianZ

#ZabilianZ Apr 30: Tukin dar 8-a Delhi-a thi Rajya Sabha MP hlui Ronald Sapa Tlau, Zonuam veng, Aizawl chu tunkar Zirtawpni May ni 2, 2025 chhun dar 12-a vui tura ruahman a ni. MPCC Vice President, kum 71 mi Ronald Sapa Tlau hi tunkar Thawhtanni (April ni 28) khan AIIMS damdawi in, Delhi-ah a lung zai a ni a, ziaawm lam pan hleithei lovinm tukin dar 8 khan a thi a. MPCC chuan vawiin khan Congress Bhavan, Aizawl-ah an Vice President sunna hun hi an hmang. Ronald Sapa Tlau hi February ni 4, 1954-ah Hualtu khua-ah a piang a. Spicer Adventist University, Pune atanga graduate-in, Howard University, USA atangin Communication for rural development a zirchhuak bawk.#zabilianznews A nupui Ramthanpari Tlau leh an fa te - mipa 2 leh hmeichhe 1 a kalsan a ni. July ni 19, 2014 atanga July ni 18, 2020 thlengin Rajya Sabha MP a ni a. MP a nih chhungin committee peng hrang hrang - parliamentary committee on health and family welfare; parliamentary committee on sciensce and technology leh parliamentary...

#ZabilianZ Apr 29: Zonet TV-in Mizo Idol a thlan hmasakber (2007) atanga Zofate hmelhriat - zaithiam leh lemchan thiam Alex Lalchhuankima, Tanhril chuan tukin dar 3:15 khan Civil Hospital, Aizawl atangin chatuan ram a pan a, vawiin vek chawhnu dar 1-ah Tanhril Community Hall-ah vui a ni ang. Kum 38 mi, Alex Lalchhuankima hian cancer avanga hun rei tak enkawl a nih hnu ah a nupui Gracy VL. Pachuau leh an fanu a kal san a ni.#zabilianznews Alex Lalchhuankima hi zai leh rimawi lama mipui hriat leh ngainat hlawh tak a ni ang bawkin lemchan khawvel lamah pawh hriat hlawh tak zing ami a ni a, sulhnu pawh a nei hman nual a. Lemchan lama a inlanna langsual zual zingah Khawnglung run (2012), Lungdumtu (2015) leh Dakpu (2024) te pawh a tel.#zabilianznews  Mizo zai leh rimawi leh zaimite hmasawnna tura ngaihtuahna seng nasa tak niin, zaimi ten an zaithiamna te nasa zawka an hlawkpui theihna tura beitu zing ami a ni a. Music Domain Mizoram (MDM) hruaitu atana thlan hmasakber zingah telin, term...

#ZabilianZ Apr 25: Rs. nuai 1793.37 senga sak High Court parking building leh District Court panna tur RCC pedestrian footpath chung nei leh High Court complex panna tur siam thar te chu vawiin khan Gauhati High Court Judge pathum - Justice Michael Zothankhuma, Justice Nelson Sailo leh Justice Marli Vankung ten an hawng. High Court parking building hi SEDP atanga fund an dawn Rs. nuai 1960 atangin Rs. nuai 1793.37 senga sak a ni a. September ni 30, 2020 atangin Contractor V. Malsawmdawngliana, Chandmari, Aizawl-in a sa tan a ni.#zabilianznews  Gauhati High Court Judge Justice Michael Zothankhuma'n High Court parking building an neih theih na tura thawktu zawng zawng lawmthu hrilhin, "kum 2008-ah te kha chuan eng infrastructure mah kan nei lova, kum 17 chhung hian infrastructure tha tak tak Aizawl leh district hqrs. ah te kan nei tawh a, sawrkarin min ngaipawimawh zia a lang hle a, kan lawm hle a ni", a ti. High court parking building-ah hian Car 149 a park theih dawn a ni...

