#ZabilianZ Apr 22: Central Jail ward thar, mi 70 awm theihna 'C Ward', Rs. nuai 90.23 senga sak chu vawiin khan Home Minister K. Sapdanga'n a hawng.
Home Minster hian Central Jail-a ward hrang hrang bakah workshop, ICTC, Library, Hall leh hmun dang te pawh fangin a enfiah nghal a. Hmeichhe Jail (Central Women’s Jail), Central Jail a tlawh nghal bawk.
Central Jail-a ward hrang hrang te chu kum 1986, September ni 15-a hawn tawh kha niin, sak that a hun tawh hlawm hle a. Lungrem te pawh chim mai hlauhthawnawm dinhmuna ding a ni hlawm a, an tawt hle bawk. Thuneitu ten an sawi danin, Central Jail chu SASCI part I atangin Rs. vbc 13.925 senga sak that tura ruahman mek a ni a. Home Minister leh a kaihhnawih mipawimawh ten sakthat tura Jail thiah a nih huna mi tang (prisoner) te awm lailawkna lo ruahman dan tur te an sawiho nghal a ni.#zabilianznews
Central Jail-ah hian mi tang (prisoner) 854 an awm mek a, heng zingah hian dam chhung tang tur 56 leh hrehawm taka tang tura tih RI convict 263 leh thubuai ngaihtuah lai - under trial prisoner (UTP) 457 pawh an tel. Hmeichhe Jail lamah mi tang (prisoner) 132 an awm mek a. Hmeichhe lamah dam chhung tang tur an awm lova. An nu te bula awm ngai naupang 7 an awm bawk.#zabilianz #zabilianznews #zofatehuapzo
0 Comments