#ZabilianZ Apr 15: Lunglei khawpuiin tuia harsatna a tawh mek chungchangah vawiin khan Lunglei Municipal Council (LMC) Chief Executive Officer (CEO) Donny Lalruatsanga'n Lunglei tui zuar association hruaitute a kawm a. Tui thianghlim ei tlak ngei chauh hralh ṭhin tura ngenin, mipuiin tui an mamawhna a san avang leh tui a van avanga tui man tisang lo tur leh mipui dinhmun ngaihtuah chunga sumdawnna kalpui turin a ngen.
Lunglei tui zuar association hruaitute chuan tui harsatna karah an duhkhawp tui chawi tur an hmuh loh thu leh tui chawi tam zawk chu an pawla inziaklut lemlo an nih avanga inven vek a harsat thu te an sawi a. An pawl member-ah chuan tui thianghlim chauh phur tura an infuih ve fo thu sawiin, rate chungchangah pawh an pek turte nena an inremsiam hnuah chauh a man an san ṭhin thu sawiin, an chawi hlat dan azira an rate a san ve zel thu an sawi a. A hla deuh Mat lui tui chawi lo ten hralh to an duh luatah Mat tui anga sawi an awm ṭhin pawi an tih thu leh mipuite pawh fimkhur tura an duh thu an sawi.#zabilianz
LMC CEO chuan LMC-in March 2026 ral hmaa tui zuar/phur ten LMC aṭanga phalna (licence) la vek tura ruahmanna siam a nih chhan tui zuar te chu hrilhfiahin, hri ṭha lo, mihring nunna atan pawha pawi thei laka inven leh inkhuahkhirh awlsam nan leh hming chhiatna leh harsatna thleng thei laka inven tawn theihna atan a nih thu a sawi a. Tui hmanga sumdawngte chu he ruahmanna hi hrethiama, zawm ṭheuh turin a ngen bawk.#zabilianz #zabilianznews #zofatehuapzo
0 Comments