#ZabilianZ Apr 25: MZP Hqrs., Lunglei executive committee vawiina thukhawmin ATL road sum pawhpen dahlet tura sawrkar an ngenna ni 15 chhunga a hlawhtlin tak loh avangin April ni 28, 2025 (Thawhtanni) zing dar 7 atangin Pukpui daiah kawngpui (ATL road) dang turin thutlukna an siam. Aizawl - Lunglei kawng ATL road siamna tur sum Rs. vbc 90.69 atanga Rs. vbc 45 pawhpen a ni leh ATL road chhe chin, Kanghmun South leh Kikawn inkar km 70 vel a nih laia km 14 (Pukpui dai leh Mausen dai inkar) chauh siam tuma sawrkarin Rs. vbc 45.89 chauh a dah chu duh lovin, April ni 9, 2025 khan Lungleiah lungawilohna an lo lantir tawh a. Sawrkar chu ni 15 chhunga sum pawhpen dahlet turin an phut. ATL road siamna sum chu a hmanna tur dik taka hmang turin sawrkar an phut a ni.#zabilianz #zabilianznews #zofatehuapzo  

#ZabilianZ Apr 25: Central YMA hnuaia ruihhlo do pawl, Central Anti Drugs Squad (CADS)-in hun engemawchen an lo veh tawh ruihhlo No. 4 (heroin) hawng 400 (Kg 4.821), Rs. nuai 112 hu vela ngaih chu CYMA puihnain Excise & Narcotics Deptt-in an man. Thudawn danin, ruihhlo tam tham tak hi nimin zing dar 3 vel khan Saitual-ah man a ni a. Car (Grand i10) MZ-01 J 8898, kum 28 mi, Thangsangpuia (Puia), Zawra Veng, Farkawn khua tuna Ramhlun North a cheng mek nia insawiin a khalh atangin hawng 200 (kg 2.400) leh Car (i10) MZ 01 H 6514, kum 28 mi Malsawmdawnga (Sawma), Zawra Veng, Farkawn khua tuna Khawmawi, Myanmar a khawsa mek nia insawiin a khalh atangin hawng 200 bawk (kg 2.421) man a ni. Lirthei khalhtute hian an lirthei khalhte chu Lalhmingmawia (Mawia), Champhai district-a Ngur khua nia an hriat, Zokhawthar leh Khawmawi, Myanmar lamah te khawsa thin ta niin an sawi a. An ruihlo phurh te pawh Mawia ta vek a nih thu leh Vairengte daia hnamdang hnenah Rs. 80,000 ve ve hlawha zu hlan tura ...

#ZabilianZ Apr 25:MNF Legislature Party Secretary R. Rohmingliana'n ZPM sawrkar hotu ten ruihhlo leh dan lova sumdawnna man chhuahnaah inlan duhna leh inlan duhlohna an nei niin a sawi MNF party chhung inkhawm vawiina neihah he thu hi MNF Legislature Party Secretary R. Rohmingliana chuan a sawi a. "Ruihhlo tam tham tak man a ni a, rampuma kan sawi luai luai laiin kan sawrkar hotute thawm hriat tur a awm lova. Tunhnai lawkah ruihhlo tamtham tak man a ni leh a, kan sawrkar hotute an lo lang leh thuau lawi si" a ti. Dan lova tawlhruk Kuhva ro man a nih chungchang pawh sawiin, R. Rohmingliana chuan "dan anga man kha dan lova tihral an tum em ni? restricted auction hmanga an duhsak zawng te vulh nan hman an tum nia lang hi a fello takzet a ni" a ti bawk.#zabilianznews R. Rohmingliana chuan ZPM sawrkar chu an thil tih leh tih loh aimahin, an insawi anga an awm leh awm loh an bengkhawn nia sawiin, "an intiam leh an insawi anga an awm lo hi kan sawisel mai a ni...

#ZabilianZ Apr 25: MPCC thupuangtu Dr. Lallianchhunga'n Congress party an sawrkar lohna tura Mizorama tualto party pahnih ten BJP an thawhpui dan a lang chhuak zel niin a sawi a. Hemi chungchangah hian MNF leh ZPM-in tun thlengin phatna an la siam lo nia a hriat thu a sawi. Congress party political session, Congress Bhavan Golden hall-a vawiina neihah he thu hi Congress thupuangtu chuan a sawi a. MNF sawrkar lai, November ni 30, 2020 ah BJP National Spokesperson M. Kikon-a'n Aizawl press club-ah ‘MNF chu BJP vanga chak an nih thu a sawi niin Dr. Lallianchhunga chuan a sawi a. "Kum 2023 a an tlak thleng khan MNF chuan M. Kikon-a thusawi kha an chhanglet lo" a ti.#zabilianznews Dr. Lallianchhunga chuan MNF President-in BJP pachal Amit Shah nen an inkawmna chungchang April ni 7, 2025 khan Hnam Run-ah a sawi tih sawiin, BJP-in kum 2023 ah MNF an puih tawh loh chhan te, BJP-in ZPM lam an hawi tak dan te a sawi niin a sawi a. "Kha thu kha ZPM VUC member te tan ngawih b...

#ZabilianZ Apr 25: Lok Sabha MP Richard Vanlalhmangaiha'n nimin tlai khan Union Minister of State for Defence Sanjay Seth hmuin, Mizoram Chief Minister-in Mizorama Territorial Army Unit din tura a lo ngen tawh a hlawhtlinna tura hmalakpui turin a ngen. Union Minister of State for Defence chuan Pu Richard Vanlalhmangaiha ngenna chu rang taka an ngaihtuah tur thuin a lo chhang niin, sawrkar thuchhuah chuan a tarlang a. Mizoram Journalist Association (MJA) member ten India ram hmun hrang hranga defence study tour an neih theihna tura hmalakpui tura a ngenna pawh hma a lakpui ngei tur thuin a lo chhang niin a tarlang bawk. Union Minister of State for Defence Sanjay Seth chuan Pu Richard Vanlalhmangaiha chu Indian Defence committee sang pahnih Standing Commitee on Defence leh Consultative Committee on Defence-a member a nih avanga a lawmpui thu lo hrilhin, Indian Defence tana theihtawp chhuaha a hun leh ngaihtuahna te seng turin a lo ngen niin sawrkar thuchhuah chuan a tarlang bawk.#zab...

#ZabilianZ Apr 24: Mizoram State Police leh Central Reserve Police Force (CRPF)-in kum 1999 atanga Lengpui Airport venhim hna an thawh hnuah vawiin khan Lengpui Airport venhim hna chu CISF (Central Industrial Security Force) kutah hlan a ni. Lengpui Airport venhim hna thawk hian CISF mi 121 an duty dawn a. CISF hotute chuan Lengpui Airport chu a hmangtu an pun zel avang leh sawrkar laipuiin ram puma civil aviation facility te venhimna a tihchangtlun mekna ah CISF chu Lengpui Airport a dah an nih thu an sawi a. Airport venhim kawngah CISF-in tawnhriat an neih that thu leh Lengpui Airport-ah pawh tha taka hna an thawh ngei tur thu te an sawi bawk.#zabilianznews Mizoram DGP Pu Anil Shukla pawhin CISF chu tha taka an hna thawk tura duhsakna hlanin, Mizoram chu ram dang pahnih nena ramri intawm a nih avanga dan phalloh thil tawlhruk a tam thu leh hemi kawngah hian Airport-a duty te fimkhur hle a tul thu te a sawi bawk a ni.#zabilianz #zabilianznews #zofatehuapzo

#ZabilianZ Apr 24: MPCC Treasurer Dr. Lalmalsawma Nghaka'n "MNF hun chhung zawng khan bumin kan awm" tiin, "an hotupain mumang ramah min hruai a, SEDP min tiam a, engmah min pe leh si lo, MNF hi chu mipui tan rin an har tawh" a ti. Ailawng, W. Lungdar, Khawrihnim, Lungphun leh Reiek khua te vawiina a tlawhnaah he thu hi MPCC Treasurer chuan a sawi a. ZPM sawrkar pawhin hun reilote chhungin mipui beisei an pha lo tih a lang nghal niin a sawi.#zabilianznews Dr. Lalmalsawma chuan ZPM chu thlai thar lei chungchangah an intiam angin an kal lo nia sawiin, kawng hrang hrangah mipui beisei an phak loh zia hmuh tur a awm chho zel niin a sawi a. "Healthcare scheme-ah private hospital te tana pawm theihlohvin rate an siamsaka, private hospital ten an thawhpui duh lo, ZPM sawrkar Universal Healthcare hi mipui beisei a ni lo" a ti. MPCC Treasurer chuan "kan sawrkar hrawn mek hian sum khawn tam ringawt a ngaihtuah emaw ni chu aw a tih theih" tiin, "ch...

#ZabilianZ Apr 24: MZP Gen. Headquarters hruaitu ten nimin khan Buhchangphai khaw chhûng Chhimluang luia lei dawh mek Assam Forest-in  chawlhsan tura an tih chu an tlawh a. Mizoram chhung ngeia Assam lamin thuneih an tum fo chu hriatthiam har an tih thu a sawi. Mizoram sawrkarin Buhchangphai khaw chhung Chhimlung lui-a ramthar zau panna lei a dawh that mek hi Assam Police leh Assam Forest ten nimin khan tlawhin, Assam ram chhûng nia sawiin, hna thawh mêk chu tâwpsan nghal turin an ti a. He thil hi an hriat ve leh MZP hruaitute chuan Buhchangphai hi an pan ve nghal a ni.#zabilianznews Chhimluang lui ral lehlamah hian Buhchangphai khaw mi ten huan lo ram neiin, an huan lo ram te pawh Mizoram Land Revenue & Settlement Department hnuaia LSC nei, chhiah pawh Mizoram sawrkar-a pêk a nih thu MZP hruaitute chuan an sawi a. Buhchangphai VC pass nei engemawzât an awm niin an sawi bawk.#zabilianznews MZP hruaitute chuan Buhchangphai VC te nen thil thlen dan te sawiho a. Mizoram chhung nge...

#ZabilianZ Apr 22: Central Jail ward thar, mi 70 awm theihna 'C Ward', Rs. nuai 90.23 senga sak chu vawiin khan Home Minister K. Sapdanga'n a hawng. Home Minster hian Central Jail-a ward hrang hrang bakah workshop, ICTC, Library, Hall leh hmun dang te pawh fangin a enfiah nghal a. Hmeichhe Jail (Central Women’s Jail), Central Jail a tlawh nghal bawk. Central Jail-a ward hrang hrang te chu kum 1986, September ni 15-a hawn tawh kha niin, sak that a hun tawh hlawm hle a. Lungrem te pawh chim mai hlauhthawnawm dinhmuna ding a ni hlawm a, an tawt hle bawk. Thuneitu ten an sawi danin, Central Jail chu SASCI part I atangin Rs. vbc 13.925 senga sak that tura ruahman mek a ni a. Home Minister leh a kaihhnawih mipawimawh ten sakthat tura Jail thiah a nih huna mi tang (prisoner) te awm lailawkna lo ruahman dan tur te an sawiho nghal a ni.#zabilianznews Central Jail-ah hian mi tang (prisoner) 854 an awm mek a, heng zingah hian dam chhung tang tur 56 leh hrehawm taka tang tura tih RI co...

#ZabilianZ Apr 21: Mizoram State Sports Council (MSSC) kum 50-na lawmna kum khat awh tur bultanna atan tukin khan golden jubilee torch (meichher) relay neih a ni a, MSSC Golden Jubilee lawm bultanna chu MSSC President hmasaber Dr. H. Thansanga'n a hawng. Golden jubilee torch relay hi Bawngkawn atanga tanin, sports association 34 aiawh ten Aizawl khawpui chhungah meichher chu inpe chhawngin, Sports Minister, MSSC leh MFA President ni bawk Lalnghinglova Hmar-in Aizawl Tennis Court-ah a tlan luhpui a. Hemi hnu hian MSSC Golden Jubilee hawnna inkhawm chu Vaivakawn Cultural Centre & Auditorium-ah tlanluhpui leh in, MSSC President hmasaber Dr. H. Thansanga a hlan chhawng ve leh a, a ni hian a dah na tura ruahmansa ah Golden Jubilee lawm chhung zawnga mit lo turin a dah a ni.#zabilianznews MSSC Golden Jubilee lawmna hawngtu MSSC President hmasaber, Minister hlui ni bawk Dr. H. Thansanga chuan MSSC chu harsatna tam tak paltlanga kum 1976-a din a nih thu a sawi a. Kum 50 kalta chhunga h...

#ZabilianZ Apr 22: Dan lova ramdang kuhva tawlh man sa, tunhnaia Kolasib district magistrate thupeka lilam/auction a nih chungchangah Vairengte Kuhva Chingtu Co-operative Society, Bilkhawthlir Kuhva Chingtu Co-operative Society leh Hachhek Bial Kuhva Chingtu Pawl joint committee-in thuchhuah intawm siamin, kuhva lilam chhangtu leh leitu, a leitu tur thlan dan leh lilam chhangtute hming leh an leina rate puangzar turin Mizoram sawrkar an phut.#zabilianznews Vairengte, Bilkhawthlir leh Hachhek biala kuhva chingtu pawl te chuan kuhva tawlhruk man tawh sa lilam tir chu kuhva tawlhru thin te thil tum leh duhthusam, ukil ruaia an hmalakna tihhlawhtlinna a nih thu an sawi a. Dan lova kuhva tawlhrutute hmalakna chu tihpuitlin a nih chuan Mizorma kuhva chingtute tan a him dawn lo hle nia hriain thuneitute pawh an lo sawipui tawh thu an sawi. Kuhva tawlhru thin ten an kuhva tawlhruk te chu Mizoram sawrkar kuta luhtira, lilam hmanga leichhuah leh mai chu an thil tum leh thiam taka an sawi fo thin...

#ZabilianZ Apr 22: North East Zone Cultural Centre (NEZCC) - Young talented artiste award 2022-2023 dawngtu zingah Jonathan VL Remruata, Khawzawl leh Rivca Lalnunsangi, Zotlang, Aizawl te an tel a. Jonathan VL Remruata'n painting category-ah dawngin, Rivca Lalnunsangi'n Creative Arts (painting) category-ah a dawng thung. NEZCC hi sawrkar laipuia ministry of culture nena thawkho niin, Young talented artiste award hi kum 2002 atang khan an sem tan a, northeast state pariat atanga artist te tana buatsaih niin, he chawimawina hian Rs. 20,000 a keng tel a ni.#zabilianznews NEZCC - young talented artiste award 2022-2023 dawng tur hian northeast state hrang hrang --Arunachal Pradesh, Assam, Manipur, Mizoram, Nagaland leh Tripura atangin artist 17 thlan an ni a.  Mizoram atanga dawng pahnih te hi Mizoram Art Development Society (MADS) member ve ve an ni.#zabilianz #zabilianznews #zofatehuapzo

#ZabilianZ Apr 21: Roman Catholic Kohhran hotu lu ber Pope Francis chu Pneumonia vanga hun engemawchen enkawl a nih hnu ah vawiin khan a thi.  Kum 88 mi Pope Francis hi kum 12 leh thla 1 Pope mawphurhna a chelh chhungin hrisellohna hrang hrangin a tlakbuak a. Tunhnaiah Pneumonia avangin engemawchen  damdawi in lamah te enkawl a ni. Kar kalta Inrinni khan sawi lawk lovin St. Peter’s Basilica-ah tawngtai turin a kal a, nimin Easter Sunday khan St. Peter’s Square-a mipui pungkhawmte Easter chibai bukin mal a sawm a, hei hi mipui hmaa a inlan hnuhnungber a ni ta a ni.#zabilianznews Latin American zinga Pope dinhmun luah thei hmasaber Pope Francis hian kum 2013, March thla atangin Pope dinhmun a luah tan a. Miretheite ngaihsaktu leh Catholic kohhran kalphung her danglamtu nia sawi a ni thin.#zabilianznews Aizawl Bishop Most Reverend Stephen Rotluanga pawhin Pope Francis an ui thu sawiin, rethei leh chanhai te hmangaihna lantir chu Pope Francis-a thupui ber a nih thu a sawi bawk. In...

#ZabilianZ Apr 21: Tun thla ni 26 (Inrinni)-a ‘Aizawl International Half Marathon’ (AIHM) neih tur chungchangah vawiin khan Sports Minister Lalnghinglova Hmar hovin a kaihhnawih mipawimawh te an thukhawm a. Half marathon tlan tura inziaklut mi 200 chuang an awm tawh thu tarlan a ni. Mizo thalai te mai bakah India ram chhung leh pawn atangin AIHM a tel tur an thahnem dawn niin Sports Minister chuan a sawi a. Kenyan runner mi 5 bakah services atangin mi engemawzat an tel dawn tih a chian tawh thu a sawi bawk. AIHM a tel tum te tan https://aihm2025.com/ ah online-a inziahluh theih a ni mek a. Millenium Centre kawtah offline-a inziahluh theih a ni a, tunkar chho ah school leh college-ah te inziahluh theihna hun hawn tum a ni bawk a. Registration fee : India mi tan Rs. 799 leh foreigner tan US Dollar 30 (Rs. 2,581.12) a ni.#zabilianznews Sports Minister chuan AIHM chu kumdangah pawh neih chhunzawm zel tum a nih thu a sawi a. Larsap General (Dr) Vijay Kumar Singh leh Chief Minister Lalduhoma...

#ZabilianZ Apr 21: MPCC President Lal Thanzara'n ZPM chu engkim titheia inngaia, mipuia inzuar, a tak takah erawh engmah ti thei leh si lo niin a sawi a. "Eng an tih theih loh zia Mizoramin a hmu mek" a ti. Dampui, Mamit, Vawngawnzo, Damdiai leh Suarhliap khua te vawiina a tlawhnaah heng thu hi MPCC President chuan a sawi a. "Mizoram politics inthlak danglamna bul intanna Aizawl khawpuiah Local Council inthlanah Congress kan che tha ber" tiin, hei hian Congress party tho leh thuai tura mipuiin an duh zia a lantir niin a sawi bawk. MPCC President chuan ZPM party intiamna avangin phur takin kuthnathawktu ten Sawhthing ching mahse, rilru nâ in an awm ta zawk niin a sawi a. MNF sawrkarah kuthnathawktute mangangin Chemtum nen Aizawl khawpuiah kawng an zawh thu leh tuna ZPM sawrkarah pawh kuthnathawktute rilru na leh mangangin rapthlak taka lungawilohna lantira kawng an zawh mai hlauhawm khawpin an rilru a na niin a sawi. ZPM leh MNF sawrkar-ah Mizoramin manganna nasa...

#ZabilianZ Apr 21: MNF President Zoramthanga'n an insawi anga awm lovah ZPM a puh a. Itawm chitin renga an inzawrh avanga mipuiin an thlan tlin, an insawi anga awm leh si lo niin a sawi. Kolasib district-a MNF VC tling thar te lawmpuina, Diakkawn YMA Hall, Kolasib-a neihah MNF President chuan he thu hi sawiin, ZPM chu an sawi loh ang hlirin an awm ta niin a sawi a. Kum khat chuang an sawrkar chhungin sawrkar hnathawkah a ni telin an tlahniam zel nia sawiin, "sawrkar hnathawk lian an nuih a za a, 'naupang inkhuallem kan ang', an ti," a ti. Zoramthanga chuan, sawrkar hnathawk tê deuh ho pawh an lungawilo mek nia sawiin, "cancer vei pawh an thliar tawh lo, doctor rual an phin leh a, health care te an ti suakbak vek" tiin, naupang leh zirtirtute pawh an lungawilo chho leh mek niin a sawi a. "Sikul dinhmun sang zawka kan hlan zawng zawngte kha an cancel a, Finance Minister-in 'a theih' ka tih avanga kan tih a ni. Covid hripui lai pawhin a theih a...

#ZabilianZ Apr 21: Education Minister Dr Vanlalthlana'n Mizorama zirna dinhmun zirchiang turin NITI Aayog sawm an nih thu sawiin, "an zirchianna hmangin education summit kan huaihawt dawn a, kan harsatna lai zawn chhuah leh a sutkian dan tur ngaihtuahho turin hmachhawp kan nei mek" a ti. ZPM party chhung inkhawm vawiina neihah he thu hi Dr Vanlalthlana chuan a sawi a. Hei bakah hian Mizoram Education Reforms Committee din a nih tuh leh nasa taka hma an lak thu a sawi.  Zirtirtu sem rual na turin transfer rules an buaipui mek nia sawiin Education Minister chuan "kan hrualmum thei tep tawh" a ti a. School siam that leh sak that hna te, zirtirtu dinhmunte mipui hmuh theih turin vskmizoram.com ah an phochhuah thu leh mipuite pawhin lo ngaihven se a duh thu a sawi. Minister chuan Mizoram Government School Teacher’s Union (MIGOTSU) ten bagde dum bela sawrkar laka lungawilohna an lantir mek chungchang pawh sawiin, education department-in theihtawp chhuaha an tana hma a...

#ZabilianZ Apr 18: Mizorama a vawikhatna atan JK Tyre Powered Indian Racing Festival chu tun thla ni 16 khan Tuirial Airfield, Aizawl-ah neih a ni a. Mizo Stunt Performer - Francis leh Awmawmi te bakah Superbiker ten an thiam thil hmanga mipui mit titlaiin he hun hi an hawng a. Indian Stunt leh Drift Car Driver leh Stunt Rider thiam bik ten Indian F4 car, Indian Racing League Car, Indian Drift Car, Baleno Stunt Car, GoKart, Super Bike Stunt te hmangin mipui mit an titlai hle a ni. Indian Racing Festival-ah hian thil la thleng ngai lo thlentir niin, Tuirial YMA ten Cheraw an kan India Drift King an tih hial Sanam Sekhon leh Aswhin Singh Takiar ten lo drift hnanin khawvelin a la hmuh ngai loh hmuhnawm an entir a, record an siam te pawh a tih theih awm e. Mizo Idol Lalhmangaiha leh Mizo Zaithiam chhuanvawr LiLZO ten zaiin mipui an awi bawk. JK Tyre Motorsports-a Head of Operations Hari Singh chuan Mizoram an lo kal thei chu lawmawm a tih thu a sawi a. Khaw chhe karah pawh mi tam takin he ...

#ZabilianZ Apr 18: Tun thla ni 26-ah Aizawl International Half Marathon (AIHM) buatsaih a ni dawn a. RG Stadium, Mualpui atanga tlan chhuah tur niin, RG Stadium-ah bawk tlanlet leh tur a ni. He inelnaa tel duh te tan inziahluhna hun hawn mek a ni. Half marathon thui zawng hi km 21.1 niin, mi nawlpui tel theih na tur 'open race' km 10; 'fun race' km 5 bakah kum 10 atanga kum 15 inkar te tan 'junior race' km 5-a thui tlan tur te a tel dawn bawk. Category pathum - half marathon, open race leh fun race-ah a ti tha mi panga tan - mipa leh hmeichhia a hrang ve ve in lawmman siam a ni ang a, junior category-ah erawh chuan mipa leh hmeichhia thenhran a ni lo thung ang. Half marathon (km 21.1) - darkar thum chhunga thleng hman ten finisher medal an dawng ang a, tlan thleng zawng zawngin - www.aihm2025. com atangin ni 21 chhungin timing certificate an download thei ang.#zabilianz Lawmman : Half Marathon (km 21.1) - mipa leh hmeichhia 1st : Rs. 1,25,000 2nd : Rs. 1,00,000 ...

#ZabilianZ Apr 16: Mithiam ten cheng nuai 13 vel senga leimin tur hriat hma theihna - landslide early warning system 50 vel lei dan tur ngaihtuah turin DM&R Directorate an ngen a. A rang lama Ngaizel leh Hlimen bakah AMC huam chhunga lei min awm thinna hmunah te dah theih ni se tha an tih thu an sawi. Ngaizel leh Hlimen kham atanga lung tla thin tihziaawm dan tur ngaihtuahin vawiin khan CSIR-CIMFR (Council of Scientific and Industrial-Central Institute of Mining and Fuel Research)-a Chief Scientist Dr. C. Sawmliana hovin Aizawl District Disaster Management Authority (ADDMA) puipate an thukhawm a. Ngaizel leh Hlimen tlawh nghalin, DM&R Directorate chu cheng nuai 13 vel senga leimin tur hriat hma theihna - landslide early warning system 50 vel lei dan tur ngaihtuah turin an ngen a ni.#zabilianz Dr. C. Sawmliana chuan Ngaizel leh Hlimen-a lung tla thin ven dan tura rawtna a neih ang ang te sawiin, Mizorama mithiam te nen tanghova hetiang lama expert company te DPR siam tira, a...

#ZabilianZ Apr 15: Lunglei khawpuiin tuia harsatna a tawh mek chungchangah vawiin khan Lunglei Municipal Council (LMC) Chief Executive Officer (CEO) Donny Lalruatsanga'n Lunglei tui zuar association hruaitute a kawm a. Tui thianghlim ei tlak ngei chauh hralh ṭhin tura ngenin, mipuiin tui an mamawhna a san avang leh tui a van avanga tui man tisang lo tur leh mipui dinhmun ngaihtuah chunga sumdawnna kalpui turin a ngen. Lunglei tui zuar association hruaitute chuan tui harsatna karah an duhkhawp tui chawi tur an hmuh loh thu leh tui chawi tam zawk chu an pawla inziaklut lemlo an nih avanga inven vek a harsat thu te an sawi a. An pawl member-ah chuan tui thianghlim chauh phur tura an infuih ve fo thu sawiin, rate chungchangah pawh an pek turte nena an inremsiam hnuah chauh a man an san ṭhin thu sawiin, an chawi hlat dan azira an rate a san ve zel thu an sawi a. A hla deuh Mat lui tui chawi lo ten hralh to an duh luatah Mat tui anga sawi an awm ṭhin pawi an tih thu leh mipuite pawh fimk...

#ZabilianZ Apr 15: All Mizoram CSS Employees Coordination Committee (AMCECC)-in sawrkar laka lungawilohna an lantir mek laia Chief Secretary mawhphurhna la mektu-in CSS hnuaia dan lova lak te dahngheh theih an nih loh thu a sawi leh, sawrkarin an thil phut a tihhlawhtlin chuan India constitution bawhchhiat a tul tur thu a sawi chu hriatthiam har an tih thu an sawi. AMCECC chuan Chief Secretary mawhphurhna la mektu H. Lalengmawia'n vawiina thuthar thehdarhtute a kawmnaaa thusawite chu vawiinah vek thuchhuah hmanga chhangin, "Keini aia mumal lova lak te pawh dahngheh an lo ni tawh thin" an ti a. CSS te dinhmun hrechiangtu sawrkarin CSS te dahngheh theihna tur dan ‘Govt, of Mizoram Regularization of CSS Employees Scheme, 2024’ chu a taka hman an phut thu an sawi nawn. He dan hi a taka kan hman a nih theihna turin Chief Minister pawhin a theih dan zawng hram hram turin thuneitute a chah niin AMCECC chuan an sawi a. "Min dahngheh theihna tura hma la lova, a harsatna leh a...

#ZabilianZ Apr 15: Kumin Jan - March chhung khan Excise & Narcotics Department-in Crystal Meth Kg 48.061 an man a. Hemi hun chhung vek hian heroin Kg. 15.192 leh Methamphetamine Kg. 44.111 an man bawk. Excise & Narcotics Department-in a chhinchhiah danin, Kuminah March thla thleng khan rakzu litre 18013.980 leh zu bilh lai/fermented rice tin 52198 an man a. Sap zu (ml 750) um 4453; ml 500 um 22; ml 375 um 764; ml 300 um 4; ml 275 um 3 leh ml 180 um 660 an man. Hemi hun chhung vek hian Ganja Kg 84.913 bakah damdawi ruih theih - Khuh damdawi 1318; Alprazolam mum 4341; Nitrazepam mum 1450 leh Tramadol mum 388 an man a. Beer (ml 650) um 106; ml 500 can 9516; ml 300 can 2 bakah ramdang zu (lit 1) um 11 leh ml 700 um 7 an man bawk.#zabilianz Kumin January atanga March thla chhung vek hian Excise & Narcotics Department chuan BEDC litre 462.200; SOJU (ml 360) um 54; Dawidim (Yeast) Kg 59.640 leh zu siamna bungbel 813 an man a. Heng an thil man kaihhnawihah hian lirthei 43 manin, da...